iJunoon Archives 2017

Mujhey us shakhs ki parwa boht hai
Jo samjho to yehi rishta boht hai

Wohi aik baat jo sub se chupai
Usi ek baat ka charcha boht hai

Meri khuwahish kabhi poori na hogi
Mujhey es baat ka sadma boht hai

Kisi ko bhoolna mumkin nahiN hai
Wagarna hum ney to chaha boht hai

KahaN tak aur mera saath dega
Woh pehley hi yahaN ruswa boht hai

Terey jaisa koi milta nahiN hai
Terey jaisa magar DhoonDa boht hai

Chalo ab mout ka samaan kar leN
K jeena to yahaN mehnga boht hai

Woh merey paas kab Thehra hai aakhir
Jo merey paas sey guzra boht hai...!

SHEIKH on his death bed

where r u my dear wife?

yes i''m here


my sons, my daughters r u all here?

ya papa

tey fer naal de kamre da pankha kyuon chalda paya ae

Kyuun tabiiat kahiin thahartii nahiin
dostii to udaas kartii nahiin

Ham hameshaa ke sair-chashm sahii
tujh ko dekhe to aankh bhartii nahiin

Shab-e-hijraan bhii roz-e-bad kii tarah
kat to jaatii hai par guzartii nahiin

Ye mohabbat hai, sun, zamaane, sun!
itnii aasaaniyon se marti nahiin

Jis tarah tum guzaarte ho Faraaz
zindagii us tarah guzartii nahiin...!

Ajab mausam hai meray her kadam pe phool rakhta hai,
Muhabbat main muhabbat ka farishta saath chalta hai.

Her aansoo main koi tasveer aksar jhilmilati hai
Tumeh aankhen batayen gi diyon main kaun jalta hai.

Main jab so jaaon in aankhon pe hath rakh dena
Yaqin aajaye ga palkon tale bhi dil dharkta hai.

Bahut se kaam ruk jaate hain, main bahar nahin jaata,
Tumahri yaad ka lamha kahan tallay se talta hai.

Muhabbat gam ki baarish hai zamin sarsabz hoti hai,
Bahut se phool khilte hain jahan baadal barasta hai....!

Har gali har deewar par apka naam likha hai.
Har khirki har darwaze per apka naam likhe hai,

Oper talash-e-gumshuda or
Neeche zehni tawazun kharab likha hai

Jo ghair thay wo isi baat per hamaray huway
k hum se doost bohat be khabr hamaray huway

kisay khabar wo mohabbat thi ya raqabat thi
bohat se log tujhe dekh kr hamaray huway

ab ik hajoom e shikesta dilan hai sath apnay
jinhain koi na mila humsafar hamaray huway

kisi ne gham to kis ne mizaj e gham bakhsha
sab apni apni jagah charagar hamaray huway

bujha k taaq ki shamain na dekh taroon ko
isi junoon main to barbaad ghar hamaray huway

wo aitamad kahan se Faraz lain gay
kisi ko choar k wo ab ager hamaray huway...!