Poetry / Love

Tum Se Mile Bin Chain Nahee Ata

tum se mile bin chain nahee ata me kya karu
muje to ye kehna b nahee ata me kya karon
yaad tumhareee aakay nahee jati me kya karu
kuch b karo muje nend nahee ati me kya karu
mushkil se men ye dil sanbhala dil ne muje kis mushkil me dala
yeh mushkil asaan nahe hoti me kya karu
jaan me jaise jaan nahee hoti me kya karu

· 1 Like · Nov 23, 2018 at 10:11
Category: love
 
Poetry / Love

Hafeez Ur Rehman

Mohabbat Jeet Gai

Tum se milne ka waada tha
Ji karta tha!!
Jaise muj ko tarpati ho
Waise hi tum ko tarpaon
Tum se aaj milne na jaun
Lekin aaj bhi dekho Jaanaa
Meri Mohabbat Meri Zid se!!
Jeet gai hai.

· 1 Like · Nov 23, 2018 at 04:11
Category: love
 
Poetry / Love

Rafeeq

Ujar Ujar K Sanwarti Hai Terey Hijar Ki Shaam

Ujar Ujar K Sanwarti Hai Terey Hijar Ki Shaam
Na Pooch Kaisey Ghuzrti Hai Terey Hijar Ki Shaam
Yeh Barg Barg Udaasi Bekhar Rahi Hai Merey...!
K Shaakh Shaakh Utarti Hai Terey Hijar Ki Shaam
Ujaar Ghar Main Koi Chaand Kab Utarta Hai...?
Sawal Mujh Say Yeh Karti Hai Terey Hijar Ki Shaam
Merey Safar Main Ek Aisa Bhi Morr Atta Hai
Jab Apnay Aap Say Darti Hai Terey Hijar Ki Shaam
Buhat Aziz Hain Dil Ko Yeh Zakhm Zakhm Ruttain
Unhi Ruttoon Main Nekharti Hai Terey Hijar Ki Shaam
Yeh Mera Dil, Yeh Sara Sar Nighaar Khanah-E-Ghum
Sada Isi Main Utarti Hai Terey Hijar Ki Shaam
Jahan Jahan Bhi Milain Teri Qurbatoon K Nishaan
Wahan Wahan Say Ubharti Hai Terey Hijar Ki Shaam
Yeh Haadsa Tujhay Shayad Uddas Kar Dey Ga
K Merey Saath Hi Marti Hai Terey Hijar Ki Shaam

· 1 Like · Nov 22, 2018 at 22:11
Category: love
 
Poetry / Love

Rafeeq

Dukh Kii Lahar Ne Chheda Hoga

dukh kii lahar ne chheDa hoga
yaad ne kankaD phenka hoga

aaj to mera dil kahata hai
tuu is vaqt akela hoga

mere chume hue haathon se
auron ko Khat likhata hoga

bhiig chaliin ab raat kii palaken
tuu ab thak kar soya hoga

rail kii gaharii siitii sun kar
raat kaa jangal guuNja hoga

shahar ke Khalii steshan par
koii musafir utra hoga

aaNgan mein phir chiDiyaN bolein
tuu ab so kar uTha hoga

yaadon kii jaltii shabanam se
phuul saa mukhaDa dhoya hoga

motii jaisii shaql banakar
aaiine ko takta hoga

sham huii ab tuu bhii shayad
apne ghar ko lauTa hoga

niilii dhundalii Khamoshii mein
taron kii dhun sunta hoga

mera sathii sham kaa taara
tujh se aaNkh milata hogaa

sham ke chalte hath ne tujh ko
mera salam to bheja hoga

pyasii kurlatii kunjuN ne
mera dukh to sunaya hoga

main to aaj bahut roya huuN
tuu bhii shayad roya hoga

'Nasir' tera meet purana
tujh ko yaad to aata hoga

· 1 Like · Nov 22, 2018 at 15:11
Category: love
 
Poetry / Love

Rafeeq

Pyar Bhi Tum Say Hai...

TUM say Hai...
KHUSHI Bhi TUM say Hai...
Gam Bhi TUM say Hai...
Takraar Bhi TUM say Hai...
Pyar Bhi TUM say Hai...
Roothna Bhi TUM say Hai...
Manana Bhi TUM say Hai...
Baat Bhi TUM say Hai...
Misaal Bhi TUM say Hai...
Nasha Bhi TUM say Hai...
Shaam Bhi TUM say Hai...
Zindagi Ki Shuruvaat Bhi TUM say Hai...
Zindagi Main Mulakaat Bhi TUM say Hai...
Mohabbat Bhi TUM say Hai...
Inaayat Bhi TUM say Hai...
Kaam Bhi TUM say Hai...
Naam Bhi TUM say Hai...
Khyal Bhi TUM say Hai...
Armaan Bhi TUM say Hai...
Khvab Bhi TUM say Hai...
Maahol Bhi TUM say Hai...
Yaadein Bhi TUM say Hain...
Mulakaatein Bhi TUM say Hain...
Sapne Bhi TUM say Hain...
Apne Bhi TUM say Hai...
Mere Dil Ne Kaha Hai Janu
Apni Toh Duniya Hi TUM say Hai...

· 1 Like · Nov 22, 2018 at 07:11
Category: love
 
Poetry / Love

Rafeeq

Yun Dost Saarey Apney Apney Rastey Badal Gaey

YuN dost saarey apney apney rastey badal gaey
kuch peechey ruk gaey to kuch aagey nikal gaey

Haalaat ki dhoop zaraa si deir ko teiz kya hui
jitney wafaa ke peikar thay saarey pighal gaey

waadoN ke taarey raatoN sey baahar na jaa sakey
iraadoN ke din nikalney sey pehley hi dhal gaey

wafaaoN ke rang shabnam ke qatroN ney dho deeye
mohabbat ke phool jazboN ki 'shiddat' sey jal gaey

taanoN ke teer dunya ki kamaanoN pe jab charrhey
sabar ke daaman haathon sey yak'dam phisal gaey

aaNkheiN khuleiN to khwaboN ko bura laga magar
kuch deir wo reh ke muztarib khud hi behal gaey

pehley pehal to ajeeb lagey badley huwey chehrey
phir yuN huwa ke waqt ke saath hum bhi sambhal gaey

· 1 Like · Nov 21, 2018 at 23:11
Category: love
 
Poetry / Love

Rafeeq

Bichhra Hai Jo Ik Bar To Milty Nahi Dekha

Bichhra hai jo ik bar to milty nahi dekha
Is zakham ko hum ny kabhi silty nahi dekha

Ik bar jisy chaat gayi dhoop ki khwahish
phir shakh peh us phool ko khiltay nahi dekha

Yak lakht gira hai to jaren tak nikal ayin
Jis paer ko aandhi mein bhi hiltay nahi dekha

Kanton me ghiry phool ko choome gaye lakin
Titlee k paron ko kabhi chiltay nahi dekha

Kis tarha meri rouh huri kar gya akhir
Woh zeher jisay jism me khiltay nahi dekha

· 1 Like · Nov 21, 2018 at 17:11
Category: love
 
Poetry / Love

Mohammad Asif

Kabhii Mujh Ko Saath Lekar

kabhii mujh ko saath lekar, kabhii mere saath chal kar
vo badal gaye achaanak merii zindagii badal kar

huye jis pe meharabaaN tum koi Khushnasiib hogaa
merii hasaratein to nikaliin mere aaNsuuon mein Dhal ke

terii zulf-o-ruKh ke qurbaaN dil-e-zaar dhondta hai
vahii champai ujaale vahii suramai dhundalkey

koi phuul ban gayaa hai koi chaaNd koi taaraa
jo chiraaG bujh gaye hain terii anjuman mein jal ke

mere dosto Khudaaraa mere saath tum bhii DhuuNDo
vo yahiin kahiin chhupe hain mere Gam kaa ruKh badal ke

terii bejhijhak haNsii se na kisii kaa dil ho mailaa
ye nagar hai aainon kaa yahaaN saaNs le sambhal ke

· 1 Like · Nov 21, 2018 at 03:11
Category: love
 
Poetry / Love

Mohammad Asif

Apanii Aag Ko Zindaa Rakhanaa Kitanaa Mushkil Hai

apanii aag ko zindaa rakhanaa kitanaa mushkil hai
patthar beech aainaa rakhanaa kitanaa mushkil hai

kitanaa aasaaN hai tasviir banaanaa auron kii
Khud ko pas-e-aainaa rakhanaa kitanaa mushkil hai

tumane mandir dekhe honge ye meraa aaNgan hai
ek diyaa bhii jaltaa rakhanaa kitanaa mushkil hai

chullu mein ho dard kaa dariyaa dhyaan mein usake hont
yuuN bhii Khud ko pyaasaa rakhanaa kitanaa mushkil hai

· 2 Like · Nov 20, 2018 at 20:11
Category: love
 

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS