Search

Dil munaafiq tha, shab-e-hijr mein soya kese
Aur jab tujh se mila, toot ke roya kese

Shab-e-Tanhai Mien Hijjar K Moti Maala Ban Gaye....

Ab Ru-Ba-Ru Bhi Aa K Tabiya Udaas Hai.....

Zikr-e-shab-e-firaq se wahshat usey bhi thi
Meri tarah kisi se muhabbat use bhi thi
Mujh ko bhi shauq tha naye cheharon ki deed ka
Rasta badal ke chalane ki adat usey bhi thi
Us raat dair tak wo raha mahw-e-guftaguu
Masroof main bhi kam tha faraGhat usey bhi thi
Mujh se bichhar ke shehar mein ghul mil gaya wo shaKhs
Halanke shahar bhar se raqabat usey bhi thi
Woh mujh se barh ke zabt ka adi tha jee gaya
Warna har ek sans qayamat usey bhi thi
Sunata tha wo bhi sab se purani kahaniyan
Taza rafaqaton ki zaroorat usey bhi thi
Tanha huwa safar mein tu mujh pe khula yeh bhaid
Saye se pyar, dhoop se nafrat usey bhi thi
Mohsin mein ousse keh na saka yun bhi haal-e-dil
Dar pesh aik tazaa musibat usey bhi thi.

Kyun shab-e-gham na jalaoon teri yaadon ke chirag,
Unn se roshan meri manzil ke nishaan hote hain

Sooraj pighal k raat ki waadi mai beh gaya
Is haadsay ka nam shab-e-intezar hai

Shab-e-wehshat ki aadat ho gayi hai,
Mujhe tum se mohabbat ho gayi hai,
Kisi ka lamss hai jis ke hunnar se,
Mukammal sab ibaadat ho gayi hai,
Koi din ke liye deewangi bhi,
Mere dil ko ghaneemat ho gayi hai,
Bohat behaal rehte they magar ab,
Humain hijrat ki aadat ho gayi hai,
Gulaab asaar rastey muntazir hai,
Ke mausam ki inaayat ho gayi hai,
Zameen se aasman tak roshni hai,
Meherbaan hum pe fitrat ho gayi hai.

Ek Shab-e-Mehtaab Se Bhaagtay Phirtay Hain
Ham Kiun Apnay Aap Se Bhaagtay Phirtay Hain
Pyaas Ki Shiddat Honton Ki Taqdeer Howi
Aur Ham Qatraa-e-Aab Se Bhaagtay Phirtay Hain
Shaam Dhalay Saari Choupaalain Sajti Hain
Ham Apnay Ehbaab Se Bhaagtay Phirtay Hain
Khushbuu Ki Tehreer Badan Per Likhi Hai
Aur Safaid Gulaab Se Bhaagtay Phirtay Hain
Ik Kitaab Lye Phirtay Hain Haathon Mein
Aur Zar-o-Asbaab Se Bhaagtay Phirtay Hain
Unhain Kisi Taabeer Ki Khwaahish Kia Hogi ?
Loog Jo Arsaa-e-Khwaab Se Bhaagtay Phirtay Hain
Aankhon Mein Be-Taab Samandar Hai Phir Bhi
Jaanay Kis Gardaab Se Bhaagtay Phirtay Hain.

Kal shab tera khayal bari dair tak raha

Dil gham se nidhal bari dair tak raha.

Khauf Ki Shab Mein Hont Seenay Se
Marna Behtar Hai Aisay Jeenay Se
Kuch Tou Qaayim Rahay Anaa Ka Bharam
Dekhna Hai Ose Qareenay Se
Yun Tamasha Tou Osko Hona Tha
Jo Ghiri Aarzoo Ke Zeenay Se
Kuch Hawaaon Ka Aitbaar Nahi
Warna Kia Khauf Os Safeenay Se
Dil Ka Ab Talkhion Se Naata Hai
Lutf Laita Hai Zeher Peenay Se.

#poetry

Mujhe roz'o'shab ki kiatb me
Koi aisa harf na mil saka

Jisy misl'e'gul ka khitab don
Jisy chandni ki c taab don

Jisy dhond ker jisy khoj ker
Rukh'e'asman pe saja bhi don

Mery khoon'e'dil ki nigarshen
Mri rooh tak k fishaar bhi

Yahan ilm'o'fun ki dukan per
Bary sasty damo sy bik gaye

Mujhe tor ker,Muje phorr ker
Mery dosto ne jala dia

Raah'e'zindagi k ghubar me
Meri raakh tak ko ura dia

Mujhe phir bhi koi gila nhi
Jo mila nhi SO MILA NHI....!!!