Poetry / Sad

Aditya

Badal Jata Hay

Bohot kuch badal jata hai
Tere aane k baad,

Bohot kuch bichar jata hai
Tere jaane k baad,

Wo samandar ki leherey,
Wo rait k mehal,

Bohot kuch beh jata hai
Saahil se takra jaane k baad,

Wo baarish k moti,
Wo taaro ki khuwahish,

Bohot kuch bikhar jata hai
Khuwaab toot jaane k baad,

Wo teri parchaiyon se takrana,
Wo saayon ka lehrana

Bohot kuch mit jata hai
andhera chhaa jaane k baad

· 1 Like · Aug 24, 2019 at 19:08
Category: sad
 
Poetry / Sad

Aditya

Tanha

Aik Rah Per Sari Umer Chaley
Ek Dojey Ko Na Samjh Sakey
Jeevan Ka Safer Anjaan Safer
Bay Khahish Bay Araam Safer

Jevan K Kissi Bhi Dukh Sukh Main
Woh Meray Saath Shareek Nahin
Hum Dono Main Ek Rishta Hai
Per Jazboon Ki Tehreek Nahin

Jari Hai, Mager Anjaan Safer
Main Sochta Hoon Aik Din Yunhi
Woh Mujh Sey Juda Ho Jayegi
Ya Pehlay Main Mar Jaon Ga
Ya Shaid Woh Mar Jayegi

Phir Loug Kahin Gay Inka
Yeh Rishta Kitna Sacha Tha
Per Kiss Ko Khaber, Sara Jeevan
Woh Tanha Thi...
Main Tanha Tha...

· 1 Like · Aug 21, 2019 at 02:08
Category: sad
 
Poetry / Sad

Adil Iftikhar

Jise Tum Dost Kaha Karte Thay

Jise Tum Dost Kaha Karte Thay
Mai wohi hoon jise Tum Dost kaha kartey thay
Din mai so baar Mera Naam lya kartey thay
Aaj kya Baat hai Q Mujh se Khafa bethey ho
Kya kisi aur ko Dost bana bethey ho?
Faasle itne to Pehley na hua kartey thay
Mai wohi hoon jise Tum Dost kaha kartey thay
Tum agar Bhool gaye to koi Baat nahi
Zakhm to pehley b is Dil per laga kartey thay
Mai wohi hoon jise Tum Dost kaha kartey thay
Din mai so baar Mera Naam lya kartey thay

· 2 Like · Aug 19, 2019 at 11:08
Category: sad
 
Poetry / Sad

Sadaf Faiz

Dildarian

chup hai har waqt ka rone waala
kuchh na kuchh aaj hai hone waala
ek bhi ashq nahin hai aankhon mein
sakht jaan kitna hai rone waala
aaj kaanton ka bhi haqdaar nahin
haar phoolon k pironey waala
kho gayaa dard ki tasweeron mein
pyaar k rang bhigone waala
fasl ashqon ki ug aayee kaise
kyaa kahe …kahkahe bone waala
baanteta phirta hai auron ko hansee
khud ko ashqon mein dubone waala
mutmayeen ab hain yahi soch ke hum
ho rahega hai jo hone waala
SHAUQ tum jiske liye marte ho
wo tumharaa nahin hone waala




· 1 Like · Aug 17, 2019 at 09:08
Category: sad
 
Poetry / Sad

Haya Jalal

Jidhar Bhi Dekhta Hoon

jidhar bhi dekhtaa hoon tanhaai nazar aati hai
aapke intzaar mein har shaam guzar jaati hai

main kaise karun gilaa dil k zakhmon se huzoor
aansu chhalakte hain meri soorat nikhar jaati hai

tod diye hain maine apne ghar k saare aayine
meri rooh mera hi chehraa dekh k dar jaati hai

ro k halkey ho lete hain zara si teri yaad mein...
zara si na muraadon ki tabiyaat sudhar jaati hai

asar karti yakeenan agar choo jaati unke dil ko lekin
afsos k aah meri fizaaon hi mein bikhar jaati hai

maikade mein jab bhi zikar aata hai tere naam ka
shaam ki pee hui sar-e-shaam hi utar jaati hai

kabhi aa k mere zakhmon se muqaabilaa to kar
ae khushi tu mon chhuppaa k kidhar jaati hai

tujhe inhi kaanton pe chal k jaana hoga
unke ghar ko bas yahi aik rehguzar jaati hai

· 1 Like · Aug 13, 2019 at 02:08
Category: sad
 
Poetry / Sad

Muzammil Shahzad

Wo Silsile Wo Shoq Wo Nisbat

Wo silsile wo shoq wo nisbat nahi rahi,
Ab zindagi mèn hijr ki wèhshat nahi rahi,


Toota hai Jab sè uski masèèhaiè ka tilism,
Dil ko kisi masèèha ki hajat nahi rahi,


Phir yun hua k koi shanasa nahi raha,
Phir yun hua k dard mèn shiddat nahi rahi,


Phir yun hua k ho gaya masroof wo Bohat,
Aur hum ko yad karny ki fursat nahi rahi,


Ab kya kisi ko chahèn k hum ko to in dinon,,
Khud apny aap sè B mohbat nahi rahi...

· 1 Like · Jul 22, 2019 at 10:07
Category: sad
 
Poetry / Sad

Akram Rahi

Jab Bhi Gam Ki Kahaniyan Aain.

Jab bhi gam ki kahaniyan aain.
Unke honton peh siskiya aain..

Bujh na paye diye muhabbat ke.
Youn to kitni hi aandhiyan aain..

Meri tanhai ke gulista mai.
Chand yadon ki titliyan aain..

Yaad usne kya mujhe shayad.
isliye aaj hichkiya aain..

Mere jitne Qareeb aaye wo.
Utni hi dil mai dooriya aain..

Waqt rukhsat hua hai ab Arif
Maut ki chand hichkiyan aain

· 2 Like · Jun 21, 2019 at 23:06
Category: sad
 
Poetry / Sad

Muzammil Shahzad

Jaanch Lete Hain

Aao jaanch leitay hain dard k Tarazu per,,

Kis ka Gham kahan tak hai,Shidtain kahan tak hain,,

Kuch Aziz Logon se puchna to Perta hai,,

Aj kal mohabat ki keemtain kahan tak hain,,

Aik sham ajao khul k Haal-e-Dil keh lain,,

Kon janey sanson ki mohltain kahan tak hain.

· 1 Like · Jun 10, 2019 at 14:06
Category: sad
 
Poetry / Sad

Muzammil Shahzad

Saza

Youn hi tanhai mein ab dil ko saza dete hain,

Naam likhte hain tera likh k mita dete hain,

Jab bhi nakam mohabbat ka koi ziker kare,

Log hanste huway mera naam bata dete hain.

Ab khushi ki koi tarkeeb nah sojhe,

Ab ye aalam hai k gham hi maza dete hain,

Kia zarorat hai keh dete ho khud ko ye zehmat,

Lao hum khud hee nashaimen ko jala dete hain.

Ab tasalli nhi di jati mareez-e-gham ko,

Dekhne wale bhi Marne ki dua dete hain.

· 1 Like · Jun 09, 2019 at 20:06
Category: sad
 
Funny Animals Standing
Posted by iJunoon
Posted on : Feb 19, 2018

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS