iJunoon Archives

Meri Tm Se Guzarish Hai, Wafaon Ka Bharm Rakhna

Chaly Aana Meri Khatir, Sadaaon Ka Bharm Rakhna

Charagh-E-Jaan Nahi Bujhta, Hawa Maayoos Hoti Hai

Usy Aata Nahi Shayad, Hawaon Ka Bharm Rakhna

Mujhy Logon Ne Mehfil Men Hamesha Hanstay Dekha Hai

Meri Fitrat Men Shamil Hai, Anaon Ka Bharm Rakhna

Mery Ghar K Ujry Angan Men Koi Phool Khila, Tum Yad Aay
Tery Shehr K Basny Walon Men, Koi Shaks Mila, Tm Yad Aaye

Wo Kehta Tha K Baad Mèry Tm Yad Mujhy Kr Royo Ge
Sach Pooch Kisi Ki Ankhon Se Koi Ashk Gira, Tm Yad Aaye

Har Bar Main Tujh Ko Bholny Ki Khud Se Qasmen Khata Hon
Par Jab Bhi Kisi Ne Hans K Mujhy Jab Apna Kaha Tm Yad Aaye

Din Bhar To Main Is Dunya K Dhandon Men Hi Khoya Raha
Din Guzra Aur Deewaron Se Jb Dhoop Dhali Tm Yad Aaye

Kis Trha Yad Kron Kaisy Bhulaon Tujh Ko
Tu Koi Rasam Nahi Hai K Nibhaon Tujh Ko,

Roz Ankhon Se Bikharta Hai Naya Khwab Koi
Dil Ye Kehta Hai Na Ankhon Men Sajaon Tujh Ko,

Khoob Hoty Hen Chahat K Ye Meethy Rishty
Bhool Kar Bhi Kabhi Dushman Na Banaon Tujh Ko,

Tery Jany Pe Machalta Hai Bohat Dil Lekin
Zabt Itna Hai K Phir Bhi Na Bulaon Tujh Ko,

Zindgi Kon Se Taaron Ka Falak Hai Faraz
Kis Trha Apna Sitara Main Banaon Tujh Ko.

Jahan Luty Hain Baharon K Karwan Aksr
Hum Us Maqam Se Guzry Rawan Dawan Aksr,

Zara Sanbhal K Ay Yaran-E-Tez Gaam Chalo
Bhatak Gaye Sir-E-Manzil Bhi Karwan Aksr,

Tujhy Khabar Hai Mohbat K Kitny Afsany
Suna Gaye Teri Mehfil Men Bezuban Aksr,

Wo Ek Baat Jo Lafz-O-Bayan Tak Na Aa Saki
Chali Wo Baat, Mery Un K Darmyan Aksr,

Teri Nigah Ne Ay Dost Dil Ki Waadi Men
Basa Basa K Ujaari Hain Bastiyan Aksr.

Apna wo hai jo bawaqt-e-zarorat kaam aye.

Khuli Jo Aankh To Wo Tha Na Wo Zamana Tha
Dehkti Aag Thi Tanhai Thi Fasana Tha

Ghamon Ne Bant Liya Mujhy Yun Aapas Men
K Jaisy Main Koi Loota Hua Khazana Tha

Ye Kia Chund Hi Qadmon Pr Thak K Baith Gaye
Tumhen To Sath Mera Door Tak Nibhana Tha

Mujhy Jo Mery Lahu Men Dubo K Guzra Hai
Wo Koi Ghair Nahi Yaar Ik Purana Tha

Khud Apny Hi Hath Se Us Ko Kaat Diya
K Jis Darakht Ki Tehni Pe Aashiyana Tha