Poetry / Sad

Muzammil Shahzad

Aur Bus

Ik Shakhs Mujh Ko Jeet K Haara Hai Aur Bass
Itna Hee Zindagi Ka Khassara Tha Aur Bass ...!

Dar Tha Tujhey Khoney Ka, Issi Kouf Sey Ik Raat
Main Ney Sisak Key Tujhko Pukara Tha Aur Bass

Kaisay Kahoon K Uss Ka Irrada Badal Gaya
Sach Tu Yehi Hai Uss Ne Pukara Tha Aur Bass..

Duniya Ko Iss Main Dard Kee Shiddat Kahan Millay
Aankhoon Se Tootta Hua Taara Tha Aur Bass

Ab Inn Main Koi Khawaab Sajanay Nahin Mujhay
Aankhoon Ko Intezaar Tumhara Tha Aur Bass

Poocha K Main Ne Khawaab Main Daikhi Hain Barishain
Uss Ne Kaha K Aik Ishara Tha Aur Bass

Lafzoon Main Dard-e-Hijr Ko Mehsoos Ker K Daikh
Kehnay Ko Main Ne Waqt Guzara Tha Aur Bass

Palkon Peh Uske Aik Sitara Tha Aur Bas
Zaad-E-Safar Yahi To Hamara Tha Aur Bas

Banjar Samaaton Ki Zamin Kaisay Khil Uthi
Tum Ne To Mera Naam Pukara Tha Aur Bas

Ik Umr Meri Zaat Peh Saya fagan Raha
Kuch Waqt Hum Ne Saath Guzara Tha Aur Bas

· 2 Like · Apr 09, 2019 at 18:04
Category: sad
 
Poetry / Sad

Muzammil Shahzad

Ek Shakhs Tere Hijjir Mein

Jo Dard K Sehra Mein Akela Bhi Buhat Hai
Us K Liye Deewar Ka Saaya Bhi Buhat Hai

Daikha Nahi Tanhai Mein Tum Ne Kabhi Usko
Bichre Hue Logon Ko Woh Roya Bhi Buhat Hai

Kuch Tujh Ko Muhabbat Par Yakeen Tha Na Wafa Par
Kuch Dukh Meri Taqdir Mein Likha Bhi Buhat Hai

Beenai Andheron Se Bhala Kaise Bachata
Ek Shakhs Tere Hijr Mein Jaaga Bhi Buhat Hai

Wo Aur Hain Jo Chho Ka Tujhe Daikhna Chahen
Mujh Ko Tu Mere Khuwab Ki Dunya Bhi Buhat Hai

Kirdaar Se Mehroom Tha Yeh Shehr So Us Ne
Hum Ko Dur-O-Deewar Peh Likha Bhi Buhat Hai

· 1 Like · Apr 09, 2019 at 11:04
Category: sad
 
Poetry / Sad

Muzammil Shahzad

Bari Dair Tak

Mujhe Aarzo-E-Sehr Rahi Yunhi Raat Bhar Bari Dair Tak
Na Bikhar Saka Na Simat Saka Yunhi Raat Bhar Bari Dair Tak

Hain Buhat Azaab Aur Akele Hum, Shab-E-Ghum Bhi Meri Taveel Tar
Rahi Zindagi Bhi Saraab Aur Rahi Aankh Tar Bari Dair Tak

Yahan Har Taraf Hai Ajab Saman, Sabhi Khud Pasand Sabhi Khud Numa
Dil-E-Beqarar Ko Na Mila Koi Chara Gar Bari Dair Tak

Mujhe Zindagi Hai Azeez Tar Isi Wastay Mere Humsafar
Mujhe Qatra Qatra Pila Zeher Jo Kare Asar Bari Dair Tak

· 1 Like · Apr 09, 2019 at 04:04
Category: sad
 
Poetry / Sad

Raaz E Ulfat Chhupaa Ke Dekh Liyaa

raaz-e-ulfat chhupaa ke dekh liyaa
dil bahot kuchh jalaa ke dekh liyaa

aur kyaa dekhane ko baaqii hai
aap se dil laga ke dekh liyaa

wo mere hoke bhii mere na hue
unako apanaa banaa ke dekh liyaa

aaj unaki nazar mein kuchh hamane
sabaki nazaren bachaa ke dekh liyaa

'Faiz', taqmiil-e-Gam bhii ho na sakii
ishq ko aazamaa ke dekh liyaa

· 3 Like · Apr 08, 2019 at 16:04
Category: sad
 
Poetry / Sad

Ye Soch K Dil Ki Dharkan Hi Ruk Gai Faraz

Ye soch k dil ki dharkan hi ruk gai FARAZ
Ik pal jo tasawar kiya us kay bina jeenay ka

Barbad karnay k or b rastay thay FARAZ
Najanay kyoon usay muhabat ka rasta pasand aya

Dur_o_deewar say hasrat see barasti hai FARAZ
Janay kis dais chalay gaye MUHABAT nibhanay walay

kyoon chupkay say dil main utar jatay hain wo log FARAZ
Jin logoon say MUQQADAR k sitaray nahi miltay

Lagta hai apni uljhanain or barh jayen gi FARAZ
Ajj hamain phir kissi ki sadgi achhi lagi

Teri masoom nigahoon k taQadus ki QASAM FARAZ
Main so bhee jaun to teray khawab jaga daitay hain

· 1 Like · Feb 23, 2019 at 17:02
Category: sad
 
Poetry / Sad

Waqt To Waqt Hay

Waqt ko tum ne naheen hay samjha

Waqt ko tum ne bhala kab jana

Waqt jaisa ho behertoor guzar jata hay

Waqt kuch aisa bhi hota hay k jo

Lakh kato,to woh katta hi naheen

Waqt kuch yun bhi guzar jata hay

Jaise ho nind ki agosh main ek khawab haseen

Aur woh khawab haseen

Haath se apne aksar

Aik hi pal main phisal jata hay

Lakh bhageen bhi magar

Haath kahan ata hay

Aur hum khawab ki bekal yadeen

Apne pahlo main chupa kar chup chaap

Ingint rang_o_musaeb se guzar jate hain

Waqt k sankeroon zalim lamhe

Waqt k sang guzar jate hain

Waqt to waqt hay

Jaisa ho guzar jata hay

· 3 Like · Jan 16, 2019 at 15:01
Category: sad
 
Poetry / Sad

Parwana Chala Jaye Ga

Teri mehfil se yeh diwana chala jaye g

Shama jalti rahe parwana chala jaye ga

Qisa_e_dard sunane ki ijazat na mili

Kya jiye ga woh jise teri mohabat na mili

Dard ka le k woh afsana chala jaye ga

Pyar k phool yahan aur bhi khil jayeen g

Chahane wale tumain aur bhi mil jayeen ge

Apne reh jayeen ge begana chala jaye ga



· 2 Like · Jan 15, 2019 at 15:01
Category: sad
 
Poetry / Sad

Muhammad Zeeshan

Teri Tasvir Aankho Me Basi Kyu Hai

Teri Tasvir Aankho Me Basi Kyu Hai,
Jidhar Dekhon Udhar Tu Hi Kyu Hai,
Teri Yadon Se Taqdeer Hai Lekin,
Tujhe Na Paakar Taqdir Ruthi Kyu Hai.

· 3 Like · Jan 06, 2019 at 16:01
Category: sad
 
Poetry / Sad

Muhammad Zeeshan

Apse Juda Hona Hame Raas Nahi Aata

apse juda hona hame raas nahi aata
yaadon ke sahare ab jiya nahi jaata
na jaane kab hoga milan hamara
aap ke bina jeena ab nahi gavara.

· 2 Like · Jan 06, 2019 at 10:01
Category: sad
 

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS