Joined

Azeem Hai Yeh Qurbat Ki Doooriyaan
Sath Reh Ker Bhi Usko Na Pana Kesa Lagta Hai

Kismat Main Nahin Phir Bhi Us Ko Chahtay Hain
Yun Samjh Ker Kanto Per Chalna Kesa Lagta Hai

Ab Tou Mehfil Main Bhi Humare Liye Tanhaye Hai
Ghum Chupa Ker Mehfil Ko Sajana Kesa Lagta Hai

Samjhne Per Bhi Samjhta Nahin Hai Dil
Uski Yaad Main Raato Ko Jaagna Kesa Lagta Hai

Us Ki Berukhi Ne Itne Diye Hai Ghum
Zakham Chupa Ker Bhi Muskarana Kesa Lagta Hai

Isse Kho Ker Mere Pass Rha Kuch Bhi Nahin
Phir Bhi Khud Ko Ameer Batana Kesa Lagta Hai

Khud Ko Anmol Samjhne Ka Tha Bara Ghamand
Phir Bhi Bey mol Bik Jana Kesa Lagta Hai

Khaye Hain Dhoke Mohabaat Main Itne Ke
Phir Bhi Us Ko Cahana Kesa Lagta Hai

Maloom Hai Muje Teri Manzil Nahin Hai Koi
Phir Bhi Safer Kerte Rhena Kesa Lagta Hai

Anmol Tou Aa Ker Bhi Ja Chuke Hai Kab Ke
Phir Bhi Us Ka Intizar Kerna Kesa Lagta Hai

Kab kaun kisi ka hota hai
Sub jhootey rishtey naate hain

Sub dil rakhney ki batein hain
Sub asal roop chhupate hain

Ikhlaq se khali log yahan
Lafzon ke teer chalate hain

aik baar nigahon mein aakar
Phir saari umar rulate hain

Wo jis NE diye hain ashk humein
AB us ko bhool hi jaate hain

Khamosh lehje mere hamdam kabhi bola nahin kertay,
Dard-o-gham ko her kisi k samnay khola nahin kertay,

Mohabbat tou mohabbat hai,
Bari anmol hoti hai,

Mohabbat ko tarazu main kabhi tola nahin kertay,
Mere khamosh rehne per koi ilzam mat dena,

Samandar tou samandar hai, kabhi bola nahin kertay,

Muhabbat Ki Jhuthi Kahani Peh Roye
Badi Chot Khai Javani Peh Roye

Javani Peh Roye

Na Socha Na Samajha, Na Dekha Na Bhaala
Teri Aarzoo Ne, Hume Maar Dala
Tere Pyar Ki Meherbani Peh Roye
Muhabbat Ki Jhuthi Kahani Peh Roye
Badi Chot Khai Javani Peh Roye

Javani Peh Roye

Khabar Kya Thi Honto Ko Seena Padega
Mohabbat Chupa Kar Bhi, Jeena Padega
Jiye Tou Magar Zindagani Pe Roye

Muhabbat Ki Jhuthi Kahani Peh Roye
Badi Chot Khai Javani Peh Roye

Javani Peh Roye...

Yun ghut-ghut k mar jana, hamain manzoor tha laikin,
Kisi kam zarf per zahir na ki majbooriyan hum nay,

Hum iss mehfil main bus ek baar sach bolay thay,
Zabaan per umer bhar mehsoos ki chingarian ham nay,

Samajhtay thay magar phir bhi na rakhi dooriyan humne,
Chiraghoon ko jalanay main jala li ungliyan hum nay

In jheel si gehri aankhoon main ik sham kahin aabad tou ho

iss jheel kinaray pal do pal
ik khawab ka neela phool khilay
wo phol baha dain lehroon main
ik rooz kabhi hum sham dhalay
iss phol k behtay rangoon main
jis waqt larazta chaand chalay
us waqt kahin un aankhoon main iss basray pal ki yaad tou ho

In jheel si gehri aankhoon main ik sham kahin aabad tou ho

phir chahay omer samander ki
her maoj parayshan ho jaye
phir chahay aankh darechay say
her khawab gurayzaan ho jaye
phir chahay phool k chehray ka
her dard nomayan ho jaye
iss jheel kinaray pal do pal wo roop nagar eejad tou ho
din raat k iss aaeynay say wo aks kabhi aazad tou ho
In jheel si gehri aankhoon main ik sham kahin aabad tou ho

Ye dard mit gaya tou phir?
Ye zakhm sil gaya tou phir
Bichhar kar sochta hoon main,
Wo phir se mil gaya tou phir?

Main titliyon k shehar mein,
Rahoon tou mujh ko fiker hai
Wo phool jo khila nahi,
Wo phool khil gaya tou phir?

Tujhe bhi kuch nahi mila,
Mujhe bhi kuch nahi mila
Tamam umer k liye,
Ye dard mil gaya tou phir?

Main iss liye tou aaj tak,
Sawal bhi na kar saka
Agar mere sawal ka,
Jawab mil gaya tou phir?

Tu iss tarha se meri zindagi main shamil hai
jahan bhi jaoon yeh lagta hai, teri mehfil hai

yeh aasmaan, yeh badaal, yeh raste, yeh hawaa
har aik cheez hai apni jagah thikane pe
kaii dino se shikayat nahi zamane se

Yeh zindagi hai safar, tu safar ki manzil hai
jahan bhi jaoon yeh lagta hai, teri mehfil hai
Tu iss tarha se meri zindagi main shamil hai

tere bagair jahaan main koi kami si thi
bhatak rahi thi jawani andheri raahoon main
sukoon dil ko mila aa k teri baahoon main
main aik koi hui mouj hoon, tu sahil hai
jahan bhi jaoon yeh lagta hai, teri mehfil hai

Tu iss tarha se meri zindagi main shamil hai

tere jamaal se roshan hai kainaat meri
meri talash teri dilkashi rahe baki
khuda kare k yeh deewangi rahe baki
teri wafaa hi meri har khushi ka hasil hai
jahan bhi jaoon yeh lagta hai, teri mehfil hai

Tu iss tarha se meri zindagi main shamil hai

Saath chalne main jo maza hota
Woh humain bhi kabhi mila hota

Yeh hi hasrat rahi hamari faqat
Saath apne koi chala hota

Hum bhatakte rahe thay raahon mein
koi rasta pata chala hota

Thaam leta humain bhi barrh ke koi
Haath hum ko koi mila hota

Hum ulajhtay nahi zamane se
Ek jo Humsafar mera hota

Hum na thaktay safar mein gar
Saath apne koi chala hota.

Wafa ruswa nahi karna

Suno aisa nahi karna

Mai pehle hi akela hun

Muje tanha nhi karna,

Judai aa b jaye tou

Ye dil chota nhi karna

Bohat musroof ho jana

Muje socha nhi karna,

Bharosa b zarori hai

Magar sub ka nhi karna

Muqadar tou muqadar hai

kabi shikwa nahi karna

Meri takmeel tum se hai

muje aadha nahi karna

suno aisa soocha nahi kerna.

Baaton baaton mein bicharney ka ishara karkey
Khud bhi roya woh buhat ham se kinara karkey

Sochta rehta hoon tanhai main anjam-e-khuloos
Phir usi jurm-e-mohabbat ko dobara karkey

Jagmaga di hain terey shehrer ki galiyan main ne
Apney askhon ko palkon pe sitara karkey

Dekh letey hain chalo hosla apne dil ka
Aur kuch roz tere saath guzara karkey

Aik hi sheher main rehna hai magar milna nahi
Dekhtey hain yeh aziyat bhi gawara karkey

Chahat ki mehfil main bulaya hai kisi ne,
Khud bula ker phir sataya hai kisi ne,
Jab tak jali hai shama jalta raha parwana,
Kiya iss tarhan saath nibhaya hai kisi ne

Armaan mere raiza raiza hogaye hain,
Yun khel k aangan say giraya hai kisi ne,
Aag lagi hai dasht main koi kiya bhujaye ga,
Dil iss tarah say aaj jalaya hai kisi ne,

Dil rota hai raat bhar yaad kar k kisi ko,
Iss tarhan ulfat main zakham khaya hai kisi ne,
Sangdil jo tha aaj woh bhi ro para
Us ko bhi tarpaya hai kisi ne,

Aik dia dil main jalana bhi, bujha bhi daina,
Yaad karna bhi usey roz, bhula bhi daina,

Kia kahon yeh meri chahat hai k nafrat iss ki,
Naam likhna bhi maira, likh k mita bhi daina,

Phir na milnay ko bicharta hon tuj say laikin,
Murr k daikhon tou palatnay ki dua bhi karna,

Khat bhi likhna usay, mayoos bhi rahna us say,
Jurm karna bhi magar khud ko saza bhi daina,

Mujh ko rasmon ka takalluf bhi gawara laikin,
Jee main ayai tou yeh diwar gira bhi daina,

Soorat-e-naqsh-e-qadam, dasht main rehna,
Apnay honay say na honay ka pata bhi daina

Kitni mushkil se kati kal ki meri raat na pooch
dil se nikli hui honton mein dabi baat na pooch

wo kis adaa se merey saamnay se guzraa abhi
kis tarha mainay sambhaley merey jazbaat na pooch

waqat jo badley tou insaan badal jaatey hain
kya nahi dikhlaatey yeh gardish-e-halaat na pooch

wo kisi ka ho bhi gaya or mujhey khabar na hui
kis tarhan usney churaya hai mujh se haath na pooch

Iss tarhan pal mein mujhay begana kar diya usnay
Kis tarhan apno se khaai hai mainey maat na pooch

ab tera pyaar nahi hai tou sanam kuch bhi nahi
kitni mushkil se bani thi dil ki kayenaat na pooch

Kantoon si chubhti hai Tanhai
Angaroon si sulagti hai Tanhai

Koi aa kar hum dono ko hunsa de
Main rota hoon rone lagti hai Tanhai

Jab bhi tere Hisar se nikalna chaha
Yaadoon k beej bone lagti hai Tanhai

Raat k kisi hise main yeh bhi Bewafa ho jati hai
Main nahi sota sone lagti hai Tanhai

Tum se judaa ho kar iss se hi Dil laga lia hai
Mar sa jata hoon jab khone lagti hai Tanhai

Sar Jhukaaoge Tou Patthar Devtaa Ho Jaayega
Itna Mat Chaaho Use Wo Bewafa Ho Jaayega

Hum Bhi Dariya Hain Humein Apna Hunar Maloom Hai
Jis Taraf Bhi Chal Parainge Raasta Ho Jaayega

Kitni Sachchai Se Mujh Se Zindagi Ne Keh Diya
Tu Nahin Mera Tou Koi Doosra Ho Jaayega

Main Khuda Ka Naam Le Kar Pee Raha Hoon Dosto
Zehar Bhi Iss Mein Agar Hoga Dawa Ho Jaayega

Sab Usi Ke Hain Hawa, Khushboo, Zameen-o-Aasmaan
Main Jahan Bhi Jaaoonga Us Ko Pata Ho Jaayega

Rooth Jaana Tou Mohabbat Ki Alaamat Hai Magar
Kya Khabar Thi Mujh Se Wo Itna Khafa Ho Jaayega.

Tere qareb aa kay bari uljhano main hon,
Main dushmanon main hon k tere doston main hon,

Badla na mere baad bhi mouzu-e-guftago,
Main ja chuka hon phir bhi teri mehfilon main hon,

Mujh se bichar k tu bhi tou roeyga umer bhar,
Yeh soch lay k main bhi teri khuwahishon main hon,

Tu hans raha hai mujh pey mera haal daikh ker,
Or phir bhi main shareek tere qehqahon main hoon.

Kabhi waqt miley tou aajao,
Ham jheel kinare ja baithen,

Tum apne sukh ki baat karo,
Hum apne dukh ki baat karain,

Aur un lamhoon ki baat karain,
Jo sung tumhare beet gaye,

Aur ehd-e-khizan ki nazar howy,
In sabz ruton k daman mai,

Hum pyar ki khushbo mehkayen,
In bikhray sabz nazaron ko,

Ham aankhon men tasveeer karain,
Phir apne pyar k jado se,

Hum lamhoon ko jageer karain,
Kabhi waqt milay tou ajao

Hum jheel kinare ja baithen

Kitab-e-dil pe likhay thay kitnay he afsanay
kuch qisse naye thay aur kuch berson puranay

Kuch un ka zikr jo kabhi rug-e-jaan se thay qareeb
kuch wo jo aaj bhi lagtay hain begaanay

Kaash aisi koi rut koi moosam aaye
khushiyon bhare geet hum lagein gungunanay

Aaj bhi dil mera iss aas pe zinda hai
aik roz to aayein wo hum ko mananay

Safha-e-dil ko koi humare perh ker dekhay
khoon-e-jiger se likhay hain sab afsaanay

Guzra howa zamana bhula do zehen se apnay
aatay nahi loat k beetay howe zamanay

Ek tamanna hai fakat mujh pey meharban raho
tum kisi aur ko dekho tou bura lagta hai

Mery chahat ka takaza hai mere sath raho
ghair ka hath jo thamo tu bura lagta hai

Arzo hai tere her roop ko her pal dekhon
tum mere paas sey utho tu bura lagta hai

Roz-e-shab aaj b perwa hai tumhari mujh ko
tum kisi aur ko socho tu bura lagta hai

Ye meri rooh tarasti hai tumhari khushbo ko
tum kahin aur ja k mehko tou bura lagta hai

Safar tanha nahin karte
Suno aesa nahin karte

Chalo tum raz ho apna
Tumhain afsha nahin karte

Suno jis ka muqaddar ho ossey chhora nahi karte
Jisay shafaf rakhhna ho ussey maila nahin karte

Jo bas jata hai dharkan main ussey bhola nahin karte
Kisi ko dil dete waqt boht socha nahin kartey

Jo pehlay sey tanha ho ussey tanha nahin karte
Suno yadain sataingi magar roya nahin karte

Suno tum yad atay ho aur hum soya nahin karte

Dost dushman nazar nahin atay
Ab tou pather bhi ghar nahin atay

Sub ko roona mera mazaq lagay
Ashq aankhon main bhar nahin aatay

Baap say pocho kia guzarti hai
Baitiyon k jo bur nahin aatay

Mujh say pocha yeh raat wehshat nay
aaj kal aap ghar nahin aatay,

Dosti ho gayi sitaron say,
Khuwab ab raat bhar nahin aatay

Aik bay rang sa manzar hai kahan tak sochon
zindagi main terey baaray main kahan tak sochon

Phenknay walay nay tu dour say pathar phenkay
aur main sirf paroosi k makaan tak sochon

Tera chehra bhi na yaad aye k tu kaisa hai
main tujhay sooch k reh jaaon yahan tak sochon

Loog jis moor per ghabra k bechar jaatay hain
tujh say milnay ka yaqeen ho tu wahan tak sochon

""Ham Se Kia Pochte Ho Hijr Mein Kia Kerte Hein
Tere Laut Aane Ki Din Raat Dua Kerte Hein

Ab Koi Hont Nahi In Ko Churane Ate
Meri Ankhon Mein Agar Ashk Hua Kerte Hein

Teri Tu Jane, Per Ai Jan-E-Tamna Ham To
Saans Ke Sath Tujhe Yad Kerte Hein

Tu Hi Pehloo Mein Nahi Warna December Mein Wahin
Dhoop Mein Beth Ke Akhbar Parha Kerte Hein

Teri Tasveer Laga Lete Hein Ham Seene Se
Phir Tere Khat Se Teri Baat Kerte Hein

Gar Tujhe Chornay Ki Soch Bhi Aye Dil Mein
Ham To Khud Ko Bhi Wahin Chor Diya Kerte Hein..

Koi ye kaise bataye k, wo tanha kyon hai...
Wo jo apna tha wohi, Or kisi ka kyoon hai...
Yahi duniya hai to phir, aisi ye duniya kyoon hai ...
Yahi hota hai to aakhir yahi hota kyoon hai...
Ik zara haath badhaa de to, pakar le daaman...
Uske seene mein sama jaye, hamari dhadkan....
Itni Kurbat hai to phir, faasla itna kyoon hai...
Dil e barbaad se nikla nahi, ab tak koi...
Ik loote ghar pe diya karta hai, dastak koi...
Aas jo toot gayi, phir se, bandhaata kyoon hai...
Tum musarrat ka kaho ya, isey gham ka rishta....
Kehte hain pyaar ka rishta hai, janam ka rishta...
Hai janam ka rishta jo ye to, badalta kyoon hai...

Jhuki Jhuki si nazar, bekaraar hai ke nahi..
Daba daba sa sahi, dil mein pyaar hai ke nahi..
Jhuki jhuki si nazar..
Tu apni dil ki jawan dhadkano ko, gin ke bata..
Tu apni dil ki jawan dhadkano ko, gin ke bata..
Meri tarah tera dil, bekaraar hai ke nahi...
Daba daba sa sahi, dil mein pyaar hai ke nahi..
Jhuki jhuki si nazar..
Wo pal ke jisme mohhabbat, jawan hoti hai..
Wo pal ke jisme mohhabbat, jawan hoti hai..
Us ek pal ka tujhe, intazar hai ki nahi..
Daba daba sa sahi, dil mein pyaar hai ke nahi..
Jhuki jhuki si nazar..
Teri ummed pe thukra raha hoon, duniya ko..
Teri ummed pe thukra raha hoon, duniya ko..
Tujhe bhi apne pe ye etbaar hai ke nahi...
Daba daba sa sahi, dil mein pyaar hai ke nahi..
Jhuki jhuki si nazar...

Aap ko dekh kar dekhta reh gaya..
Kya kahoon or kehne ko kya reh gaya..
Aap ko dekh kar dekhta reh gaya..
Unki aankhon se kaise chhalakne laga..
Mere hoton pe yoon majra rah gaya..
Aap ko dekh kar dekhta reh gaya..
Aise bichhde sabhi raat ke mod par..
Aise bichhde sabhi raat ke mod par..
Aakhri hum safar rasta rah gaya....
Aap ko dekh kar dekhta reh gaya.....
Soch kar aao hue tamanna yahi..
janeman jo yanha rah gaya, rah gaya..
Aap ko dekh kar dekhta reh gaya

Yaad mein teri jahan ko bhool jaata hoon mein,
oh bhoolne wale, kabhi tujko bhi yaad aata hoon mein?


Jitni mayoos hoon mein aapse bichhadkar,
Itnee shiddat se to aapne muje chhaha bhee nahi,

soe kahan pe? aankh ne takiye bhigoye hain,
aaj hum bhi kisi ke liye khoob roye hain,


dil ke darvaaze ko har waqt khula rakhte hai,
jaane kis waqt tera bulaava aa jaye,


kabhi khud pe,Kabhi halaat pe rona aaya,
baat nikli, to har ek baat pe rona aaya...

Kaisay kahon kia ho tum
Chalo main btaon kia ho tum
Mere liye meri dunia ho tum
Chuh k jo guzray wo hawa ho tum
Me ne jo mangi wo dua ho tum
Kare mujh ko jo roshan wo diya ho tum
Meri nazar ki talash ho tum
Meri zamin ka aakash ho tum
Mere chehray ki kashish ho tum
Mere sitaron ki gardish ho tum
Meri zindgi ka qarar ho tum
Main ne jo chaha wo pyar ho tum
Mere intazar ki rahat ho tum
Mere dil ki chahat ho tum
Tum ho to ye dunia hay meri
Main kasey kahon k meri jan ho tum

Ab to kuch na hua peeke bahek jaane se,
Baat maikhane ki baahar gayi maikhane se,

Do nigahoon ka jawani mein hai aisa milnaa
Jaise deewani ka milnaa kisi deewane se,

Dil ke ujade hue halat pe na jaaye koi,
Saher aabad hue hai isi veerane se,

Daro deewaro pe kabza hai udasi ka
Ghar mera ghar na raha unke chale jaane se....

Kya Woh Mujhe Yaad Karti Hogi
Badli saawan ki koi jab bhi barasti hogi.
Dil hi dil mein woh mujhe yaad to karti hogi.
Theek se so na saki hogi khayalon se mere.
Karvatein raat bhar bistar pe badalti hogi.
Koshishen jitni bhi ki hongi bhulaane ki mujhe.
Yaad utni hi meri aur ubharti hogi.
Dar pe aahat si hui hogi hawa se jab bhi.
Dhadkanen dil ki bahot tez dhadakti hogi.
Khat na aane ka sabab jaan liya hai maine.
Kahin ruswai na ho jaye, wo darti hogi.
Poochti hogi hawaon se mera haal e dil woh
Uski galiyon se hawa jab bhi guzarti hogi.
Apne seene se laga kar meri tasveer ko woh
Aahen raaton ko mere pyar mein bharti hogi.
Jhooti aane ki khabar paake woh meri.
Kabhi sajti to kabhi aur sanwarti hogi.

Bohat hi yaad aata hai mere Dil ko tarpaata hai
woh tera paas na hona bohat mujh ko rulaata hai
woh mera teri aankhon ke samandar main uttar jaana
aur teri muskurahat ke bhanwar main doobte jaana
teri awaaz ke saher se na nikal paana
tujh ko dekhna aur be-khudi se dekhte jaana
bohat chaha in guzre hue lamhon ko na sochoon
na teri yaad main reh ke tere saath ka sochoon
bhoola doon saari yaadon ko ke jin se Dil tarapta hai
ke jin se tais utth ti hai ke jin se dard hota hai
magar jab raat aati hai to teri yaad aati hai
tere hi khuwaab hote hain teri hi baat hoti hai
to tay paaya ab mumkin nahi tujh ko bhoola dena
teri yaad main rehna tujhe hi sochte rehna
tujhe jab yaad karte hain to Dil apna tarapta hai
woh tera paas na hona bohat mehsoos hota hai.

Nai nai si lagti hain ye zindagi tere aane ke baad.
Gham judai ka khatm kar dega hume tere jaane ke baad.
Har kami gawara hain sanam, gar saath ho tumhara.
Jaane anjaane ban gaye ho tum jine ka sahara.
Teri yaadon mein doobe huan hain ab subh o shaam mere.
Neend to jaati rahi, ab mere khwab bhi ho gaye hain tere.
Zulfo ko raat, chehre ko chaand jab se keh gaye ho tum,
Bheed mein sab se juda aur haseen mujhe bana gaye ho tum.
Yaadon se teri behalta nahi ab dil ye mera.
Such ho jaaye sapna mera gar ban jaaon saaya main tera

Tujhe Pyaar mera satayega
Yaadon ke toofan utthaye ga
Mera naam likh ker kitabon main
Tu logon ke darr se mitayega
Zikar mera aksar karne se pehle
Tu kuch soch ker muskuraye ga
Baatein meri yaad aayengi
Jitna tu unhain bhulaye ga
Tera Dil mujhe jo dekhna bhi chahe
Tu nazron ko phir bhi jhukaye ga
Jis ne mujhe itna sataya hai
Us ka chain bhi koi churaye ga

Zindagi yu hi guzarne lagi
khwaabon ki duniya mein palne lagi
patthar yahan khanjar yahan par
khaaron ke raaston pe chalne lagi
samjhota bahut humne kiya
aankh fir bhi ye tapakne lagi
dard-e-safar koi milta nahi
tanha umr saari ye dhalne lagi
kaale badal haarke chillane lage
khouf ki bijli chamakne lagi
shishe ke ghar rahe kab tak salamat
ab to pattharon ki baarish hone lagi
sab ujda-ujda kuchh sudharta nahi
fir bhi ummeed ki baatein kyu

jidhar dekho udhar badrang se chehre milenge
bisaaton par wahi haare hue mohre milenge
mod aayega dikhegi paas hi manzil magar
paaon kaampenge tumhare raaste thehre milenge
gufaon mein kaid hain aazaad hona chahti hain
roshni ke gird lekin har taraf pehre milenge
reth ke teele miley pyaase ko hardum raah mein
chala tha ye sochkar kuye wahan gehre milenge
munaadi karte hain vo khushaaliyon ki us shehar mein
jahan sab goonge hi goonge ya ki sab behre milenge

Meri sanson mein teri khushboo tou basi aaj bhi hai
Dil ki khwahish hai ke tumhay choo ker phir se dekhoon

Faaslay itney bhi ho jaain gay sochha hi na tha
Teray ehsas mein teri tasweer mein kab tak dekhoon

Kaisey dorahey per khara hoon ke aqal sakit hai
Dar hai pyaron sey judai ka, khud ko tarapta dekhoon

Tera ehsas-e-janoon mujh ko bhi pyara hai mager
Ishq ke anjam mein apney liye azziat dekhoon

Dil diwana tha kabhi tera so aaj bhi hai
Teri aankhon mein wohi pyar mein phir se dekhoon

Mein ne her lamha khuda se mangee hai dua
Mein teray pyar ka mausam sada hi dekhoon...

Main sun k uski sub batain,
Faqat itna hi kehta tha,
Khafa hona mana laina,
Yeh sadiyon say riwayat hay,
Gilay shikway karo mujh say,
Tumhain janan ijazat hay,
Magar ik baat meri bhi,
Tum yaad rakh laina,
Kabhi aisa bhi hota hay,
Hawaain rukh badalti hain,
Khataain ho hi jati hain,
Khafa hona bhi mumkin hay,
Khataa hona bhi mumkin hay,
Hamaisha yaad rakhna tum,
Taaluq toot janay say,
Kabhi toota nahin kertay!

Roye Hain Buhat Tab Zara Qaraar Mila Hai
Iss Jahan Mein kisey Bhala Sacha Pyaar Mila Hai

Guzar rahi hai zindagi Imtehan ke daur se
Ek khatam Hua Toh Dusra Tayar Mila Hai

Mere Damaan ko khushiyo ka nahi Malaal
Gham ka khazana jo isko beshumar mila hai

Woh kamnasib hai jinhe mehboob mil gaya
Mein khushnasib hun mujhe Intezar mila hai...

Saza Pe Chor Diya Jaza Pe Chor Diya
Har Ek Kam Hum Ne Khuda Pe Chor Diya

Woh Hum Ko Yad Rahkta Ya Bhula Deta
Usi Ka Kaam Tha Usi Ki Raza Pe Chor Diya

Us Ki Marzi Bujha De Ya Phir Jala Rakhe
Cheragh Hum Ne Jala Kar Hawa Pe Chor Diya

Us Se Baat Bhi Karte Tu Kis Tarhan Karte
Yeh Masla Dua Ka Tha Dua Pe Chor Diya

Iss Liye Tu Woh Kehte Hain Bewafa Hum Ko
Ke Hum Ne Sara Zamana Wafa Pe Chor Diya……!! !!

Khuwaab Mein Aa ker Wo Meri Neend Uraati Thi Bahut,
Her Ghari Wo Dekh kar Muskurati Thi Bahut,

Chor Hi Dena Pada Ghabra kar Us k Shaher Ko,
Yaad Uski Raat Din Mujh ko Rulati Thi Bahut,

Apni Baahon Mein Jab Jakar Leti The Ranjo Alam,
Aa k Ek Andaaz Mein Mujh ko Hansaati Thi Bahut,

Apne Dil Ki Baat Wo Mujhse Kabhi Kehti Na Thi,
Dusron K Pyaar Ke Qissey Sunati Thi Bahut,

Chahti Thi Sirf Meri Hi Nazar Us per Parey,
Ghair Ki Nazron Se Wo Khud Ko Bachati Thi Bahut,

Din Tou Kat Jata Tha Mera Doston Ke Saath Mein,
Raat Mein Lekin Wo Mujh ko Yaad Aati Thi Bahut.

Pyaar ka meetha Ehsaas‌ dilane laga hai tu
Ab tou mujh se mujhi ko churane laga hai tu

Teri chahtooN ka chaaya hai saroor iss qadar
Har pal har jagah nazar aane laga hai tu

Veeraan thi yeh zindgi tere aane se pehle
Khushiyoon ke sapne mujhe dhikane laga hai tu

Har pal mujhe hota hai bas tera hi Ehsaas
Iss qadar meri saansoN mein samaane laga hai tu

Ek pal ki bhi doori seh nahi paata hoon main
Hoke juda kyun mujhe azmaane laga hai tu

Raah chalte hue aksar hota hai yeh gumaan
Ke ban k saaya saath mere aane laga hai tu

Naam koi bhi looN tou naam aaye tera labooN pe
Ban ke jadu meri rooh mein samaane laga hai tu

Teri yadoon se hi aksar hota hai dil munawwar mera
Ghul ke saath lahoo ke nas nas mein samaane laga hai tu

Jaane kaun si dor hai teri aur kheench le jaati hai
Mujh ko apna deewana banaane laga hai tu

Tasvvur mein aksar hota hai yeh mehsoos mujhey
Chorr k duniya meri baNhooN mein samaane laga hai tu

Yeh tou bata ke kya naam dooN iss deewangi ko
Bechain kar ke har lamha mujhey tadpaane laga hai tu

Tere khayalooN se mehekne lagti hai zindagi meri
Mere zehn-o-dil pe is qadar chhaane laga hai tu

Yeh masoomiyat yeh bholapan yeh saadgi teri
Mujh ko har adaa se ab satane laga hai tu

Zeest ki raahoN mein dhoop thi har taraf
Apney pyaar ki barish ko barsane laga hai tu

Kya iss baat ka tujhey Ehsaas‌ hai Jaan‌
Mere har sher mein har Gazal mein aane laga hai tu...

Jo na mil saka wo baywafa
yeh bari ajeeb si baat hai

jo chala gaya mujhay chor kar
wohi aaj tak mere saath hai

Wo roshni kay khayal main
wo na asaka raah main muntazir

yeh khalish kahan thi visaal main
mere justojoo ko khabar nahi

na wo din rahay na wo raat rahi
jo chala gaya mujhay chor kar

wohi aaj tak mere saath hai..
Karey pyar lab pay koi gila na hoo

yeh kissi kissi ka naseeb hai
yeh karam hai uski jafa nahi

wo juda bhi rehkay qareeb hai
wo aankh hai mere ru baru

ussi haath mein mera haath hai
jo chala gaya mujhay chor kar

wohi aaj tak mere saath hai
mera nam tak jo na lay saka

jo mujhay qarar na day saka
jissay ikhtiyaar tau tha magar

mujhay apna pyar na day saka
wohi shakhs mere talassh hai

wohi dard mere hayaat hai
jo chala gaya mujhay chor kar

wohi aaj tak meray saath hai...

Bey karaar tanhaaiyun ka silsila reh jaayega
Terey merey darmiyaan bas ek khalaah reh jaayega

Aks beh jaayenge saarey dhoop ke sailaab mein
Aur koee paaniyoun mein jhaankta reh jaayega

Mujhko merey humsafar, aisa safar darpesh hai
Raasta kat bhi gaya tou faasila reh jaayega

Laug so jaayenge khaamushi ki chadar odh ker
Chaand sooney aanganoun mein jaagta reh jaayega

Kaisay kahoon k apna bana lou mujhey
bahoun mein apni sama lou mujhey

Bin tumharey aik pal bhi ab kat-ta nahin
Tum aa ker mujhi say chura lou mujhey

Zindagi tou woh hai sang tumharey jo guzrey
Dunya kay gamoun say ab chura lou mujhey

Meri sab say gehri khuwahish hou puri
Tum agar pass apnay bula lou mujhey

Yeh kaisa nasha hai jou behka raha hai
Tumhara hoon mein tou sambhalo mujhey

Najanay phir kaisay guzrey gi zindagani
Agar apnay dil say kabhi tum nikalo mujhey

Humesha muskura kay aansooun ko chupaya
Ghum ko chupanay ka yehi rasta nazar aaya

Kis kis ko batatey behtey ashkon ka sabab
Kay derd-e-dil dil main kis nay jagaya

Mehfilon main kahin bhi maza na raha
Rakha dil pay pather tou khud ko sajaya

Baat bay baat apni aahain daba ker
Yaron kay dermiyan kis qadar muskuraya

Na thi chah kabhi mujahy mae kashi ki
Jaam-e-wafa kisi bay wafa nay pilaya

Kya muqadar say shikwa kertey rahay
Jo qismat main tha wohi kuch tou paaya

Yeh kis morr pay aagaee hain umeedain
Kay saaya-e-manzil nazar main na aaya

Apnoon nay palat kay daykha tak nahin
Ghairon nay aaker galay say lagaaya

Acha hua kay raaz khul hi gaya
Dil-e-nadaan pay khanjar kis nay chalaya

Shab-o-roz chahat sila yeh hay shaiki
Dil kay tukrey huay wo chunney na aaya

Jane kiun woh sansoo ki dor totney nahi deta
bas dou qadam aur chalne ka wastaa dekar mujhe rukney nahi deta

bat kehta hai woh mujh se hans hans kar je lene ki
ajeeb shakhs hai mujh ko chain se rone nahi deta

ajj hosla deta hai mujhe chaand sitaron ko chho lene ka
woh piara sa chehra mujhe toot kar bikharne nahi deta

shayad janta hai woh bhi in ankhon main ansuon ka sailab hai
jane kiun phir bhi woh in ansoun ko girne nahi deta

mujh se kehta hai main tou mar jaon ga tumhare bina
main zinda hon ab tak woh mujhe marne nahi deta.

Palkon peh aansoon ko sajaya na jaa saka
Us ko bhi Dil ka haal bataya na jaa saka,
Zakhmon se choor choor tha yeh Dil mera
Ek zakham bhi us ko dikhaya na jaa saka,
Jab teri yaad aayi tou koshish ke ba wajood
Aankhon main aansoon ko chupaya na jaa saka,
Kuch log zindagi main aise bhi aaye hain
Jin ko kisi bhi lamhe bhulaya na jaa saka,
Bas iss khayaal se kahin us ko dukh na ho
Hum se tou haal-e-ghum bhi sunaya na jaa saka,
Woh muskuraha tha mere rubaru magar
Chehre ka rang us se chupaya na jaa saka,
Tanhaiyon ki aag main hum jal gaye
Magar faasla ana ka mitaya na jaa saka...

Dil chahta hai ke us se shikway shikayat karoon Lekin !
Sochta hoon ke woh mera kia lagta hai?
Dil chahta hai ke us se toot kar pyar karoon Lekin !
Sochta hoon ke woh mera kia lagta hai?
Dil chahta hai ke us ke seenay se lag kar so jaoon Lekin !
Sochta hoon ke woh mera kia lagta hai?
Dil chahta hai us se laroon aur phir manaoon Lekin !
Sochta hoon ke woh mera kia lagta hai?
Dil chahta hai ke us ko aaj bata he doon Ke
.... Woh he mera sub kuch lagta hai.

Suna jub say k woh hamara nahi
Us ne phir kabhi khud ko sanwara nahi
Khamosh baithay bus ussay main dekhta raha
Us ne bhi tou jatay howay pukara nahi
Mangoun ga murad k tum milo mujhay
Totta baray dinoun say mager koi sitara nahi
Meri ankhain, hount, dil tumhain pukarain
Main kaisay keh doun k main tumhara nahi
Khara houn zindagi or maut ki dehleez par
Mager us ki taruf say koi ishara nahi
Meri waja say aeyin us ki ankhoun main aanso
Ho gaya jo, so hogaya yeh mujhe gawara nahi

Khudaa ke vaaste ab berukhi se kaam na le,
Tadap ke phir koii daaman ko tere thaam na le,

Bas ek sajdaa-e-shukraanaa paae naazuk par
Ye maikadaa hai yahaan par Khudaa kaa naam na le

Zamaane bhar men hain charchey meri tabaahi ke
Main Dar rahaa hun kahin koi tera naam na le

Mita dou shauq se mujhako magar kahin tumase
Zamaanaa meri tabaahi kaa intaqaam na le

RakhuN ummid-e-karam us se ab main kya
K jab nazar se bhi zaalim mera salaam na le.

Bhari mehfil main tanha rehna acha lagta hai
Terey barey main sochtey rehna acha lagta hai.
Kabhi phulon main ,kabhi kaliyon main
Tujh ko hi dhundtey rehna acha lagta hai
Meree zindagi ki khushiyan tumhee say hain wabasta
Rab say sirf tumhein hi mangna acha lagta hai
Hamarey darmiyan hai sadiyon ka fasla
Kuch is tarhan guftugu karna acha lagta hai
Tumhrey baghir zindagi ka koi tasavur nahi hai
Kuch is tarhan tumhari tamanna karna achha lagta hai
Tum hi ko chaha,tum hi ko chahtey hain
Tumhi ko chahtey rehna acha lagta hai.