Poetry / Sad

Muzammil Shahzad

Udaas Logo Ki Bustiyon Mai

Udaas Logo Ki Bustiyon Mai
Wo Titliyon Ko Talash Karti
Wo Aik Larki . . .

Wo Gol Chehra, Wo Kaali Aankhain
Jo Karti Rehti Hazaar Baatain
Mizaaj Saada,,, Wo Dil Ki Achi
Wo Aik Larki . . .

Saari Batain Wo Dil Ki Maanay
Wohi Karay Wo, Jo Dil Mai Taanay
Koyi Na Janay,, Kya Os Ki Marzi
Wo Aik Larki . . .

Wo Chahato K Saraab Dekhay
Mohabatoon K Wo Khwab Dekhay
Wo Khud Samandar Magar Hai Pyasi
Wo Aik Larki . . .

Wo Dosti K Nisaab Janay
Wo Janti Hai Ehd Nibhanay
Wo Achi Dost Wo Achi Saathi
Wo Aik Larki . . .

Wo Jaam Chahat Ka Peena Chahay
Wo Apne Marzi Se Jeena Chahay
Magar Hai Darti,,, Magar Hai Darti
Wo Aik Larki . . .

Mohabbato Ka Jo Falsafa Hai
Wo Janti Hai,,, Osay Pata Hai
Wo Phir Bi Rehti Dari Dari Si
Wo Aik Larki . . .

Wo Jootay Logo Ko Sacha Samjay
Wo Sari Dunya Ko Acha Samjay
Woh Kitni Saadi,,, Wo Kitni Pagli
Wo Aik Larki

· 1 Like · Aug 31, 2016 at 06:08
Category: sad
 
Poetry / Sad

Muzammil Shahzad

Nazar Me Zulmat Badan Main Thandak

Nazar me ZuLmat badan main thandak
Jamal kitna ajeeb sa tha,
Mian us ki chahat me ghar se nikla tu
Haal kitna ajeeb sa Tha,
Na main ney osay khatoot likhe
na os ney meri panah chahi,
dono ko apni bey khudi pe
malal kitna ajeeb sa tha,
wo apni raton me chand dekhe
main apni raton main os ko sochon,
badalte lamhon me souch ka yeh
visaal kitna ajeeb sa tha,
safar akelay he kaat lo gey
main ne poucha tu ro diya wo,
jawab kitna ajeeb sa tha
sawal kitna ajeeb sa tha......

· 2 Like · Aug 30, 2016 at 14:08
Category: sad
 
Poetry / Sad

Is Qadar Musalsal Thien Shiddatain Judai Ki

is qadar musalsal thien shiddatain judai ki
AJ PEHLI BAAR US SY MIEN NY BEWAFAI KI

werna ab tak yun tha khwahishoon ki barish mien
ya to toot kr roya ya ghazal saraai ki

taj diya tha kal jin ko ham ny teri chahat mien
aaj un se majbooran taza aashnai ki

ho chala tha jab b mujh ko ikhtilaaf apny aap sy
tony kis ghari zalim meri hamnawai ki

tark kr chuky qaasid koye namuradon ko
kon ab khabar lay shehr-e-aashnai ki

tanz-o-tana-o-tuhmat sab huner hain naseh k
aap sy koi poochy ham ny kia buraai ki...

· 1 Like · Aug 30, 2016 at 08:08
Category: sad
 
Poetry / Sad

Muzammil Shahzad

Zindagi Jab Bhi Teri Bazm Mein Laati Hai Humein

Zindagi jab bhi teri bazm mein laati hai humein
ye zameen chaand se behtar nazar aati hai humein

surkh phooloun se mehak uthti hain dil ki raahein
din dhale yoon teri aawaaz bulati hai humein

yaad teri kabhi dastak kabhi sargoshi se
raat ke pichhle pehar roz jagaati hai humein

har mulaaqat ka anjaam judaai kyun hai
ab to har waqt yahi baat sataati hai hamein.

· 1 Like · Aug 30, 2016 at 02:08
Category: sad
 
Poetry / Sad

Muzammil Shahzad

Kyun Zindagi Ki Raah Mein Majboor Ho Gaye

Kyun zindagi ki raah mein majboor ho gaye
itne hue kareeb ki hum door ho gaye

aisa nahin ki humko koi bhi khushi nahin
lekin ye zindagi to koi zindagi nahin

kyun iske faisale hamein manzoor ho gaye
paaya tumhein to humko lagaa tumko kho diya

hum dil pe roye aur ye dil ham pe ro diya
palkon se khwaab kyun gire kyun choor ho gaye.

kyun zindagi ki raah mein majboor ho gaye
itne hue kareeb ki hum door ho gaye...

· 2 Like · Aug 29, 2016 at 18:08
Category: sad
 
Poetry / Sad

Muzammil Shahzad

Aa Kay Lay Jaain Meri Aankh Ka Pani Mujh Say

Aa Kay Lay Jaain Meri Aankh Ka Pani Mujh Say
Kiun Hasad Karti Hay Darya Ki Rawani Mujh Say

Gosht Nakhun Say Alag Kar Kay Dikhaya Main Nay
Us Nay Poochay Thay Judaai K maani Mujh Say

Teri Khushbu KI Lehad Par Main Bara Tanha Tha
Ro Pari Mil K Galay Raat Ki Raani Mujh Say

Khatam Honay Laga Jab Khoon Bhi Ashkon Ki Tarah
Kar Gaay Khawab Meray Naqal Makani Mujh Say

Sirf ik Shakhs K Gham Main Mujhay Barbaad Na kar
Roz Rotay Huay Kehti Hai Jawani Mujh Say...

· 2 Like · Aug 29, 2016 at 12:08
Category: sad
 
Poetry / Sad

Muzammil Shahzad

Raaz Ki Baatein Likhi Aur Khat Khulaa Rehney Diya

raaz ki baatein likhi aur Khat khulaa rehney diya
jaaney kyun rusvaiyoon ka silsila rehney diya

umr bhar merey saath reh kar wo na samjha dil ki baat
do diloon ke daramiyaan ik faasala rehney diya

apni fitarat wo badal paya na iske bawajood
Khatam ki ranjish magar gila rehney diya

main samajhta tha, Khushi degi fareb mujhe
is liye main ne Gamoon se rabata rehney diya…

· 1 Like · Aug 29, 2016 at 05:08
Category: sad
 
Poetry / Sad

Muzammil Shahzad

Sur Jhukaoge To Pathar Devta Ho Jaayega

Sur jhukaoge to pathar devta ho jaayeGa
itna mat chaho use wo bewafa ho jaayeGa

hum bhi dariya hai hame apna hunar maloom hai
jis taraf bhi chal padenge rasta ho jaayeGa

kitni sachaai se mujhse zindagi ne keh diya
tu nahi mera to koi dusra ho jaayeGa

rooth jaana to mohabbat ki alaamat hai magar
kya khabar thi mujh se wo itnaa khafaa ho jaayeGa

· 1 Like · Aug 28, 2016 at 23:08
Category: sad
 
Poetry / Sad

Muzammil Shahzad

Ye To Wohi Qissa Hoa

Shabnam K Aansoo Phool,Per Ye To Wohi Qissa Hoa
Aankhain Meri Bheegi hoi,Chehra Tera Utra Hoa

Ab In Dino Meri Ghazal Khushbu ki ik Tasveer Hai
Her Lafz Gunche Ki Tarah Khil Ker Tera Chehra Hoa

Shayad Use Bhi Le Gaye,Ache Dino k Qaafle
Is Baagh Me Ik Phool Tha,Teri Tarah Hansta Hoa

Her Cheez Hai Bazaar me,is Hath De Us Hath le
Izzat gai,Shohrat Mili,Ruswa Howe,Charcha Hoa

Mandir Gaye,Masjid Gaye,Peeroon Faqeeroon se Mile
Ik Usko Paane K Liye,Kya Kya kiya,Kya kya hoa.......!

Anmol Moti Pyaar k Dunya Churaa k Le Gai
Dil Ki Haveli Ka Koi Darwaza Tha Toota Hoa

Barsaat me Deewar-o-Der ki Saari Tehreerain Miti'in
Dhoya Buhat Mit'ta Nahi Taqdeer ka Likha Hoa.........

· 1 Like · Aug 28, 2016 at 04:08
Category: sad
 
Poetry / Sad

Muzammil Shahzad

Kaash Hum Khul K Zindagi Kartay

Kaash Hum Khul K Zindagi Kartay
Umer Guzri Hai Khud-Kushi Kartay !!

Bijliyaan Is Taraf Nahi Aain
Werna Hum Gher Main Roshni Kartay

Koon Dushman Teri Chahat Ka Tha ?
Or Hum Kis Say Dosti Kartay ?

Bujh Gay Kitnay Chaand Say Chehray
Dil K Sehra Main Chandni Kartay

Ishq Ujrat Talab Na Tha Werna
Hum Teray Der Pay Nokri Kartay

Is Tamana Main Ho Gay Ruswa
Hum Bhe Jee Bher K Aashqi Kartay

Husn Us Ka Na Khul Saka MOHSIN
Thak Gay Loog Shairi Kartay......

· 2 Like · Aug 27, 2016 at 22:08
Category: sad
 
Gandhara Industries Limited
Posted by iJunoon
Posted on : Jun 08, 2018

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS