Search

yeh kaun doob gaya aur ubhar gaya mujh main
yeh kaun saaye ki soorat guzar gaya mujh main

yeh kis kay sog me shorida haal phirta hoon
woh kon shakhs tha aisa keh mar gaya mujh main

ajab hawa e baharaan nay chara saazi ki
woh zakhm jis ko na bharna tha bhar gaya mujh main

woh aadmi keh jo pathar tha jee raha hai abhi
jo aaina tha woh bikhar gayaa mujh main

misaal kya ke woh jab bhi kareeb say guzara
to youn laga ke koi raqs kar gaya mujh main

woh sath tha to ajab dhuup chanoo rehti thi
bas ab to ek hi mausam thehar gaya mujh main

Chaman ka haal to yeh hay ke khaak urrti hay

kidhar say ho kay bahaaroN kay kaarwaaN guzray

dayaar-e-yaar ka saara safar anokha tha

qadam, qadam pay naya day kay imtehaaN guzrey

saba bhi aai to phooloN kay muNh jhulsa kay gai

yahaaN say abr bhi barsaa kay bijliyaaN guzray

kabhi to waar raqeeboN kay day gaey thay mazaa

kabhi to pyar azeezoN kay bhi giraaN guzray

ay dil sambhal ke kisi ko hisaab daina hay

ke zindagaani kay lamhey kahaN, kahaN guzray

Merii Nigaahon kay Ainay meiN haiN Naqsh ab tak wisaaL Lamhay
Yehi Mata-e-Hayaat haiN aur yehi haiN HaasiL kamaaL Lamhay

yeh Zindagi kay Niralay Mosam humain to ab tak samajh na aaey
jo yaad gaar-e-Hayaat thehray thay ab tak wohi wabaaL Lamhay

Tumhara kya hay keh tum tou Rastay badaL k bilkul sakoon say ho
Humain tou masmaar kar gaey haiN Judaai kay yeh NidhaaL Lamhay

Humain bhala kab khabaR thi JanaN humain bhaLa kab pata tha Jana
Jo maat kar day gii apnaa JeewaN, chalain gay aise bhi chaaL Lamhay

Humain to apna aap bhii ab shafaf dikhta nahi hay Logo
Humari AankhoN meiN bhar gaey haiN yeh kesi Gard-e-malaaL Lamhay

Yeh pichlay ishq ki baatein hein
jab aankh mein khwaab damaktay thay
jab dil mein daagh chamaktay thay
jab palkein sheher ke raston main
ashkon ka noor lutati thein
jab saansein ujlay chehron k
tan-man mein phool sajati thein
sochon mein bhanwar parr jaatay thay
jab aik talatum rehta tha

apnay beant khayalon mein
har ehad nibhanay ki qasmain
khat khoon se likhnay ki rasmain
jab aam thein hum dil walon mein
ab apni ujri aankhon mein
jitni roshan si raatein hein
us umer ki sab soughatain hein
jis umer ke khwaab khayaal huye
woh pichli umer thi beet gai
woh umer beetay saal huye

ab apni deed ke rastay mein
kuch rang hai guzray lamhon ka
kuch ashk ki baratain hein
kuch bhoolay bisray chehray hein
kuch yaadon ki barsaatein hein
yeh sab pichlay ishq ki baatein hein

Yeh jo waqt he meray shehar par kayi mosmooN sy ruka hoa
issay izn day k safar karay
issay hukm day k chal parray, meray aasmaaN say door ho
koyi chand chehra kushaa karay, koyi aaftaab zahoor ho
k nawa-e-chashm-e-kheyaal mein woh jo khwaab thay, woh dhuaaN hoye
woh jo aag thi woh naheen rahi, jo yaqeen thay woh gumaaN hoye
koyi dhund hai jissay dekhtay meri aankh baraf si ho gayi
woh ibarat-e-sir-e-loh-e-dil, kissi rabt say naheen aashna
k jo roshni thi kitaab mein wohi harf harf si ho gayi
koyi gardbaad uthay kaheen, kissi zalzalay ki namood ho
meri aankh mein yeh jo raat hai, meri umr si, issay taal day
meray dasht-e-raig-e-malaal ko kissi khushkhabri ka ghazal day
yeh falk pe jitnay nujoom hain teray hukm kay hain yeh muntazir
woh jo subh-e-nau ka naqeeb ho meri simt us ko uchhaal day

TUMHEN YEH YAAD TO HO GA

MEIN COFFEE PEE NHI SAKTI

BOHAT WO WAQT SAADA THA

K JAB MEIN TUM SAY KEHTI THEE

AGAR MIL PAYEN GAY NA HUM

TO PHIR MEIN JEE NHI SAKTI

TUMHEN YEH YAAD TO HO GA

MEIN COFFEE PEE NHI SAKTI.....

Yeh Pehlay Hijar Ka Qissa Hai

Go Aaj k Din Ki Baat Nhi

Kuch Umar Bhi Thi Deewanon c

Kuch Chaal Bhi Thi Mastanoon c

Hathon Mein Phool Sajatay Thay

Sajh Dhaj Kar college Jatay Thay

Kab Itnay Seedhay Sadhay Thay

Uss Waqt Tu Hum Shehzaday Thay

Phir Ik Chehra Bha Sa gia

Nazdeek Wo Dil k Aa Sa gia

Phir wo Tha Aur Baatain Us ki

Din Sab Uss k Ratain Uss ki

Phir Aisa Bichra Mila Nhi

es Dil ka Phool Phir Khila Nhi

Phir Uss k Badd Jo Log Milay

es Dil ko Jitnay Rog Milay

Har Sans Ussi k Naam Rahi

Har Sham Ussi ki Sham Rahi

Ye Pehlay HIJAR ka Qissa Hay

Jo Aaj Bhi Hum Pe Taari Hai

Ye HIjr abhi tk jaari hay..

Suno Yeh Waqt-E-Rukhsat Hai,Sakoot-E-Safar Tari Hai
Khatam Umron Ka Zar,Baqi Lamhon Ki Raizgari Hai

Suno Aankhain To Gumsum Hain,Dilon Main Aah O Zaari Hai
Suno Ye Zabt Ka Mousam Nahin,Bay Ikhtiari Hai

Suno Ye Aas Ki Dori Utha Lo Hath Say Meray
Mere Hathon Main Kache Dhagon Ki Be Aitbari Hai

Suno Main Khuwab Ab Bhi Dekhti Hoon Dil K Kehne Se
Meri Aankhon Main Ab Bhi Zakhm,Dil Me Be Qarari Hai

Suno Ye Raz Bhi Sun Lo Ke Dil Ka Khel Jitna Tha
Ye Bazi Tum Ne Jiti Hai,Hamesha Hum Ney Hari Hai

Suno Tum Sath Rehte Thay Meri Har Ek Sans Main
Tumhare Naam Karti Hoan Jahan Jitni Guzari Hai

Suno Aankhon Se Parh Lena Wo Sari An Kahi Batain
Koi Pochay To Keh Dena,Bohat Hi Razdari Hai

Suno Palkon Pe Jitne Khuwab The Unko Utha Lena
Meri Aankhon Pe In Ka Bojh Meri Taqat Sey Bhari Hai

Suno Hum Lotne Wale Nahi ,Sab Keh Lo Sun Lo Aaj
Bohat Hi Door Jana He,Barri Lambi Udaari Hai

Suno Ye Waqt-E-Rukhsat Hai,Suno Ye Hurf-E-Aakhir Hai
Suno Ye Dard Hijar Ka Har Eik Hijrat Se Kaari Hai

Zindagi Ka Safar Hai Yeh Kaisa Safar
Koi Samjha Nahi Koi Jaana Nahi

Hai Yeh Kaisi Dagar Chalte Hai Sab Magar
Koi Samjha Nahi Koi Jaana Nahi

Zindagi Jo Bahut Pyaar Humne Diya
Maut Se Bhi Mohabbat Nibhaye ge Hum

Roote Roote Zamane Mein Aaye Magar
Hanste Hanste Zamane Se Jaain ge Hum

Jaain ge Par Kidhar Hai Kise Yeh Khabar
Koi Samjhe Nahi Koi Jaana Nahi

Aise Jeevan Bhi Hai Jo Jiye Hee Nahi
Jinko Jeene Se Pehle Hee Maut Aagayi

Phool Aise Bhi Hai Jo Khile Hee Nahi
Jinko Khilne Se Pehle Fiza Kha gai

Hai Pareshan Nazar Thak Gaye CharAgar
Koi Samjha Nahi Koi Jaana Nahi!