Poetry / Love

Ijunoon

Aa K Meri Jaan Mein Qaraar Nahin Hai

1. aa ke meri jaan mein qaraar nahin hai
Come that my soul has no repose

taaqat-e-bedaad-e-intazaar nahin hai
Has no strength to bear the injustice of waiting

2. dete hain jannat hayaat-e-dahar ke badale
Heaven is given in return for the life of this world

nashshaa baa_andaazaa-e-khumaar nahin hai
But that high is not in proportion to this intoxication

3. giriyaa nikaale hai teri bazm se mujh ko
Such longing has come from your company

haaye! ki rone pe ikhtiyaar nahin hai
That there is no control over my tears

· 1 Like · Nov 28, 2018 at 19:11
Category: love
 
Poetry / Love

Ijunoon

Koee Ummeed Bar Naheen Aatee

1. koee ummeed bar naheen aatee
No hope comes my way

koee soorat nazar naheen aatee
No visage shows itself to me

2. maut ka ek din mu’ayyan hai
That death will come one day is definite

neehd kyon raat bhar naheeh aatee?
Then why does sleep evade me all night?

3. aage aatee thee haal-e-dil pe hansee
I used to laugh at the state of my heart

ab kisee baat par naheen aatee
Now no one thing brings a smile

4. jaanta hoon sawaab-e-taa’at-o-zahad
Though I know the reward of religious devotion

· 1 Like · Nov 28, 2018 at 13:11
Category: love
 
Poetry / Love

Ijunoon

Chaand K Saath Kai Dard Puraanay Niklay

chaaNd k saath ka_ii dard puraanay niklay
kitane Gam the jo tere Gam k bahaane niklay

fasl-e gul aa_ii phir ik baar asiiraan-e-vafaa
apne hii Khuun k dariyaa mein nahaane niklay

hijr ki choT ajab sang-shikan hotii hai
dil kii befaiz zamiinon se Khazaane niklay

umr guzarii hai shab-e-taar mein aaNkhen malate
kis ufaq se meraa Khurshiid na jaane niklay

kuu-e-qaatil mein chale jaise shahiidon kaa juluus
Khvaab yuN bhiigatii aaNkhon ko sajaane niklay

dil ne ik ii.nT se taamiir kiyaa taaj mahal
tuu ne ik baat kahii laakh fasaane niklay

dasht-e tanhaa_ii-e-hijraaN mein kharaa sochataa huN
haaye kyaa log meraa saath nibhaane niklay

mai.n ne 'Amjad' use bevaastaa dekhaa hii nahin
vo to Khushbuu mein bhii aahaT ke bahaane niklay

· 1 Like · Nov 28, 2018 at 07:11
Category: love
 
Poetry / Love

Ijunoon

Bhir Mein Ik Ajanabii Kaa Samnaa Acha Lagaa

bhir mein ik ajanabii kaa samnaa acha lagaa
sab se chhup kar vo kisii kaa dekhanaa achchhaa lagaa

surmaii aaNkhon ke niiche phuul se khilne lage
kehtey kehtey kuch kisii kaa sochanaa acha lagaa

baat to kuch bhii nahi thi lekin us kaa ek dam
haath ko honTon pe rakh kar rokanaa acha lagaa

chaay mein chiinii milaanaa us ka bhaayaa bahut
zer-e lab vo muskuraataa shukriyaa acha lagaa

dil mein kitane ehad baaNdhe thay bhulaane ke use
vo milaa to sab iraade tornaa acha lagaa

beiraadaa lams kii vo sansanii pyaarii lagii
kam tavajjo aaNkh kaa vo dekhanaa acha lagaa

us jaan e-mann ko 'Amjad' main buraa kaise kahuN
jab bhii aayaa saamane vo bevafaa acha lagaa

· 2 Like · Nov 27, 2018 at 23:11
Category: love
 
Poetry / Love

Ijunoon

Baaz Gasht

aisii hii sard shaam thii vo bhii
jab vo mahandii rachaaye haathon mein
apanii aahaT ke Khauf se larzaaN
surKh aaNchal mein muuNh chhipaaye hue
apne Khat mujh se lene aaii thii
us kii sehmii huii nigaahon mein
kitanii Khaamosh iltijaayeN thiin
us ke chehare kii zard rangat mein
kitanii majabuuriyon ke saaye thay
mere haathon se Khat pakartay hii
jaane kyaa soch kar achaanak vo
meraa shana pakar kar roii thii
us ke yaaquut rang honTon ke
kapkapaate hue kinaaron par
saikaron ankahe fasaane thay
sard shaamon mein der tak aksar
jab ye manzar dikhaaii detaa hai
ek lamhaa hinaaii haathon se
mujh ko apanii taraf bulaataa hai
hamnashiin ruuTh kar naa jaa mujh se
aisii hii sard shaam thii vo bhii

· 1 Like · Nov 27, 2018 at 15:11
Category: love
 
Poetry / Love

Ijunoon

Aaiinaa Kyuu.n Na Duu.n Ke Tamaashaa Kahe.n Jise

aaiinaa kyuu.N na duu.N ke tamaashaa kahe.n jise
aisaa kahaa.N se laauu.N ke tujhasaa kahe.n jise

hasarat ne laa rakhaa terii bazm-e-Khayaal me.n
guladastaa-e-nigaah suvedaa kahe.n jise

pheNkaa hai kis ne gosh e muhabbat me.n ae Khudaa
afasuun-e-intazaar tamannaa kahe.n jise

sar par hujuum-e-dard-e-Gariibii se Dalay
vo ek musht-e-Khaak ke saharaa kahe.n jise

hai chashm-e-tar me.n hasarat-e-diidaar se nihaa.N
shauq-e-inaa.N guseKhtaa dariyaa kahe.n jise

darakaar hai shiguftan-e-gul haaye aish ko
sub_h-e-bahaar pa.nbaa-e-miinaa kahe.n jise

"Ghalib" buraa na maan jo vaaiz buraa kahe
aisaa bhii koii hai ke sab achchhaa kahe.n jise

· 1 Like · Nov 27, 2018 at 09:11
Category: love
 
Poetry / Love

Ijunoon

Aah Ko Chaahiye Ik Umr Asar Hone Tak

aah ko chaahiye ik umr asar hone tak
kaun jiitaa hai terii zulf ke sar hone tak

daam har mauj me.n hai halqaa-e-sad_kaam-e-nahang
dekhe.n kyaa guzare hai qatare pe gauhar hone tak

aashiqii sabr-talab aur tamannaa betaab
dil kaa kyaa rang karuu.N Khuun-e-jigar hone tak

ham ne maanaa ke taGaaful na karoge lekin
Khaak ho jaaye.nge ham tum ko Khabar hone tak

partav-e-Khuur se hai shabanam ko fanaa kii taaliim
mai.n bhii huu.N ek inaayat kii nazar hone tak

yak_nazar besh nahii.n fursat-e-hastii Gaafil
garmii-e-bazm hai ik raqs-e-sharar hone tak

Gam-e-hastii kaa 'Asad' kis se ho juz marg ilaaj
shammaa har rang me.n jalatii hai sahar hone tak

· 1 Like · Nov 26, 2018 at 23:11
Category: love
 
Poetry / Love

Ahsan Ali

Yaad Kia

Yaad kia
Subah Hui,
Tujhay Yaad kia
Aur
Din Dhal Gaya

· 1 Like · Nov 26, 2018 at 16:11
Category: love
 
Poetry / Love

Mohammad Asif

Bhula Diya

Ho sakta hai humne anjaane mein aapko kabhi rula diya,
Aapne duniya k kehne peh hume bhula dia,
Hum to vaise bhi akele thay,
Kya hua agar aapne ehsaas dila diya.

· 1 Like · Nov 26, 2018 at 04:11
Category: love
 
No One Likes Me.
Posted by qaisar mahmood
Posted on : Mar 17, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS