Search

Mene samandar se seekha hai jeeney ka saleeqa,
Chup chaap se behna, apni mauj mein rehnaa..

Samandar kya karenge qatra-e-shabnam chura laen
Agar mumkin ho zakhm-e-hijr ka marham chura laen
Baharon k chaley janey khizan aney ka dar na ho
Koi aisa muhabbat ka naya mosam chura laen
Khabar ho neend ki paryon na hi khwabon ki devi ko
Tumhen palkon ki doli mein bitha kar hum chura laen
Hamen jazbat k sehra ko bhi sairab karna hai
Kisi tootey huey insan ki chashm-e-nam chura laen
Tumhara sath hai to aik bus apna jeewan kyun
Jahan walon ki sari umr aao hum chura laen
Sada ki muskurahat un k honton pe sajaney ko
Chalo Shahi zara chupkey se un k ghum chura laen

na dekho youn samandar ko khudara tiktiki bandhay
tars khao samandar par, samandar doob jayega

Sooch Kay Wasee Samandar Main

Ihsas Ki Kishti Main Baith Kar

Mujhay Us Paar Jana Hai

Jaha Meri Janat Hai

Lekin

Tughyani Say Darr Lagta Hai

Us Tughyani Say Jis Main

Meri Kishti Kahin Gum ho Jati Hai

Aur Shayed Main Bhi.

Tere Baare Mein Jab Socha Nahin Tha
Main Tanhaa Tha Magar Itna Nahin Tha

Teri Tasveer Se Karta Tha Baaten
Mere Kamre Mein Aaina Nahin Tha

Samandar Ne Mujhe Pyaasa Hi Rakha
Main Jab Sehra Mein Tha Pyasa Nahin Tha

Manaane-Roothne K Khel Mein Ham
Bichhar Jaaynge Ye Socha Nahin Tha

Suna Hai Band Kar Li Us Ne Ankhen
Kayi Raaton Se Vo Soya Nahin Tha

QATRA QATRA KAR K SAMANDAR BANTA HAY
DUR REHNY SAY PIYAR BADHTA HAY