iJunoon Archives 2016

Kisi Ki Yaad Mein Palkein Zara Bhigo Lete Hain
Udaas Raat Ki Tanhai Mein Ro Lete Hain

Dukhon Ka Bojh Akele Nahi SaMbhalta
Kahin Wo Milte To Usse Lipat Kar Ro Lete Hai...

Agar Safar Me HaMara Bhi HuMsafar Hota
Badi Khushi Se Inhi Pathro Par So Lete Hai...

Yeh Kya Ke Roz Wohi Chandni Ka Bistar Ho
Kabhi Dhoop Ki Chadar Bacha Kar So Lete Hai...

Ik Karb Hai Aankhon Mein Ik Dard Hai Jeenay Mein
Kya Ramz Hai Marnay Mein Kya Raaz Hai Jeenay Mein

Ik Jazba, Mastana, Ik Jur’at E Rindana
Is Ishq O Muhabbat Mein Is Zehr Kay Peenay Mein

Toofan Hai Jazbon Ka Sailaab Hai Ashkon Ka
Ik Dard Ajab Sa Hai Sawan Kay Maheenay Mein

Kuch Tootay Hoye Sapney Kuch Roothay Hoye Apnay
Bus Is Kay Siwa Kya Hai Yaadon Kay Dafeenay Mein

Khamosh Bhi Rehna Hai Dukh Dard Bhi Sehna Hai
Aadab Hain Sab Shamil Ulfat Kay Qareenay Mein

Kya Lain Gey Tumhien Paa Kar Sahil Ki Traf Jaa Kar
Toofan Uthaya Hai Hum Nay To Safine Mein

Aey Saad Utha Us Ko Pehray Say Takhiyul Kay
Ik Saanp Hai Lafzon Ka Maaeni Kay Hazeene Mein

Tumne To Keh Diya Ke Mohabbat Nahi Mili,
Mujhko To Ye Bhi Kehne Ki Mohlat Nahi Mili,

Neendon Ke Des Jaate Koi Khwab Dekhte,
Lekin Diya Jalane Se Fursat Nahi Mili,

Tujhko To Khair Shehar Ke Logon ka Khauf Tha,
Aur Mujhko Apne Ghar Se Ijazat Nahi Mili,

Phir Ikhtilaaf-E-Rai Ki Soorat Nikal Padi,
Apni Yahan Kisi Se Bhi Aadat Nahi Mili,

Bezar Yun Hue Ke Tere Ehad Mein Hamein,
Sab Kuch Mila Sakoon Ki Daulat Nahi Mili...

Hangama-E-Gam Se Tang Aakar Izhaar-E-Musarrat Kar Baithe
Mashhur Thi Apni Zindadili Daanista Shararat Kar Baithe

Koshish To Bahot Ki Hamne Magar Paya Na Gam-E-Hasti Ka Mafar
Virani-E-Dil Jab Had Se Badhi Ghabara Ke Mohabbat Kar Baithe

Nazron se Na Karte Pursish-E-Gam Khamosh Hi Rehna Behtar Tha
Deewano ko Tumne Chhed Diya WALLAH Qayaamat Kar Baithe

Har Chiz Nahi Ek Markaz Par Ek Roz Idhar Ek Roz Udhar
Nafrat se Na Dekho Dushman ko Shayad Ye Mohabbat Kar Baithe