Poetry / Love

Aye Dil_e_ Gham Zadah (Pak Old)

aye dil_e_gham zadah

Har sitam bhool ja

Hay agrcha yehi

Zindagi ki ada

Gham main duuba huwa

Chand hay zard sa

Jagti aankh main

Khuwab hay duur ka

Yeh duniya rahe gi

Magar hum na hoon ge

Tere aur mere faasle

Kam na hoon ge

Gham rahe ga sada

Muj ko is baat ka

Teri yaad hi mili

Muj ko tu na mila

Jo shikwa karein bhi

To kis se kareen ge

Yunhi duur hi duur

Jalte raheen ge

Hum mileen ge wahan

Khatm ho ga jahan

Raat ka yeh safar

Dard ka raasta

· 1 Like · Aug 03, 2019 at 03:08
Category: love
 
Poetry / Love

Misali Ghar

Khoobsurat Ek Misali Ghar Banana Hai Mujhe
Ek Ajooba Ahal-e-Duniya Ko Dikhana Hai Mujhe

Housla Himmat Ki Buniyadoun Me Pathar Baandh Kar
Azm Wo Istaqlaal ka Paya Jamana Hai Mujhe

Mahr Ka Paani, Wafaa Ki Reet, Ganj Isaar Ki
Pyaar Ki Eintou Se Deewarein Uthana Hai Mujhe

Khidkiyaa Iqlaas Ki, Darwaze Husn-e-Qalq Ke
Inn Pe Parde Muskurahat Ke Lagana Hai Mujhe

Dard Mandi Aur Silaa Rehmi Ki Roshan Daniyaa
Farsh Salim Qaaksari Ka Bichana Hai Mujhe

Ilm Ki Hongi Kaamanein Aur Aquwat Ke Sutoon
Saare Ghar Me Ilm Ki Shamein Jalana Hai Mujhe

Chatt Ki Kadiyaa Fahem Ki Houngi Salaqein Raham Ki
Jhoomaroun Se Shukar Ki Chatt Ko Sajana Hai mujhe

Raahdaari Chain Ki, Kamre Sukoon-e-Qalb Ke
Ek Waseh Dalaan Chahat Ka Banana Hai Mujhe

Seedhiyaa Zindadili Ki, Khushdili Ka Tabdaan
Har Qadam Par Naksh Fitrat Ke Bithana Hai Mujhe

Balcony Inksari Ki, Jharoke Sabar Ke
Inn Me Kangoore Sharafat Ke Lagana Hai Mujhe

Rang O Rougan Burdbaari Ke Dar O Deewar Par
Toghre Allah Aur Muhammed Ke Sajana hai Mujhe

Chaar Deewari Haya Ki, Aur Gate Qair Ka
Peid Ekjahiti Ke Aangan Me Lagana Hai Mujhe

Kiyariyan Itayat Ki Hongi, Belein Istaghfaar Ki
Husn Zann Ke Maiz Honge, Kursiyaa Tahzeeb Ki

Iss Tarah Deewan Qane Ko Sajana hai Mujhe
Khoobsurat Ek Misaali Ghar Banana Hai Mujhe...

· 1 Like · Aug 02, 2019 at 21:08
Category: love
 
Poetry / Love

Arye Aansu kiya Bahana (Pak Old)

Kal jo apne the
Woh begane nazar ate hain
Dil badalte hai
To chehrey bhi badal jate hain

Tum bhi wohi ho
Yeh dil bhi wohi hay
Chehra sajaya to kiyaa
Daman chhuraya to kiya

Chairey the tum ne
Tarane jo dil k
Gaati hay ab bhi fazaa
Deti hay tum ko sada

Zehar bhara jaam hay yeh
Moun se na lagana
Duniya hay bewafa
Yeh duniya hay bewafa

Pyaar bhi dhokha
Mohabbat bhi dhokha
Dhokha hay chahat yahan
Sajti hay surat yahan

Apne bhi jhoote
Yeh sapne bhi jhoote
Jhooti hay rahat yahan
Jhooti haqeqat yahan

Khuwaab sabhi tuut gaye
Arye aansu kiya bahana

· 1 Like · Aug 02, 2019 at 14:08
Category: love
 
Poetry / Love

Bulaye Jab Pyaar Tera (pak Old)

Guzre na sham akeli

Ho albeli bulaye tujhe pyaar mera



Palkon ki oth takon main

Rah na sakon main

Bulaye jab pyaar tera



Mousam hay teri aankhon jaisa

Phir apnon se chupna kaisa



Gum sum kyun hay sathi mere

Main to khari houn samne tere

Tuj ko gale se lagaoun

Kaise na aoun

Bulaye jab pyaar tera



Nain mile to chah mile gi

Dil ko dil se rah mile gi



Simat gaye hain faasley dil k

Hum raahi hain ek manzil k

Kab tak ho gi na pouri

Aas adhuri

Bulaye tujhaye pyaar mera



Band na hoon ge pyaar jharoke

Lakh zamana hum ko tooke

Chamkayeen ge rahi andhere

Dil mera aur dharkan teri

Apna hay aik fasana

Pyaar nibhana

Bulaye tujhe pyaar mera

· 1 Like · Aug 02, 2019 at 08:08
Category: love
 
Poetry / Love

Insaan Hum Ko Kab Hay Mila (pak Old)

Chahi thi dil ne tuj se

Wafa kam bohot hi kam

Shayad isi liye hay

Gila kam bohot hi kam

Jalte suna charag se

Daman hazaar bar

Daman se kab charag

Jala kam bohot hi kam

Sadiyon se yun to hay

Yahan insaan ka wajood

Insaan hum ko kab hay

Mila kam bohot hi kam

A jaye k aap se pahle

Na aye mout

Ab waqt rah gaya hay

Bohot kam bohot hi kam

· 1 Like · Aug 02, 2019 at 02:08
Category: love
 
Poetry / Love

Chhup Chhup Ke Shigafon Say

Ek baar hi jee bhar k saza Q nahi detay?
Gar harf e ghalat hoon to mita Q nahi detay?

Saya hoon to phir sath na rakhnay ka sabab kya?
Pathar hoon to rstay say hata Q nahi detay?

Raahzan ho to phir shoq se looto meri dunya,
Rehbar ho to phir ghar ka pata Q nahi detay?

Ab shiddat e armaan say mera dam ghutnay laga ha,
Tum reshmi zulfon ki hawa Q nahi detay?

Chhup Chhup ke shigafon say mujhay yoon to na jhaanko,
Tum raah ke deewar gira Q nahi detay?


· 1 Like · Aug 01, 2019 at 17:08
Category: love
 
Poetry / Love

Dard Main (pak Old)

Dard main lazat bohot

Ashkon main ranayi bohot

Ae gham e hasti hamain

Duniya pasand ayi bohot

Ho nah ho dasht o chaman

Main ek tahlouk hay zaroor

Baad e sahrayi bhi khusboyen

Ura layi bohot

Besaharoon ki mohabbat

Benawahoon ka khalose

Yeh woh dolat hay k

Insanon ne thukrayi bohot

Mutmahin ho dil to veranoon

K sannatay bhi geet

Dil ujar jaye to shairoon main

Bhi tanhayi bohot

Apni fitrat main bhi roshan

Hoon ge lekin ae zameer

Meri ratoon se bhi taroon ne

Chamak payi bohot

· 1 Like · Jul 23, 2019 at 18:07
Category: love
 
Poetry / Love

Khuwahish K Raste Raste (pak Old)

December ki yeh

Dhuop hay

Sahil pe nangay paoun

Ghumain zara

Khud ko naye roop

Main

Khuwahish k raste raste

Dhunden zara

Zindagi k safar main

Kaisa morr aya hay

Chahton ki zamen par

Ek ghana saya hay

Pyaar main ab tumare

Hum ne dil hara hay

Meri wafaoon ko

Bhool na jana

Paas kuch bhi naheen hay

Sar pe ek aasman

Sab tumain de diya hay

Jo bhi tha meri jaan

Hum to mil k raheen ge

Is jahan us jahan

Khao kasam dekho

Wahda nibhana

· 1 Like · Jul 23, 2019 at 11:07
Category: love
 
Poetry / Love

Ab Paar Utrain Ya Duub Jayeen (pak Old)

Pholon ki rut hay thandi hawayeen

Ab un ki marzi woh ayeen na ayeen

Un ki jafa ya apni wafayeen

Kiya yaad rakheen

Kiya bhool jayeen

Ab un ki marzi

Ayeen na ayeen

Itna bata de gham dene wale

Ansu bahayeen ya muskarayeen

Ruhdaad ulfat kar leen mukamal

Kuch tum sunao kuch hum sunayeen

Sahil bhi apna tufaan bhi apna

Ab paar utrain ya duub jayeen

Bhuli huy baat ek yaad ayi

Lekin saeed ab kis ko sunayeen

Ab un ki marzi woh ayeen na ayeen

Pholon ki rut hay thandi hawayeen

· 1 Like · Jul 23, 2019 at 05:07
Category: love
 
Mawra Hocane with Her Mom
Posted by iJunoon
Posted on : Apr 26, 2018

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS