Poetry / Sad

Samreen Anjum

Tu Nay Socha He Nhi Kuch Bhi Hata Kar Us Say.

tu nay socha he nhi kuch bhi hata kar us say
ab bicharna hai to phir khud ko juda kar us say
woh bigarrta hai to duniya he bigarr jati hai
is liay rakhni parri mujh ko bana kar us say
aik jugnu tha magar us say jalay kitnay chiragh
raabtay barhtay gaey rabt barha kar us say
baat kaya hai keh uthaaii he na jaayen palken?
baat ho jab bhi to palkon ko jhuka kar us say
mein kahani men kahin hoon keh nhi hoon ay dil
poochna ho ga kisi roz bitha kar us say
kis terah us pay teray dard ka manzar khulta
tuu muhabbat bhi to karti thi chhupa kar us say
lehar jis tarah kinaray ko chhuay aakhri baar
aisa mehsoos hua haath mila kar us say.

· 0 Like · Oct 20, 2018 at 18:10
Category: sad
 
Poetry / Sad

Abdul Kareem

Dekhaa Hua Sa Kuchh Hai To Sochaa Hua Sa Kuchh.

Dekhaa hua sa kuchh hai to sochaa hua sa kuchh
Har waqt mere saath hai uljhaa hua sa kuchh
Hotaa hai yuuN bhii raastaa khultaa nahiN kahiN
Jangal sa phail jaataa hai khoyaa hua sa kuchh
Saahil kii geelii ret pe bachchoN ke khel saa
Har lamhaa mujh meN bantaa bikhartaa hua sa kuchh
Fursat ne aaj ghar ko sajaayaa kuchh is tarah
Har shay se muskuraataa hai rotaa hua sa kuchh
DhuNdhlii sii ek yaad, kisii qabar kaa diyaa
Aur mere aas paas chamkataa hua sa kuchh....!!!

· 0 Like · Oct 20, 2018 at 11:10
Category: sad
 
Poetry / Sad

Asma Altaf

Kyun Yaad Tum Itna Aate Ho...?

Kyun yaad tum itna aate ho...?
Kyun hum ko tum tarpaate ho...?
Gum sum gum sum hain aaj sahar se hum...
Kyun itna hamain sataate ho...?
Aadi hogaye hain us sitam ke hum...
Jo aadatan humpe dhaate ho.
Tumhain khayaalon se gar nikaal bhi dain...
To khwaabon main aajaate ho.
Hum lab se nahin karte izhaar-e-mohabbat...
Tum aankhain hii nahin parh paate ho.

· 0 Like · Oct 19, 2018 at 22:10
Category: sad
 
Poetry / Sad

Abdul Qadeer

Kabhi Tu Ne Khud Bhi Socha K Ye Pyaas Hai To Kyon Hai.

Kabhi tu ne khud bhi socha k ye pyaas hai to kyon hai
tujhay paa k bhi mera dil jo udaas hai to kyon hai
mujhay kyon azeez tar hai ye dhuaan dhuaan sa mosam
ye hawa-e-shaam-e-hijran mujhay raas hai to kyon hai
tujhay kho k sochta hon mere daaman-e-talab mein
koi khwaab hai to kyon hai, koi aas hai to kyon hai
main ujar k bhi hon tera, tu bicher k bhi hai mera
ye yaqeen hai to kyon hai, ye qayaas hai to kyon hai
mere tan-barehna dushman isi gham main ghul rahay hain
k mere badan pe saalim ye libaas hai to kyon hai
kabhi pooch is k dil se k ye khush mizaaj shaair
bohot apni shaayiri main jo udaas hai to kyon hai
tera kis ne dil bujhaaya mere AiTeBar SajiD
ye chiraagh-hijr ab tak tere pass hai to kyon hai...!

· 0 Like · Oct 19, 2018 at 13:10
Category: sad
 
Poetry / Sad

Afza Altaf

Main Yun Hi Shoq Mein Kab Tak Usey Pukara Krun?

*Main Yun hi Shoq Mein Kab Tak Usey Pukara Krun?
* Woh Mera Hai, Ya Nai Hai, Ab Kia Istekhara Krun?
* Kaha Hai Us Ne K Main Har Roz Aaun Ga.....
* Kia Main Us k Lie Rozana Ghar Sanwara Krun?
* Tamam Log Dekhte Hain Nazar Bhar K Usey.....
* To Kyun Na Roz Main Uski Nazar Utara Krun...
* Jo Ban Gaya Hai Mere Lie Wisaal-e-Jan.....
* Main Sochta Hun K Un Sab Se Ab Kinara Krun...
* Woh Meri ZINDAGI Hai Aur Dusron K Sath Rahe...
* Yeh Be-rukhi Main Bhala Kis Tarha Gawara Krun???

· 0 Like · Oct 19, 2018 at 06:10
Category: sad
 
Poetry / Sad

Abdul Ghaffar

Yarghamal

· 0 Like · Oct 18, 2018 at 17:10
Category: sad
 
Poetry / Sad

Aman Ullah

Aks Chun''nay Main Umr Guzri Hy.


Aks Chun''nay Main Umr Guzri Hy...

Aisa Toota Hy Aa''ina Mujh Main...!!!

· 0 Like · Oct 18, 2018 at 11:10
Category: sad
 
Poetry / Sad

Mehwish Jatt

Yaani Tum Wo Ho


Yaani Tum Wo Ho, WAQYEE????... Hadd hy...
Main To Sach Much Sabhi Ko Bhool Gya...!!!

· 0 Like · Oct 18, 2018 at 04:10
Category: sad
 
Poetry / Sad

Pinky Queen

Kya Sitam Hy K Ab Teri Soorat.


Kya Sitam Hy K Ab Teri Soorat...

Ghor Krnay Py Yaad Aati Hy...!!!

· 0 Like · Oct 17, 2018 at 19:10
Category: sad
 
wow it is beautiful
Posted by kinza hussain
Posted on : May 14, 2018

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS