Poetry / Love

Aks Khushbo

Aks khushbo bikharne se

Na roke koy

Aur bikhar jaoun to muj ko

Na samete koy

Koy ahat koy awaaz koy chaap

Naheen

Dil ki galiyaan bari veraan hain

Aye koy

Jis tarha khwab mere ho gaye

Reza reza

Us tara se na kabhi tuut k

Bikhre koy

· 1 Like · Jun 14, 2019 at 11:06
Category: love
 
Poetry / Love

Dil Bohot Udas Hay

Dil bohot udas hay

Woh pyar guzre waqt

Ka nazar k aas paas hay

Wohi hawaa wohi fazaa

Jo tu naheen to kiya maza

Khile to hain chaman magar

Na rang hay na baat hay

Dil bohot udas hay

Kahan khala kahan zameen

Mileen ge hum yaqeen naheen

Yeh pyaar ki hay intaha k

Phir bhi teri aas hay

Dil bohot udas hay

Nazar nazar hikayaten

Nawazishen inayateen

Bohot hay yeh mere liye k

Tu wafa shanaas hay

Dil bohot udas hay

· 1 Like · Jun 14, 2019 at 05:06
Category: love
 
Poetry / Love

Tum Meri Zindagi Ho

Suniye kareeb aa k

Yeh dil ka fasila

Mere dil ka fasila

Tum meri zindagi ho

Tum meri bandagi ho

Do jisam aik jaan hain

Hoon ge na hum juda

Dil yeh akela tha

Sapnon ka mela tha

Pyaar tumara jo mila

A k in bahoon main

Pyaar ki panahoon main

Jal gaya bujha huwa deya

Tum ne mujhey dekhaya

Manzil ka raasta

Pyaar ka nazara hay

Samaa pyara pyara hay

jhuum rahi hay yeh fizaa

Sath tumara hay

Bahoon ka sahara hay

Kyun na phir gaaye mera jiya

Do dil hain aik dharkan

Do saaz ek sadaaa

Tum meri zindagi ho

· 1 Like · Jun 13, 2019 at 19:06
Category: love
 
Poetry / Love

Muzammil Shahzad

Gehra Taaluk

Talluk tot jay ga mera sarey zmaney se

Meray apney khafa hon ge tujhy apna bnaney se

Tmhary saath rehney se mujhy taskeen milti hai

Bohat takleef hoti hai tmharey dour janey se

Mera ghar b jala dena,magr ye yad rakhna tum

Ujala mil nahi sakta kisi ka ghar jalaney se

Hmari jan jay gi to phir tum jan jao ge

k hasil kuch nahi hota kisi ko aazmaney se

Bhla kaisey mita doun main tujhey apni kahani se

Bohat gehra talluk hai tera meray fasaney sey..!!

· 1 Like · Jun 13, 2019 at 07:06
Category: love
 
Poetry / Love

Muzammil Shahzad

Lipat Kar Apni Tanhai Se

Lipat kar apni tanhai se jagta rehta hon main..

Tamam raat kisi ki yaad mujhe soney nahi deti..

Us ki koi masoom si Shararat jab b aati hai yaad..

Udaas to kar jati hai per roney nahi deti..

Log kehte hain bhol kr use nayi zindgi shuroo kar..

Wo rooh per qabiz hai muje kisi or ka hone nahi deti. . .

