Search

Main yeh kis key naam likhoon Jo alam guzar rahay hain
Meray shehar jal rahay hain, Meray log mar rahay hain

Koi ghuncha ho kay gul ho, Koi shaakh ho shajar ho
Woh hawa-e-gulistan hain kay sabhi bikhar rahay hain

Kabhi rehmatain thein nazil is hi khitta-e-zameen par
Wohi khitta-e-zameen hai kay aazaab uttar rahay hain

Wohi taroun ke jhurmat jo hawa main jhooltay thay
Woh fiza ko tak rahay hain tu aah bhar rahay hain

Koi aur to nahin hai pas-e-khanjar aazmai
Ham hi qatal ho rahay hain Ham hi qatal ker rahay hain

Yeh Kesa Alwidai Geet Gaaya December Ne
Jatey Jatey Nargissi Mausam Ko Rulaya
Khain Pe Lalazar Banya
Gulab Motia Chambeli Se
Tulip Ki Larioon Se Goond Ke
Pyar Ke Rangoon Se Sainch Ke
Parioon Si Khawishoon Ke Jhoormat
Main
Hamare Laboon Pe
Duaaon Ke Alwidai Kalmaat
Tum Hamesha Raho Mere Saat
Marmareen Hatehlioon Pe Naii
Umeedoon Ke Roshan Chiragh
Sadioon Se Chand Ki Devi
Kaat Rahi Hai Charkha
Narm Narm Galoon Se
Prem Ki Dhank Se Dhunak Rahi Hai
Har Ane Wali Subha Ko
Rub Ne Dia Hai Sub Ko Ye Hi Pegham
Ajj Jati December Ki Sham
Insaanyat Ke Naam
Mohabbat Azaadi Shanti Amaan Hai
Sub Ki Jaan
Nafratoon Ko Kar Do Tammam
Choti Si Hasti Hai Ye
Pyar Se Basti Hai
Hamesha Se Hai
Hamesha Rahingain
Main Or Nelaa Asmman

yeh BAARISH khoobsoorat hai
ek arsay baad
meri rooh main
sairaab honay ki tamanna jaag uthi hai
magar baadal kay rustay main
bohat say pair aatay hain
main pal bhar kay liye shadaab hoon
aur apni baki umar
phir sehra main kaatoon?
main apni pyaas par raazi rahoon gi
meray aansoo meray dil ki kafalat kay liye kaafi rahain gay.

koi poochey to main kia kahoon
ussey kia bataoon

yeh roz-o-shabb to janam janam pay muheet hain
merey zakhm zakhm dil-o-nazar

mujhey iss janam main nahi miley
merey rattjagey merey hamsafar

merey saath aaj nahi chaley
yeh muheeb wehshat-e-fiqr jo

merey naqsh naqsh ki rooh hai
koi bey sabaat bayaan nahi

yeh to aatmaon ka aks hai
yeh to devtaaon ka dhiyyan hai

yeh to janey kaisi sadi sadi ki azyaton ka giyyan hai
yeh ajeeb mairi mohabbatain yeh ajeeb mairey gham-o-allam

yeh naseeb sang-o-siyaah par
yeh warq warq pai garey qalam

yeh karra hisaar naya nahi
maira intazaar qadeem hai

maira uss sey piyaar qadeem hai
yeh ajeeb mairi mohabbatain

Yeh Doorian Aaann….
Yeh Doorian Aaann….

Yeh Doorian
In Raahoo Ki Doorian Nigahon Ki Doorian
Humrahoo Ki Doorian Fanna Ho Sabhi Doorian


Kyun Koi Paas Hai, Door Hai
Kyun Koi Jaane Na , Koi Yahan Pe
Aa Raha Paas Ya Door Mein
Ja Raha Janoo Na Mein Hun Kahan Pe

Yeh Doorian
In Raahoo Ki Doorian Nigahon Ki Doorian
Humrahoo Ki Doorian Fanna Ho Sabhi Doorian

Yeh Doorian Yeh Doorian
Yeh Doorian Aa….

Kabhi Huwa Yeh Bhi, Khali Raahoo Pe Bhi
Tu Tha Mere Saath ,
Kabhi Tujhe Milke, Lauta Mere Dil
Yeh Khali Khali Haath
Yeh Bhi Huwa Kabhi, Jaise Huwa Abhi
Tujko Sabhi nay Paa Liya

heraan Mujhe
Kar Jatee Hain Doorian Satati Hain Doorian
Tarsati Hain Doorian Fanna Hon Sabhi Doorian

Kaha Bhi Na Mein Ne, Nahin Jeena Mein Ne
Tu Jo Na Mila
Tujhe Bhule Se Bhi, Bola Na Mein Yeh Bhi
Chahu Fasala
Bas Fasala Rahe Banke Kasak Jo Kahe
Ho Aur Chahat Yeh Jawan

Teri Meri
Mit Jani Hain Doorian Begani Hain Doorian
Hat Jani Hain Doorian Fanna Hon Sabhi Doorian

Kyun Koi Paas Hai, Door Hai
Kyun Koi Jaane Na , Koi Yahan Pe
Aa Raha Paas Ya Door Mein
Ja Raha Janoo Na Mein Hu Kahan Pe

Yeh Doorian
In Raho Ki Doorian Nigahon Ki Doorian
Humrahoo Ki Doorian Fanna Ho Sabhi Doorian