iJunoon Archives

Kabhi Aansu Kabhi Khushbu Kabhi Nagma Banker
Hum Se Har Shaam Mili Hai Tera Chehra Bankar

Chand Nikla Hai Teri Ankh K Ansoo Ki Tarah
Phool Mehkay Hain Teri Zulf Ka Saya Banker

Meri Jaagi Hui Raaton Ko Usi Ki Hai Talash
So Raha Hai Meri Ankhon Main Jo Sapna Banker

Dil K Kaghaz Par Utarta Hai To Sheron Ki Tarah
Mere Honto Pay Machalta Hai To Nagma Banker

Raat Bhi Aaye To Bujhti Nahin Chehre Ki Chamak
Ruh Main Phail Gaya Hai Woh Ujala Banker

Mera Kya Haal Hai Yeh Aa K Kabhi Dekh To Le
Jee Raha Hoon Tera Bhoola Hua Vaada Bankar

Dhup Me Kho Gaya Vo Haath Chhuda Kar Kahin
Ghar Se Jo Saath Chala Tha Mera Saya Banker

fard ki qismat mai asmaan naheen
aur iss zameen par uska koee makaan naheen

chand hathoon mai hai marqooz muqadir uska
ghut k marjanaa bhi ab kharij-e-imkaan naheen

ibn-e-adam hai kissi aur ki aulaad naheen
yeh bhi iss ghar ka makeen hai koee mehmaan naheen

mudatoon isko andheray mai sulaya tumnay
ab iss say chand chupana koee asaan naheen

jo naik dil thay unhay zehr peelaya tumnay
naik aur bud ki tumhay aaj tak pehchaan naheen

teesri duniya ko tabha na subh-o-sham karo
hum hain insaan hamara bhi ehteraam karo

samajh rahay ho tum kainaat k rab ho
khuda banay ho karam bhi tu sab pay aam karo

khoon-e-nahuq say buhut haath rang liye tumnay
mashwara manoo muhabbat say sab ko ram karo

hum apnay gham say tafakur say khud hee nimtain gai
tum apnay ghar ki hifaazat ka intezaam karo

jahan jahan bhi gaye maut baant kar aaye
zindagi hansnay lagay koi aisa kaam karo

Shoq se torro mera dil aik tajarba aur sahi
Laakh khilonay torr chukay aik khilona aur sahi

daikh k mausam-e-sarma aur yeh sookhay patay
jisay furqat nay jalaya voh shajar yaad ayaa

barg-e-awaara ko hai apnay thikanay ki talaash
mujhay voh shehar voh galian voh ghar yaad ayaa

shaakh say toot k yoon rooye k daikha na gayaa
mai bhi roonay lagee jab apna safar yaad ayaa

aksar soocha k chalo bhool k daikha jaaye
buhut koshish ki bhulanay ki magar yaad ayaa

dil ki zidd hai jo muqadar mai hai voh aaj milay
jo lafz tumnay parhaya tha sabar yaad ayaa