· 1 Like · Jun 13, 2019 at 01:06
Category: love
 
Poetry / Love

Maang Liya Jab Tuj Ko Khuda Se (pak Old)


Dhoond rahi theen jane kab se
Teri surat meri aankheen
Sath raheen ge saya ban k
Teri surat meri aankheen

Kaisa darna phir duniya se
Maang liya jab tuj ko KHUDA se
Karti raheen gi pyaar ko sajde
Teri surat meri aankheen

Armanon ne li angrayi
Goonj uthi dil main shehnayi
Le ayi muj ko manzil pe
Teri surat meri aankheen

Duniya chute sath na chute
Har shay tute pyaar na tute
Sath raheen humrahi ban k
Teri surat meri aankheen

· 2 Like · Jun 12, 2019 at 05:06
Category: love
 
Poetry / Love

Amjad Z

Fareb Dega Khiyal Rakhna

Usay Batana
Gham-e-Zamana
Faraib Dega
KhiyaL Rakhna

Wafa K Raste se Lot Jana
Faraib Dega
KhiyaL Rakhna

Sakoon Dain gi WisaaL Raatein
Chain Dain gay Udaas Lamhe

Mgr Ye Pal Bhr Ka Muskarana
Faraib Dega
KhiyaL Rakhna

Tu Khwab Kis ka
Main Khwab Kis ka
Na Payar Mujh ko
Na Payar Tum ko

Ye ik Doujay K Paas Aana
Faraib Dega
KhiyaL Rakhna

Jo Qeher Toota hai DiL Pe Mere
Wo Qeher Toote na Ab Kisi Pe

Ye DiL Jalana
Ye Ghar Lutana
Faraib Dega
Khiyal Rakhna...!

· 1 Like · Jun 11, 2019 at 21:06
Category: love
 
Poetry / Love

Mohabbat Maar Deti Hai

Ajab mor pay aa kar ruk gai

hai zindgi apni...

asy k jesy qadam pechy hataon to

Khwaab marnay lagtay hein...

Aagay barhaon to...

Pare jalnay lagtay hein...

Isi mor par khari sochty sochty.

kitni ghariyaan beet chuki hein

Kitni sadiyaan beet chuki hein

tan b khali mann b khali

Magar ankhein hein bhari hoin..

Aur rouh hai jakri hoi...

Aur dil hai uktaya uktaya sa...

Aur in ankhon k paniyon mein

Har dam kuch beh jata hai

Aur muj say ye keh jata hai..

Ik sawaal jo hook ki manind uthta

haan dil say kia mein zinda hon???

kahein koi javaab nahe

Mugr pher dil say he ye sadaa ati hai..

Mohabat maar deti hai

Mohabat maar deti hai

· 1 Like · Jun 11, 2019 at 14:06
Category: love
 
Poetry / Love

Tum

Tum zindagi ko gham ka

Fasana bana gaye

Aankhon main intezar ki

Duniya basaa gaye

Tum se thi mere pyaar ki

Duniya basi hui

Tum se thi zindagi ki

Andehre main roshani

Tum kiya gaye

chirag_e_mohabbat

bujhaa gaye

Duniya ujhar gayi

Mere sabr o karaar ki

Ro ro k raat kaatti hoon

Intezaar ki

Jab chaand par nazar pari

Tum yaad a gaye

· 1 Like · Jun 11, 2019 at 08:06
Category: love
 
Poetry / Love

Muzammil Shahzad

Mauj E Khayal

mauj e khayaal, nagahan, aai aur aake le gai
aur na jaaniye kahaan, mujh ko bahaa ke le gai

sahn e chaman mei ab ke bhi,rangon ki thein numayeshein
titli paron pe, meray kuch sheir likha ke le gai

aansu ke boond boond mei, taizabiyat thi kis qadar
haathon mei jo rachi hui, mehndi churha ke le gai

taigh e nigaah kar gai, dil ke nagar mei qatl e aam
aur jo bachay thay, zulf unhein, qaidi bana ke le gai

ab tou yaqeen aagaya, zulm mizaaj thi hawaa
ghar ki jo saari roshni,shamayein bujha ke le gai

teri gali mein jaan e jaan, main jo gaya na tha,tou phir
kya koi sar phiri hawa, ghar se urha ke le gai ??

· 1 Like · Jun 11, 2019 at 02:06
Category: love
 
The Reality of Group Project
Posted by iqra raheem
Posted on : Jul 09, 2018

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS