Archives

Please Login to Send Message.

Muzammil Shahzad

From : Pakistan
Followers : 0   Total Updates : 3194
Member Since : Aug 24, 2012
Poetry / Love

Muzammil Shahzad

Ik Baat Kahoon

Ik Baat Kahoon gar sunte ho
Tum mujh ko ache lagtay ho
Kuch chanchal say,kuch chup chup say
Kuch pagal pagal lagtay ho
Hamain chahnay walay aur buhat
Par tum main hai ik baat buhat
Tum apnay apnay lagtay ho
Ik baat kahoon gar suntay ho
Tum mujh ko achay lagtay ho
Yeh baat baat pah kho jana
Kuch kehtay kehtay ruk jana
Yeh kis Uljhan main rehtay ho
IK BAAT KAHOON GAR SUNTAY HO
"TUM MUJH KO ACHAY LAGTAY HO"

· 1 Like · Apr 10, 2019 at 12:04
Category: love
 
Poetry / Sad

Muzammil Shahzad

Kya Aah Bhare Koi

Kya aah bharay koi
Jab aah nahin jati
Dil main bhi zara gehri
Aur arsh se kuch oonchi

Kya nazm likhay koi
Jab khawab ki qeemat mein
Aadarsh ki soorat mein
Kashkol gadaei ka
Shaair ko diya jaye
Aur rook liya jaye
Jab shaer utarnay say
Baadal say zara oopar
Taaron say zara neechay

Kya khaak likhay koi
Jab khaak ke medaan par
Ungli ko hilanay se
Toofan nahin uthta
Jab shaakh peh imkan ki
Is dasht_e_tamanna mein
Ik phool nahin khilta

Jab dil kay bulaway par
Iss jheel kanaray par
Peghaam nahin aata
Ik dour ka bashinda
Ik khwab ka shehzada
Gulfaam nahin aata

Basti mein koi aurat
Raaton ko nahin soti
Jaagi huwi aurat ki
Soi hui qismat par
Jab koi bhi deewana
Bey chain nahin hota
Dehleez ke pathar se
Takra ke jabeen apni
Ik shakhas nahin rota

Jab neend ke shedaei
Khawabon ko tarastay hain
Aur dekhnay ke aadi
Binaei se dartay hain
Reh Reh ke andheray sayy
Aankhon mein utartay hain

In phool se bachoon say
Keh do keh na ab nangay
Paaon se chalein ghar mein
Is farsh peh mitti ke
Ab ghaas nahin ugti
Ab Saanp nikaltay hain
Deewar se aur darr se

Ab noor ki boondon se
Mehki hui mitti mein
Anmol ujalay ke
Woh phool nahin khiltay
Ab jheel kanaray par
Bichhray bhi nahin miltay
Rahbar nahin ruktay
Mohoam si manzil par
Aankhon kay isharay say
Ab noor ki boondon ki
Bochhar nahin hoti

Basti mein koi aurat
Raton ko nahin soti
Aur jagnay walon say
Ab nazm nahin hoti

Kya nazm likhay koi
Jab jagnay, sonay mein
Paa lenay mein, khonay mein
Jab baat ke honay mein
Aur baat na honay mein
Kuch farq na reh jaey
Kya baat karay koi !

· 1 Like · Apr 10, 2019 at 06:04
Category: sad
 
Advertisement
Poetry / Love

Muzammil Shahzad

Koi Baat Karo Janaa

Chup Chaap Buhat Ho Tum,
Koi Baat Karo Janaa

Mehroom-E-Wafa Hun Main
Tere Dur Par Khara Hun Main

Khairaat Karo Janaa
Koi Baat Karo Janaa

Door Ho Tanhai
Mere Khuwaab Mein Aajao

Itna Tu Karo Janaa

Yeh Hijr Ki Kaali Raat,
Hamain De Na Jaaye Maat

Isey Sehr Karo Janaa
Koi Baat Karo Janaa

Ulfat Ki Wadi Mein,
Dukh Sukh Ka Saathi Hun

Mere Saath Chalo Janaa
Koi Baat Karo Janaa!

Main Kaisa Deewana Hun,
Teri Tasveer Se Kehta Hun

Chup Chaap Buhat Ho Tum
Koi Baat Karo Janaa

· 1 Like · Apr 10, 2019 at 00:04
Category: love
 
Social Wall / Photos

Muzammil Shahzad

Jumma Ka Din Ghusl

· 1 Like · Apr 09, 2019 at 19:04
Category: photos
 
Poetry / Sad

Muzammil Shahzad

Aur Bus

Ik Shakhs Mujh Ko Jeet K Haara Hai Aur Bass
Itna Hee Zindagi Ka Khassara Tha Aur Bass ...!

Dar Tha Tujhey Khoney Ka, Issi Kouf Sey Ik Raat
Main Ney Sisak Key Tujhko Pukara Tha Aur Bass

Kaisay Kahoon K Uss Ka Irrada Badal Gaya
Sach Tu Yehi Hai Uss Ne Pukara Tha Aur Bass..

Duniya Ko Iss Main Dard Kee Shiddat Kahan Millay
Aankhoon Se Tootta Hua Taara Tha Aur Bass

Ab Inn Main Koi Khawaab Sajanay Nahin Mujhay
Aankhoon Ko Intezaar Tumhara Tha Aur Bass

Poocha K Main Ne Khawaab Main Daikhi Hain Barishain
Uss Ne Kaha K Aik Ishara Tha Aur Bass

Lafzoon Main Dard-e-Hijr Ko Mehsoos Ker K Daikh
Kehnay Ko Main Ne Waqt Guzara Tha Aur Bass

Palkon Peh Uske Aik Sitara Tha Aur Bas
Zaad-E-Safar Yahi To Hamara Tha Aur Bas

Banjar Samaaton Ki Zamin Kaisay Khil Uthi
Tum Ne To Mera Naam Pukara Tha Aur Bas

Ik Umr Meri Zaat Peh Saya fagan Raha
Kuch Waqt Hum Ne Saath Guzara Tha Aur Bas

· 2 Like · Apr 09, 2019 at 18:04
Category: sad
 
Poetry / Sad

Muzammil Shahzad

Ek Shakhs Tere Hijjir Mein

Jo Dard K Sehra Mein Akela Bhi Buhat Hai
Us K Liye Deewar Ka Saaya Bhi Buhat Hai

Daikha Nahi Tanhai Mein Tum Ne Kabhi Usko
Bichre Hue Logon Ko Woh Roya Bhi Buhat Hai

Kuch Tujh Ko Muhabbat Par Yakeen Tha Na Wafa Par
Kuch Dukh Meri Taqdir Mein Likha Bhi Buhat Hai

Beenai Andheron Se Bhala Kaise Bachata
Ek Shakhs Tere Hijr Mein Jaaga Bhi Buhat Hai

Wo Aur Hain Jo Chho Ka Tujhe Daikhna Chahen
Mujh Ko Tu Mere Khuwab Ki Dunya Bhi Buhat Hai

Kirdaar Se Mehroom Tha Yeh Shehr So Us Ne
Hum Ko Dur-O-Deewar Peh Likha Bhi Buhat Hai

· 1 Like · Apr 09, 2019 at 11:04
Category: sad
 
Poetry / Sad

Muzammil Shahzad

Bari Dair Tak

Mujhe Aarzo-E-Sehr Rahi Yunhi Raat Bhar Bari Dair Tak
Na Bikhar Saka Na Simat Saka Yunhi Raat Bhar Bari Dair Tak

Hain Buhat Azaab Aur Akele Hum, Shab-E-Ghum Bhi Meri Taveel Tar
Rahi Zindagi Bhi Saraab Aur Rahi Aankh Tar Bari Dair Tak

Yahan Har Taraf Hai Ajab Saman, Sabhi Khud Pasand Sabhi Khud Numa
Dil-E-Beqarar Ko Na Mila Koi Chara Gar Bari Dair Tak

Mujhe Zindagi Hai Azeez Tar Isi Wastay Mere Humsafar
Mujhe Qatra Qatra Pila Zeher Jo Kare Asar Bari Dair Tak

· 1 Like · Apr 09, 2019 at 04:04
Category: sad
 
Social Wall / Photos

Muzammil Shahzad

Dosron Par Rehm

· 0 Like · Apr 09, 2019 at 00:04
Category: photos
 
Poetry / Poetry Sms

Muzammil Shahzad

Zeher Pee Ke

Hauslay zindagi k dekhte hain
Chalo kuch roz jee k dekhte hain
Baarisho se tou Pyaas bujhti nahi,
Aao ab zeher pee k dekhte hain

· 2 Like · Apr 08, 2019 at 10:04
Category: poetry-sms
 

Muzammil Shahzad

Gender :
Country : Pakistan

Followers : 0  
Total Updates : 3194
Member Since : Aug 24, 2012

More Details

Educaiton : Bachelors
Religion : Islam
Caste : kashmiri butt
Language : Urdu
Coming Soon!


This user has not uploaded any photo.
Coming Soon!
Web Jazba
Posted by iJunoon
Posted on : Feb 12, 2018

Random Post

Muzammil Shahzad Photos

New Pages at Social Wall

New Profiles at Social Wall

Connect with us


Facebook

Twitter

Google +

RSS