Poetry / Love

Muzammil Shahzad

Waqt Mila To Sochenge

KYU TU ACHA LAGTA HAI, WAQT MILA TO SOCHENGE
TUJH MEI KIA KIA DEKHA HAI WAQT MILA TO SOCHENGE

SARA SHEHER SHANASAI KA DAWEDAR TO HAI LEKIN
KON HAMARA APNA HAI, WAQT MILA TO SOCHENGE

HUM NE USKO LIKHA THA, KUCH MILNE KI TADBEER KARO
US NE LIKH KER BHEJA HAI, WAQT MILA TO SOCHENGE

MOSAM KHUSHBU BAAD-E-SABA CHAND SHAFAQ AUR TARON MEI
KON TUMHARE JAISA HAI ,WAQT MILA TO SOCHENGE

YA TO APNE DIL KI MANO, YA PHIR DUNIA WALON KI
MASHWARA USKA ACHA HAI WAQT,WAQT MILA TO SOCHENGE

· -1 Like · May 23, 2017 at 17:05
Category: love
 
Poetry / Love

Main Logon Sey Mulaqaton K Lamhey Yaad Rakhta Hoon

MaiN logoN sey mulaqatoN k lamhey yaad rakhta hooN
MaiN baateN bhool bhi jaooN to lehjay yaad rakhta hooN

Sar-e-mehfil nigaheN mujh pey jin logoN ki paRti haiN
NigahoN k hawaley sey woh chehrey yaad rakhta hooN

Zara sa huT k chalta hooN zamaney ki riwayat sey
K jin pey bojh maiN Dalo woh kandhay yaad rakhta hooN...!

· 1 Like · Dec 18, 2017 at 15:12
Category: love
 
Poetry / Love

Abdul Rehman Rehman

Koi Deewana Kehta Hai, Koi Pagal Samajhta Hai

Koi deewana kehta hai, koi pagal samajhta hai
Magar dharti ki bechaini ko bas baadal samajhta hai
Main tujhse dour kaisa hoon, tu mujhse dour kaisi hai
Ye tera dil samajhta hai ya mera dil samajhta hai

Mohbbat ek ehsaason ki pawan si kahani hai
Kabhi Kabira deewana tha, kabhi meera deewani hai
Yahan sab log kehte hain meri aankhon main aasoon hain
Jo tu samjhe to moti hain, jo na samjhe to paani hai

Bahut bikhra bahut toota thapede seh nahin paaya
Hawaaon ke isharon par magar main beh nahin paaya
Adhoora ansuna hi reh gaya yun pyar ka kissa
Kabhi tum sun nahin paaye, kabhi main keh nahin paaya

· 3 Like · Mar 24, 2019 at 23:03
Category: love
 
Poetry / Love

Wafa Chaudhry

Main Chupke Se Us Ki Ankhon Pe Hath Rakh K Pochon Btao Kon Hun Men.

Me ne Chupke Se us ki Ankhon Pe Hath Rakh Ke
Pochon Btao Kon Hun Mein
Wo Muskura Kar Dheeme Se Keh De "Meri Zindigi Ho Tum"

#poetry #lovepoetry />

· 5 Like · Aug 17, 2018 at 09:08
Category:
love
 
Poetry / Love

Kashif Yaqoob

Tumhay Zidd Hai K Main Keh Doon

Tumhay zidd hai k main keh doon
Mujhay zidd hai k tum keh dou
Mujhay tum say mohabbat hai
Kaho mujh say mohabbat hai
Nahin yeh jantay dono
Mohabbat kab bhala mohtaaj hai lafzo ki
Mohabbat tou hamari dharkano ki saaz main shamil
Sureeley geet ki manind
Mohabbat yaad ki devi
Jo tanha raat ko aksar utar aati hai aankho main
Mohabbat muskurahat hai haseen nazuk say honto main
Mohabbat sandali haathon ki nazuk larzish main hai
Mohabbat soch ki gehraiyon say phootti khushboo
Hamesha saath rehti hai
Mohabbat aankh main palta woh pur-israr jazba hai
jisey ab tak nahin koi samajh paya
Na iss ki koi surat hai
Na iss ka koi paymana
Dhakay alfaaz main iss ka bohat izhar hota hai
Kuch aisay he k jaisay aab
Taha-e-dil say tou hum dono bohat iqrar kartey hain
Magar phir bhi na janay kiyon
Tumhayn zidd hai k main keh doon
Mujhey zidd hai k tum keh dou.

· 3 Like · Mar 07, 2018 at 19:03
Category: love
 
Poetry / Love

Muzammil Shahzad

Wo Jo Geet Tum Ne Suna Nahi

Jo Uter K Zeena_E_Sham Say
Teri Chashm_E_Ter Mein Sama Gaye

Wohe Jaltay Bujhtay Charagh Say
Mere Baam_O_Dar Ko Saja Gaye

Wo Ajeeb Phool Say Lafz Thay
Teray Hont Jin Say Mehak Uthay

Meray Sehn_E_Dil Mein Door Tak
Kai Baagh_E_Dil Laga Gaye

Ye Ajeeb Khail Hai Pyar Ka
Main Ne Aap Dekha Ye Mo'ajza

Wo Jo Lafz Meray Gumaan Mein Thay
Wo Teri Zubaan Pe Aa Gaye

Wo Jo Geet Tum Ne Suna Nahi
Meri Umer Bhar Ka Raiz Tha

Meray Ghum Ki Thi Wo Dastaan
Jisay Tum Hansi Mein Urra Gaye....

· 2 Like · Jan 28, 2016 at 23:01
Category: love
 
Poetry / Love

Muzammil Shahzad

Qurb K Na Wafa K Hote Hain

Qurb K Na Wafa K Hote Hain
Saray Jhagray Ana K Hote Hain

Baat Niyat Ki Sirf Hai Warna
Waqt Saray Dua K Hote Hain

Bhool Jate Hain, Mat Bura Kehna
Log Putlaay Khatta K Hote Hain

Wo Bazahir Jo Kuch Nahi Lagte
Un Se Rishtay Bala K Hote Hain

Wo Humara Hai es Tarah Se MOHSIN
Jaisay Banday Khuda K Hote Hain!



· 2 Like · May 12, 2017 at 22:05
Category: love
 
Poetry / Love

Mohabbat Naam Hai Mera

Mohabbat naam hai mera
Agar Chaho Gay Tum Mujh Ko
Tumahri sans se pehly
Tumhari jan ban jaon
Ager Dekho Gay Tum Mujh Ko
Tumhari ankh se pehly
Tumhary khuwab ban jaon
Agar Socho Gay Tum Mujh Ko
Tumhary Paon Se pehly
Tumhari rah ban jaon
Mohabbat Naam Hai Mera.
Mujhe TUM Soch k Dekho...!

· 3 Like · Nov 25, 2017 at 02:11
Category: love
 
Poetry / Love

Hame Apni Mohabbat Me Kho Jaane Do

Hame apni mohabbat me kho jaane do,
har lamha mar ke aaj phir jee jaane do,
Mahobbat ne dil ko aaj phir dhadkaya hei,
mujhe Mahobbat ke aaghosh mei kho jaane do
tadap ki aag hei judaai ki baahon mein
mujhe aaj es mohabbat se mill jaane do.....
meri saans chalti hei tere naam ki aahat pe,
mujh benaam ko es naam me kho jaane do,,,
kasam tujhe chalne wali hawaon ki sanam hai,
mujhe es Mahobbat ki aaj mei jal jaane do...!

· 2 Like · Dec 05, 2017 at 08:12
Category: love
 
Poetry / Love

Muzammil Shahzad

Dabi Dabi Si Wo Muskurahat Labon Pe Apne Saja Saja K

Dabi Dabi Si Wo Muskurahat Labon Pe Apne Saja Saja K
Wo Naram Lehjay Mein Baat Karna, Ada Se Nazrein Jhuka Jhuka K

Wo Aankh Teri Shararti Si Wo Zulf Maathay Pe Nachti Si
Nazar Hattay Na Ek Pal Bhi Main Thak Gaya Hon Hata Hata K

Wo Tera Hathon Ki Ungliyon Ko Mila K Zulfon Mein Kho Sa Jana
Haya Ko Chehray Pe Phir Sajana Phool Chehra Khila Khila K

Wo Hath Hurron K Ghar Hon Jaise Wo Paon Pariyon K Parr Ho Jaise
Nahi Hai Teri Misal Jana Main Thak Gaya Hon Bata Bata K

· 3 Like · Jan 31, 2017 at 09:01
Category: love
 
Cute Pari
Posted by waqas moti
Posted on : Dec 09, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS