Poetry / Love

Abdul Rehman Rehman

Kaha Tha Na

Kaha tha na
is tarha Sotey main mat chor k jana
Mujhe Beshak jaga dena
bata dena...
Mohabbat k safar mai sath chal nahi Saktey
Judai k Safar mai sath chal nahi saktey
Tumhein Raasta badalna hai
Meri Hadd se nikalna hai
Tumhein kis baat ka Dar hai...?
Tumhein Jaane hi nahi deta...
Kahin peh Qaid kar leta???
Aray Pagli Mohabbat mai Zabardasti nahi hoti
Jisey Raasta badalna ho usey Rasta badalney se
Jisey Hadd se nikalna ho usey had se nikalney se
Na koi Rok paya hai
Na koi Rok paye ga
Tumhein kis baat ka Dar tha...?
Mujhe Beshak jaga dete
Mai Tum ko Dekh hi leta
Tumhein koi Duaa deta
Kam az kam yun to na hota Mere saathi!!
Haqeeqat hai....
Tumhare baad khone k liye kuch bhi nahi baqi
Magar khoney se Darta hoon
Mai ab soney se darta hoon.......!!!!!!

· 1 Like · Dec 14, 2018 at 19:12
Category: love
 
Poetry / Love

Abdul Rehman Rehman

Mere Dil Mein Basi Hararat Ho Tum

Mere dil mein basi hararat ho tum,
Meri aankhon ko mili shararat ho tum,

Dekhun tumhein to paalun mein duniya,
Na milo to milne ki baghavat ho tum,

Tumhari khamoshi keh jaati hai kai baatein,
Jise yaad karta hai dil kai raatein,

Tumhare nanhe nanhe se haath aur badi badi baatein,
Yaad reh jaati hein tumse hui sab mulakatein,

Ummeed ho hamari aanewala kal ho tum,
Hamare dilon mein basi mohabbat ho tum

· 1 Like · Dec 14, 2018 at 12:12
Category: love
 
Poetry / Love

Hafeez Ur Rehman

Tum Nahi Jante K Tum Kia Ho

Tum Nahi Jante K Tum Kia Ho
Dhoup Main Ghaney Paer Ka Saya Ho

Kai Ghairayon Main Chupa Howa NaGhma Ho
Subha Ki Tanhayon Main Khoya Howa Lemha Ho

Chandni Raaton Main Chehakti Hoi Maina Ho
BuLandion Per Jo Lay Jay Wo Zina Ho

Tum Peh Zaahir Hi Nahi Khuch Hi Haqiqat Apni
Daikh Lo Meri NiGhaon Main Haqiqat Apni

Shaam Ho K Sehar Ho , Chaand Ho K Sitaara
Tum Se Roshan Ye Jhan ho

· 1 Like · Dec 14, 2018 at 03:12
Category: love
 
Poetry / Love

Hafeez Ur Rehman

Maa

maa hay sare jug se payri
shaan hay is ki sab se nirali

gher bhar ki hay is se zinat
paon tale hay is k jannat

falak ka aakhri maa hay tofaa
qadar jo koi maa ki jane

jannat phir wo mofaat main paye
jab bhi mushkil main main ghabray
maa ki dua ne kaam ker dikhaya

maa hay sare jug se payri
shaan hay is ki sab se nirali

· 1 Like · Dec 13, 2018 at 20:12
Category: love
 
Poetry / Love

Sajid Mirza

Tu Hi Bata Ae Zindagi

Aankhon Mein Hai Neend Badee,
Par Sone Ka Waqt Nahi.
Dil Hai Ghamon Se Bhara Hua,
Par Rone Ka Bhi Waqt Nahi.

Paison ki Daud Mein Aise Daude,
K Thakne ka Bhi Waqt Nahi.
Paraye Ehsason Ki Kya Kadr Karein,
Jab Apnay Sapno Ke Liye Hi Waqt Nahi.

Tu Hi Bata ae Zindagi,
Iss Zindagi Ka Kya Hoga,
K Har Pal Marne Walon Ko,
Jeene Ke Liye Bhi Waqt Nahi.

· 1 Like · Dec 13, 2018 at 12:12
Category: love
 
Poetry / Love

Naeemullah

Yeh Alag Baat Hai Saaqi K Mujhay Hosh Nahin

Yeh Alag Baat Hai Saaqi K Mujhay Hosh Nahin
Hosh Itna Hai K Main Tujh Say Faramosh Nahin

Main Teri Mast Nigaahon Ka Bharam Rakh Lon Ga
Hosh Aaya Bhi Tu Keh Doon Ga Mujhay Hosh Nahin

Yaad Itna Hai K Pohncha Dur-E-Maikhanay Tak
Kia Kehon Ga Ga K Aagay Ka Mujhay Hosh Nahin

Kabhi Un Mad Bhari Aankhon Say Piyaa Tha Ek Jaam
Aaj Tak Hosh Nahin Hosh Nahin Hosh Nahin

· 1 Like · Dec 12, 2018 at 22:12
Category: love
 
Poetry / Love

Mohammad Asif

Kisi Din

Kisi din meray ghar aao

Meray kamray main baitho

Aur aik aik shay ko ghour say dekho

Bookshelf main pari hooi kitaabain aur diarian

Guldaan main murjahay hooay phool

Daraaz main mojood cassettes

Devaaron par khuday hooay horoof

Aur bister par naqash-e bay qarari

Tum par aayan karay gi.

Kay meri aarzoun nay kis tarha tumhaari aarzoo ki

Aur kaisay meray khawaabon nay tumhaaray khawaab dekhay

Agar ho sakay to...

Kisi din meray ghar aao.

· 1 Like · Dec 12, 2018 at 16:12
Category: love
 
Poetry / Love

Ahmed Malik

Ishk Nibhana Asaan Nahi,

ishk nibhana asaan nahi,
dil ka diya bujhana asaan nahi,
jo agee hun ishk ki gali mein,
ab wapis jana asaan nahi,
tujhe pane ka rasta mil gya,
wo rasta bhulana asaan nahi

· 1 Like · Dec 12, 2018 at 10:12
Category: love
 
Poetry / Love

Ahmed Malik

Kisi K Yun Bicherney Se

kisi k yun bicherney se
kisi ki yaad aaney se
hazaaron log rotey hain
k rona ik riwayat hai
riwayat torr jata hun
tumhari yaad aaney per
main aksar muskurata hun !!

· 1 Like · Dec 12, 2018 at 01:12
Category: love
 
Glass Pot! Homework
Posted by ebrahim ali ali
Posted on : Jun 06, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS