iJunoon Archives

Khuwab Marte Nahin
Khuwab Marte Nahin

Khuwab Dil Hain, Na Ankhen Na Sansen
Keh Jo Reza Reza Huay To Bikhar Jaen Gey
Jism Ki Moat Se Ye Bhi Mar Jaen Gey

Khuwab Marte Nahin
Khuwab Marte Nahin

Khuwab To Roshni Hain, Nawa Hain, Hawa Hain
Jo Kalay Paharon Se Rukte Nahin
Zulm Ke Dozakhon Se Bhi Jhukte Nahin

Roshni Aur Nawa Aur Hawa Ke Alag
Maqtalon Mein Pohanch Kar Bhi Jhukte Nahin

Khuwab To Harf Hain, Khuwab To Noor Hain
Khuwab Suqrat Hain, Khab Mansoor Hain

Khuwab Marte Nahin
Khuwab Marte Nahin

har aik baat na kiyon zeher si hamari lagey
keh hum ko dastay zamana kay zakhm kaari lagey

udaasiyaan hon musalsal، tou dil nahi rota
kabhi kabhi ho tou yeh kefiyat bhi pyari lagey

bazahir aik he shab hai, firaq-e-yaar magar
koi guzarne baithy tou umr saari lagey

ilaj, iss dlِ dard aashna ka kya kijiye?
keh teer ban kay jise harf-e-ghum-gasari lagey

hamare paas bhi betho، bas itna chahtay hain
hamaray saath tabiyat agar tumhari lagey

faraz tairay Junoon ka khayaal hai warna
yeh kya zaroori woh surat sabhi ko pyari lagey

khwahish hay k iss toor se jeewan ko guzaroon
har aks tere husn ka ankhun main utaroon

woh tishna labi hay k samjh kuch nahi ata
dariya ko sada doon k samander ko pukaroon

jeewan bhi tu uljhi hoi dooron ki terha hay
iss soch main gum hon k isey kaise guzaroon?

ab iss k siwa mera koi khwaab nahi hay
her saans ko khushnoodi-e-janaa pe main waaroon

bahter hay k ab moot ko seene se laga loon
iss mann ko tere hijr main ab kitna main maaron

pehle tu faqat hasrat e deedar thi Wasiq
ab yeh bhi talab hay k USEY jeet k haarun