Muzammil Shahzad

Ye Jo Dasht-E-Dard Hai Ishq Ka, Mujhy Is Se Koi Gila Nahi
Ye To Zindagi Ka asool Hai, Kabhi Apna Koi Hua Nahi,

Ye Jo Silsila Hai Ek Dard Ka, Ye Tohfa Yun Hi Mila Nahi
Tu Jisy Jan Kr Bhi Anjan Hai, Wo Raz Mai Ne Kaha Nahi,

Mujhy Apni Khabr To Hai Mgr, Teri Soch Ka Kuch Pata Nahi
Yè Jo Aansu Hai Meri Ankh Mein, Besbab Hi To Ye Baha Nahi,

Ye Sadaa Si Jo Hai Goonjti, Wo Lafz Tu Ne Kaha Nahi
Mera Jurm Hai Meri Sadgi, Meri Aur Koi Khataa Nahi,

Jb Yar Ne Rakht-E-Safr Baandha, Kab Zabt Ka Yara Us Din Tha
Har Dard Nè Dil Ko Sehlaya, Kia Haal Humara Us Din Tha.

Jab Khwab Hueen Us Ki Ankhen, Jab Dhund Hua Us Ka Chehra
Har Ashak Sitara Us Shab Tha, Har Zakhm Angara Us Din Tha.

Sab Yaron K Hoty Soty, Hum Kis Se Galy Mil K Roty
Kab Galiyan Apni Galiyan Theen, Kb Shehr Humara Us Din Tha.

Jab Tujh Se Zara Ghaafil Thehry, Har Yad Ne Dil Pr Dastak Di
Jb Lab Pe Tmhara Naam Na Tha, Har Dukh Ne Pukara Us Din Tha.

Ik Tum Hi FARAZ Na The Tanha, Ab K To Bulaawa Jab Aaya
Ik Bheerr Lagi Thi Maqtal Mein, Har Dard Ka Mara Us Din Tha...