iJunoon Archives

Gham-E-Hijr-E-Yaar Kab Tak Rahoon Be-Qaraar Kab Tak?
Mere Dil Bata Yeh Mujh Ko Karoon Us Ko Pyar Kab Tak?

Ye Hujoom-E-Naa-Muraadi Gham-E-Be-Shumaar Kab Tak?
Teri Baat Kaa Bharosa Tera Intizaar Kab Tak?

Shab-E-Hijr Ki Udaasi Kaheen Mujh Ko Le Na Doobe!
Meri Dharkanon Peh Ho Gaa Teraa Ikhtiyaar Kab Tak?

Nah Hi Aaj Kaa Bharosa, Nah Hi Kal Ki Hain Umeedein
Teri Reh-Guzar Takoon Main, Shab-E-Wasl-E-Yaar Kab Tak?

Jahaan Dekhiye Andheraa! Jahaan Sochiye Udaasi!
Raah-E-Zindagee Mein Yaa Rab! Rahe Gaa Ghubaar Kab Tak?

Main Nikal Paraa Thaa Tanhaa, Liye Saare Ranj Dil Par
Magar Phir Khayaal Aayaa Ke Sahoon Ye Baar Kab Tak?

Meri Aankhein Tak Rahin Hain Teri Waapsi Ki Raahein
Tu Hi Ab Bataa De Mujh Ko Karun Intizaar Kab Tak?!

Mujhe Yoon Tou De Gayaa Hai Woh Dilaasa Jaate Jaate
Magar Ab Yeh Sochta Hoon Karoon Etibaar Kab Tak?

Aaiinaa-E-Khuloos-O-Wafaa Chuur Ho Gaye
Jitne Chiraagh-E-Noor The, Benoor Ho Gaye


Maaloom Ye Huaa Keh Wo Raaste Ka Saath Thaa
Manzil Kareeb Aayii To Ham Duur Aa Gaye


Manzoor Kab Thii Hamko Watan Se Ye Dooriyaan
Haalaat Ki Jafaaon Se Majbuur Ho Gaye


Kuch Aa Gayii Ham Ahl-E-Wafaa Mein Bhi Tamkanat
Kuch Wo Bhii Apne Husn Pe Maghroor Ho Gaye


Jalte Chaara Garon Ki Aisii Inaayat Hui Hafeez
Jo Zakhm Bhar Chale The Wo Naasoor Ho Gaye

Iss Tarah Nahi Kartey Raabta To Rakhte Hain
Thorha Milne Julne Ka Silsila To Rakhte Hain

Manzilain Buland Hon Tau Mushkilain To Hoti Hain
Mushkilon Se Larne Ka Hausla To Rakhte Hain

Jo Tumharey Apne Hon Tum Peh Jaan Daite Hon
Unka Haal Kaisa Hai Ye Pata To Rakhte Hain

Dosti K Rishte Ko Bhooltay Nahi Aisey
Rothey Doston Se Bhi Rabta To Rakhte Hain

Chhorh Jane Waley Bhi Kabhi To Laut Aate Hain
Laut K Phir Aane Ka Raasta To Rakhte Hain

Iss Tarah Nahi Kartey Raabta To Rakhte Hain
Thorha Milne Julne Ka Silsila To Rakhte Hain

Manzilain Buland Hon Tau Mushkilain To Hoti Hain
Mushkilon Se Larne Ka Hausla To Rakhte Hain

Jo Tumharey Apne Hon Tum Peh Jaan Daite Hon
Unka Haal Kaisa Hai Ye Pata To Rakhte Hain

Dosti K Rishte Ko Bhooltay Nahi Aisey
Rothey Doston Se Bhi Rabta To Rakhte Hain

Chhorh Jane Waley Bhi Kabhi To Laut Aate Hain
Laut K Phir Aane Ka Raasta To Rakhte Hain