Poetry / Sad

Muzammil Shahzad

Mohabbat Chorr Di Humne

Abhi Jo Tum Laut Ker Phir Tum
Humare Darr peh Aaye Ho
Ye Tum Se Keh Dia Kis Ne
K Tum Bin Reh Nahi Sakte
Ye Dukh Hum seh Nahi Sakte
Kaha Tum Se Kis Ne k
Hum Tum Bin Bohat Roye
Kai Raaton Ko Na Soye
Suno. . ! ! !
Tum Sun Lo Ghor Se
Agar
Beetay Huey Lamhon Ko
Tumne Wapis Lana Hai
Humari Zindagi main Humain
Wapis Bulana Hai
Mujhe Afsos Hai Janaa
K Tum Mayoos Loto Ge
Agar Tum Janna Chaho K Aisa
Kion Kia Hum Ne
Ye Gham Seh Lia Hum Ne

TOU SUNO GAUR SE JANaa

Puraani Ehad-e-Rafta Ki Riwayat
Tor Di Hum Ne

"MOHABBAT CHOR DI HUM NE" . . .

· 1 Like · Apr 13, 2019 at 04:04
Category: sad
 
Poetry / Sad

Muzammil Shahzad

Mere Sahir Se Keh Daina

Agar Sehra Se Guzro To Mere Sahir Se Keh Dena
Tumhari Besabab Doori Mujhe Aksar Rulati Hai !!

Mery Sahir Se Keh Dena
Musafir Aaj Tak Chup Hay
K Uss K Haath Mein Tum Ne
Jo Apna Haath Rakha Tha
Vo Ab Tak Yaad Karta Hay

Mery Sahir Se Keh Dena
K Sadion Ki Musafat Ne
Mery Pairoon Se Bandhi Hay
Thakan Ab K Baras Itni
K Apni Doobti Nabzoo Se
Main Khayef Sa Rehta Hoon
Na Janay Kab Kahan Pe
Umer Ki Yeh Dor Kat Jaye

Main Apnay Aur Tumhary Beech K In Fasloon Ko
Chand Saanson Ki Kami Se Haar Na Jaon
Bisat E Jaan Par Phaili Doorion K Bojh Ko Le Kar
Yunhi Mar Jaon

Mery Sahir Se Keh Dena

K Uss K Ishq K Tilsam Se Ab Tak Vo Nahi Niklay
K Jin Ko Uss Ki Aankhon Ne Faqat Ik Baar Dekha Tha

Mery Sahir Se Keh Dena

K Saray Shehar Ko Mery
Yunhi Patthar Na Rehnay De
Mery Tilsam Kadon Mein Laut Kar Aaye
K Vo Patthar Tarastay Hain
Tumhari Chashm Ki Jumbish
Unhein Ik Bar Phir Kar De
Kisi Zee Rooh Ki Manind

Mery Sahir Se Keh Dena

Bichad Kar Tum Jo Miltay Thy
To Yun Mehsoos Hota Tha
K Jaisay Marg K Dhundley Kinaroon Tak Pahunchaty Hi
Adhoora Kaam Koi Zindagi Ko Yaad Aa Jaye
Kaho Phir Se Chala Aaye
K Uss K Laut Aany Se
Hamari Doobti Nabzoo Ko Phir Se Saans Aa Jaye

Agar Sehra Se Guzro To
Mery Sahir Se Keh Dena

Agar Jungle Se Guzro To
Mery Jugnoo Se Keh Dena

Tumhari Bey Sabab Doori
Mujhay Aksar Rulati Hay
Meri Shaamein Andheri Hain
Meri Raatein B Teera Hain
Mery Sab Taaq Khali Hain
Meri Aankhein Sawali Hain

Mery Jugnoo Se Keh Dena
Muhabbat Aaj Tak Chup Hay
K Iss K Haath Mein Uss Ne
Jo Dehka Daagh Rakha Tha
Vo Ab Tak Baat Karta Hay
Mery Jugnoo Se Keh Dena
Mery Jazboon Ne Raahon Mein
Moharein Rook Rakhi Hain
Inhein Azn E Safar De Do
Inhein Dil Se Guzarnay Do

Mery Jugnoo Se Keh Dena
Meri Aankhon Ko Qum Keh Do
Yeh Umroon Se Yunhi Bejaan Hain
Khuwaboon K Madfan Mein
Inhein Phir Se Jila De Do

Mery Jugnoo Se Keh Dena
Ghamoon Ne Raag Cheda Hay
Aziyat Raqs Karti Hay
Meri Tanhayi Ka Charcha
Daroon E Zaat Phaila Hay

Mery Jugnoo Se Keh Dena
Faqat Uss Ki Kami Ne
Zindagi Mein Soog Rakha Hay
Mery Jugnoo Se Keh Dena
Kiun Jungle Mein Bhatakta Hay
Kiun Khud Ko Rook Rakha Hay

Tumhari Bey Sabab Doori Mujhay Aksar Rulati Hay

Agar Jungle Se Guzro To
Mery Jugnoo Se Keh Dena
Agar Sehra Se Guzro To
Mery Sahir Se Keh Dena
Mery Sahir Se Keh Dena...!!!

· 1 Like · Apr 12, 2019 at 15:04
Category: sad
 
Poetry / Sad

Muzammil Shahzad

Saaqi

Har Simat Gham-E- Hijar K Toofan Hain Saqi..
Matt Poch K Hum Kitnay Pareshan Hain Saqi..

Har Chahra Nazar Ata Hai Tasweer Ki Sorat..
Hum Shaher K Logon Se Bhi Anjan Hain Saqi..

Jis Shaher-E-Mohabbat Ny Humy Loot Liya Hai..
Uss Shaher Se Ab Kooch K Saman Hain Saqi..

Kashti Abhi Umeed Ki Doobi Tu Nahi Hai..
Phir Q Teri Ankhoun Mai Ye Toofan Hain Saqi..

Karr Inn Ka Adab Rakh Inhain Seenay Se Laga Karr..
Ye Dard Ye Tanhaiiyan Mahman Hain Saqi..

· 2 Like · Apr 12, 2019 at 09:04
Category: sad
 
Poetry / Sad

Muzammil Shahzad

Suna Hoga Buhat Tumne

Suna hoga bohat tumne....
KahiN aankhoN ki rimjhim ka
Kahin palkoN ki shabnam ka...
Parha hoga bohat tumne ....
KahiN lehje ki barish ka
KahiN sagar ke aansoo ka...
Magar tum NE kabhi humdam ...
Kahin daikhe?
Kahin parkhe?
Kisi tehreer ke aansoo
Mujhe teri judaai ne ...
Yehi mairaaj bakhshi hai...
Ke main Jo lafz likhta hoon...
Wo saare lafz rotay hain

Ke main Jo harf bunta hoon ...
Wo saare bain karte hain
Mere sang iss judaai main ...
Mere alfaaz merte hain

Sabhi tareef karte hain ...
Meri tehreer ki lekin..
Kabhi koi nahin sunta ...
Mere alfaz ki siski...
Falak bhi Jo hila daale..
Mere lafzon main hain shamil ..
Ussi taseer ke aanso...
Kabhi daikho mere humdam...
Meri tehreer ke aansoo.!

· 1 Like · Apr 11, 2019 at 01:04
Category: sad
 
Poetry / Sad

Muzammil Shahzad

Kya Aah Bhare Koi

Kya aah bharay koi
Jab aah nahin jati
Dil main bhi zara gehri
Aur arsh se kuch oonchi

Kya nazm likhay koi
Jab khawab ki qeemat mein
Aadarsh ki soorat mein
Kashkol gadaei ka
Shaair ko diya jaye
Aur rook liya jaye
Jab shaer utarnay say
Baadal say zara oopar
Taaron say zara neechay

Kya khaak likhay koi
Jab khaak ke medaan par
Ungli ko hilanay se
Toofan nahin uthta
Jab shaakh peh imkan ki
Is dasht_e_tamanna mein
Ik phool nahin khilta

Jab dil kay bulaway par
Iss jheel kanaray par
Peghaam nahin aata
Ik dour ka bashinda
Ik khwab ka shehzada
Gulfaam nahin aata

Basti mein koi aurat
Raaton ko nahin soti
Jaagi huwi aurat ki
Soi hui qismat par
Jab koi bhi deewana
Bey chain nahin hota
Dehleez ke pathar se
Takra ke jabeen apni
Ik shakhas nahin rota

Jab neend ke shedaei
Khawabon ko tarastay hain
Aur dekhnay ke aadi
Binaei se dartay hain
Reh Reh ke andheray sayy
Aankhon mein utartay hain

In phool se bachoon say
Keh do keh na ab nangay
Paaon se chalein ghar mein
Is farsh peh mitti ke
Ab ghaas nahin ugti
Ab Saanp nikaltay hain
Deewar se aur darr se

Ab noor ki boondon se
Mehki hui mitti mein
Anmol ujalay ke
Woh phool nahin khiltay
Ab jheel kanaray par
Bichhray bhi nahin miltay
Rahbar nahin ruktay
Mohoam si manzil par
Aankhon kay isharay say
Ab noor ki boondon ki
Bochhar nahin hoti

Basti mein koi aurat
Raton ko nahin soti
Aur jagnay walon say
Ab nazm nahin hoti

Kya nazm likhay koi
Jab jagnay, sonay mein
Paa lenay mein, khonay mein
Jab baat ke honay mein
Aur baat na honay mein
Kuch farq na reh jaey
Kya baat karay koi !

· 1 Like · Apr 10, 2019 at 06:04
Category: sad
 
Poetry / Sad

Muzammil Shahzad

Aur Bus

Ik Shakhs Mujh Ko Jeet K Haara Hai Aur Bass
Itna Hee Zindagi Ka Khassara Tha Aur Bass ...!

Dar Tha Tujhey Khoney Ka, Issi Kouf Sey Ik Raat
Main Ney Sisak Key Tujhko Pukara Tha Aur Bass

Kaisay Kahoon K Uss Ka Irrada Badal Gaya
Sach Tu Yehi Hai Uss Ne Pukara Tha Aur Bass..

Duniya Ko Iss Main Dard Kee Shiddat Kahan Millay
Aankhoon Se Tootta Hua Taara Tha Aur Bass

Ab Inn Main Koi Khawaab Sajanay Nahin Mujhay
Aankhoon Ko Intezaar Tumhara Tha Aur Bass

Poocha K Main Ne Khawaab Main Daikhi Hain Barishain
Uss Ne Kaha K Aik Ishara Tha Aur Bass

Lafzoon Main Dard-e-Hijr Ko Mehsoos Ker K Daikh
Kehnay Ko Main Ne Waqt Guzara Tha Aur Bass

Palkon Peh Uske Aik Sitara Tha Aur Bas
Zaad-E-Safar Yahi To Hamara Tha Aur Bas

Banjar Samaaton Ki Zamin Kaisay Khil Uthi
Tum Ne To Mera Naam Pukara Tha Aur Bas

Ik Umr Meri Zaat Peh Saya fagan Raha
Kuch Waqt Hum Ne Saath Guzara Tha Aur Bas

· 2 Like · Apr 09, 2019 at 18:04
Category: sad
 
Poetry / Sad

Muzammil Shahzad

Ek Shakhs Tere Hijjir Mein

Jo Dard K Sehra Mein Akela Bhi Buhat Hai
Us K Liye Deewar Ka Saaya Bhi Buhat Hai

Daikha Nahi Tanhai Mein Tum Ne Kabhi Usko
Bichre Hue Logon Ko Woh Roya Bhi Buhat Hai

Kuch Tujh Ko Muhabbat Par Yakeen Tha Na Wafa Par
Kuch Dukh Meri Taqdir Mein Likha Bhi Buhat Hai

Beenai Andheron Se Bhala Kaise Bachata
Ek Shakhs Tere Hijr Mein Jaaga Bhi Buhat Hai

Wo Aur Hain Jo Chho Ka Tujhe Daikhna Chahen
Mujh Ko Tu Mere Khuwab Ki Dunya Bhi Buhat Hai

Kirdaar Se Mehroom Tha Yeh Shehr So Us Ne
Hum Ko Dur-O-Deewar Peh Likha Bhi Buhat Hai

· 1 Like · Apr 09, 2019 at 11:04
Category: sad
 
Poetry / Sad

Muzammil Shahzad

Bari Dair Tak

Mujhe Aarzo-E-Sehr Rahi Yunhi Raat Bhar Bari Dair Tak
Na Bikhar Saka Na Simat Saka Yunhi Raat Bhar Bari Dair Tak

Hain Buhat Azaab Aur Akele Hum, Shab-E-Ghum Bhi Meri Taveel Tar
Rahi Zindagi Bhi Saraab Aur Rahi Aankh Tar Bari Dair Tak

Yahan Har Taraf Hai Ajab Saman, Sabhi Khud Pasand Sabhi Khud Numa
Dil-E-Beqarar Ko Na Mila Koi Chara Gar Bari Dair Tak

Mujhe Zindagi Hai Azeez Tar Isi Wastay Mere Humsafar
Mujhe Qatra Qatra Pila Zeher Jo Kare Asar Bari Dair Tak

· 1 Like · Apr 09, 2019 at 04:04
Category: sad
 
Poetry / Sad

Raaz E Ulfat Chhupaa Ke Dekh Liyaa

raaz-e-ulfat chhupaa ke dekh liyaa
dil bahot kuchh jalaa ke dekh liyaa

aur kyaa dekhane ko baaqii hai
aap se dil laga ke dekh liyaa

wo mere hoke bhii mere na hue
unako apanaa banaa ke dekh liyaa

aaj unaki nazar mein kuchh hamane
sabaki nazaren bachaa ke dekh liyaa

'Faiz', taqmiil-e-Gam bhii ho na sakii
ishq ko aazamaa ke dekh liyaa

· 3 Like · Apr 08, 2019 at 16:04
Category: sad
 

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS