iJunoon Archives |2015 | July

Aaa bhi jaao k zindagi kam hai,
Tum nahin ho to har khushi kam hai !

Vaada kar kay yeh kaun aaaya nahin,
Shaher mein aaj roshni kam hai !

Jaanay kya ho gaya hai mausam ko,
Dhoop zyada hai chandni kam hai !

Aaina dekh kar khayaal aaaya,
Aaj kal unki dosti kam hai !

Teray dam say hi main mukamal hoon,
Bin teray tera shafique kam hai !

Tera Muskurate hoye aana Hum ko acha laga
Wo Tera Sharam se guzar jana acha laga

Door se Dekhna wo Tera Pass aa ker
Nazrain Jhukana acha laga

Wo jo Barson se Tere Seene mai Qaid hai
Aankhon se batana acha laga

Tera jate waqt Murr ker na dekhna
Phir Qadmon ka Ruk jana acha laga

Tu Falak ki tarha chaya tha Mujh per
Aaj wo Falak ka Toota Taara acha laga

Hogaya Dimaagh Ka Dahi is releasing on 25 Sep 2015
#bollywood #movies #ReleaseDate

Bhulna tumhe na aasan hoga
Jo bhule tumhe woh naadan hoga
Aap to baste hain ruh mein hamari
Aap hame naa bhulein yeh aapka ehsaan hoga

Ab Aansuoon Ko Aankhon Main Sajaana Hoga
Chiraagh Bhuj Geya Khud Ko Jalaana Hoga

Na Samjhna K Tumse Bichar K Khush Hain
Humain Logon Ki Khaatir Muskuraana Hoga

Phir Shaam Dhal Gai Tum Aaye Na Aaj Bhi
Dil Ko Aaj Phir Umeedoon Se Behlaana Hoga

Waada Khilaafi Kar K Muskurate Ho Aap
Dekhna Aik Din Sanam Aapko Pachtaana Hoga

Lahoo Se Apne Kafan Pe Tera Naam Likh Jaounga
Thaam K Haath Main Phool Tumko Aana Hoga

Muddaton Kiya Hai Tera Intizaar Aye Sanam
Umar Kat Chuki Ab To Jaana Hoga

chamaktay chand ko tuta hua taara bana dala
meri awargee ne mujhko awara bana dala

baDa dilkash baDa rangeen hai yeh shahar kahtay hain
yahan par hain hazaron ghar, gharon me.n log rehtay hain

mujhe is shahar ne galiyon ka banjara bana dala
chamaktay chand ko tuta hua taara bana dala

mai.n is duniya ko aksar dekh ke hayraan hota hun
na mujhse ban saka chota sa ghar din raat rota hun

KHUDAYA tu ne kaise yeh jahan sara bana dala
chamaktay chand ko tuta hua taara bana dala

mere malik mera dil kyu.n taDapta hai sulaghta hai
teri marzee teri marzee pe kis ka zor chalta hai

kisi ko gul kisi ko tu nay angaraa bana dala
chamaktay chand ko tuta hua taara bana dala

yehi aaghaaz tha mera yehi anjaam hona tha
mujhe barbaad hona tha mujhe naakaam hona tha

mujhe taqdeer ne taqdeer ka mara bana dala
chamaktay chand ko tuta hua taara bana dala…