iJunoon Archives

Main zard beej hon aor sabz hona chahta hoon
Mairi zameen,tairi mitti ka mashwara kiya hy?

Bikhr raha hoon teri tarah mein bhi aey rad e gul
So tujh sy poochta hon,taira tajarba kiya hy ?

woh ek khuwahish
woh ek kasuk
woh ek sapna
jo ke mere dil ki atha gehraiyon main
sakoot ordhay,dum sadhay betha hai
or us din ka muntazir hai,
jab isse zinda hona hai,
or ek tofaan ki manind,
her shey ko baha ker lejana hai,
mager nahin......
mujhey usse rookna hoga,
apni khuwahishon ko dabana hoga,
apnay sapnon ko torna hoga,
kahin woh apnay saath,
mera sab khuch na baha ker le jay,
kahin mera dost na mujhse chin jay,
kahin woh bhi na mujhse chin jay,
jo kabhi mujhe mila hi nahin,
jo ke mera apna hai,
mera sapna hai,
kahin aasa na ho,
is tofaan ke bais,
meri chahat mujhse chin jay,
kahin aasa na ho kissi ka dil toot jay,
koi rooth jay,
haan mujhe aasa hi karna hai,
is juzbey ko,
is chahat ko,
apnay dil main qeed karna hai,
kiya maloom,
uski bhi koi chahat ho,
uska bhi koi piyaar ho,
haan main yeh ehsaas,
dil ki gehraiyon main,
dafun kar longa,
or usko bhool jaonga,
kiyon ke piyar panay ka naam nahin,
bulke khone ka naam bhi piyar hi hai,
piyar....
piyar jo qorbani maangta hai,
mujhe qorbani hi to deni hai,
apnay juzbon ki qorbani,
apnay sapnon ki qorbani,
or sab se barh ker,
apnay piyar ki qorbani..

Kabi mujh ko saath le ker kabi mere saath chal ker
Woh badal gya achanak meri zindagi badal ker

Hue jis pe meherban tum koi khush naseeb ho ga
Meri hasratein to nikleen mere aansoun main dhal ker

Koi phool ban gya hai koi chand koi taara
Jo chirag bujh gaye hain teri anjuman main jal ker

Mere dosto Khudara ! mere saath tum bhi dhoondo
Woh yaheen kaheen chupay hain mere gham ka rukh badal ker

Teri be jhijak hansi se na kisi ka dil ho maila
Yeh nagar hai aaino ka yahan saans le sambhal ker

Kabi mujh ko saath le ker kabi mere saath chal ker
Woh badal gya achanak meri zindagi badal ker