Mahu Arish

Agar talash karo to mil hi jaye ga
Magar kon hamari tarha tum ko chahy ga
Tumhein zaroor koi chahtoon say dekhay ga
Magar woh ankhein hamari kahan say laye ga
Tumharay sath yeh mosam gulabon jaisa hai
Tumharay baad yeh mosam bohat rulaye ga.

Yahan Mazdoor Ko Marnay Ki Jaldi Yun Bhi Hai Mohsin....

K Zindagi Ki Kash-ma-Kash Mien Kafan Mehnga Na Ho Jaye...!

hum se bahal rahe hain aap aap bahut ajeeb hain
dard mein dhal rahe hain aap aap bahut ajeeb hain
saya-e-vasl kab se hai aap ka muntazir magar
hijr mein dhal rahe hain aap aap bahut ajeeb hain
apne khilaf faisala khud hi likha hai aap ne
hath bhi mal rahe hain aap aap bahut ajeeb hain
waqt ne aarzoo ke lau der hui bujha bhi di
ab bhi pighal rahe hain aap aap bahut ajeeb hain
zahamat-e-zarbat-e-digar dost ko dijiye nahi
gir ke sambhal rahe hain aap aap bahut ajeeb hain
dayera waar hi to hain ishq ke raste tamam
rah badal rahe hain aap aap bahut ajeeb hain
dasht ke sari raunaqen khair se ghar mein hain to q
ghar se nikal rahe hain aap aap bahut ajeeb hain
apni talash ka safar khatm bhi kijiye kabhi
khwab mein chal rahe hain aap aap bahut ajeeb hain.