iJunoon Archives

Hasti ka aitbaar kiye bagair reh na jaye,
Dunya hai yahan per jiye bin raha na jaye,

Katti nahin yeh zindagi umeed ke bagher,
Yeh jaam woh hai jis ko piye bin raha na jaye,

Chahat ka zakhm dil ko tamasha na bana de,
Aesa hai chaak jis ko siye bin rahaa na jaye,

Dunya ke is fishaar mein hai us ki yaad yoon,
Aandhi ho tez aur diye bin raha na jaye,

Ik simt tera hukam hai, ik simt kayenaat,
Yeh bojh apne sir pe liye bin raha na jaye...!

Labon Pe Phool Khiltay Hain Kisi Ke Naam Se Pahle
Dilo Ke Deep Jalte Hain Charagh-E Shaam Se Pahle

Kabhi Manzar Badalne Par Bhi Qissa Pata Nahin Chalta
Kahani Khatam Hoti Hai Kabhi Anjaam Se Pahle

Yahi Taare Tumhaari Aankh Ki Chilman Mein Rehte The
Yahi Sooraj Nikalta Thaa Tumhare Baam Se Pahle

Hui Hai Shaam Jungle Main Parinde Laute Honge
Ab In Ko Kis Tarah Rokain Nawah-E-Daam Se Pahle

Ya Saare Rang Murdaa The Tumhaari Shakl Banne Tak
Ya Saare Harf Muhmal The Tumhaare Naam Se Pahle

Huaa Hai Wo Agar Munsif Tou Amjad IhtiyataN Ham
Sazaa Tasleem Karte Hain Kisi Ilzam Se Pahle...!

Once two deaf.One was fishing. The other came to him and asked, are you fishing. The first said no I am fishing.The other said, oh I guessed you were fishing.

Ye Dil Bhulata Nahe Hai Mohabbatain Uski
Padi Howi Theen Mujhe Kitni Aadatain Uski

Ye Mera Saara Safar Oski Khushbuu Mein Kta
Mujhe Tou Raah Dikhati Theen Chahatain Uski

Ghiri Howi Hun Mein Chehron Ki Bheer Mein Laikin
Kaheen Nazar Nahee Aati Shabahatain Uski

Mein Dard Se Ronay Lagi Hun Tou Aisa Lagta Hai
Ke Chhaon Jaisi Theen Mujh Par Rafaqatain Uski

Ye Kis Gali Mein Ye Kis Sheher Mein Nikl Aaye
Kahan Pe Reh Gayein Loogon Sadaqatain Uski?

Mein Baarishon Mein Juda Ho Gayi Hun Os Se Magar
Ye Mera Dil, Meri Saansain Amanatain Uski...!

aik bacha golee nahi kha raha tha to uss kee ammi nay ussay kailay main band karkay dee aur kaha""BAITA KAILA KHA LO"" to jub uss nai kaila khaya to maa nai poocha ""KAILA KAH LIA"" to uss nai kaha""HAAN KAILA KHA KIA LIKIN HADDI PHANK DEE"".

Rukta Bhi Nahi Theek Se Chalta Bhi Nahi Hai
Ye Dil Ke Tere Baad Sambhalta Bhi Nahi Hai

Ye Sheher Kisi Aina Kirdaar Badan Par
ilzam Lagate Howe Darta Bhi Nahi Hai

Ik Umar Se Hum es Ki Tamanna Mai Hain Be Khowab
Wo Chand Jo Aangan Main Utrta Bhi Nahi Hai

Phir Dil Mein Teri Yaad Ke Manzar Hain
Aisay Mein Koi Dekhnay Waala Bhi Nahi Hai

es Umar Ke Sehra Main Teri Yaad Ka Baadal
Tlta Bhi Nahi Aur Barasta Bhi Nahi Hai

Hamraah Bhi khwaahish Se Nahi Rehta Hamare
Aur Baam-e-Rafaaqat Se Utarta Bhi Nahi Hai...!