Aik Dia Dil Main Jalana Bhi

Aik dia dil main jalana bhi, bujha bhi daina,
Yaad karna bhi usey roz, bhula bhi daina,

Kia kahon yeh meri chahat hai k nafrat iss ki,
Naam likhna bhi maira, likh k mita bhi daina,

Phir na milnay ko bicharta hon tuj say laikin,
Murr k daikhon tou palatnay ki dua bhi karna,

Khat bhi likhna usay, mayoos bhi rahna us say,
Jurm karna bhi magar khud ko saza bhi daina,

Mujh ko rasmon ka takalluf bhi gawara laikin,
Jee main ayai tou yeh diwar gira bhi daina,

Soorat-e-naqsh-e-qadam, dasht main rehna,
Apnay honay say na honay ka pata bhi daina