Poetry / Occassional Events

Muzammil Shahzad

Chandni December Ki

Raat Uss Nay Poocha Tha
Tum Ko Kaisi Lagti Hai
Chandni December Ki !
Main Nay Kehna Chaha Tha
Saal-O-Maah K Baray Main
Guftagu K Kiya Maani ?
Chahay Koi Manzer Ho
Dasht Ho , Samander Ho
June Ho , December Ho
Dharkano Ka Her Naghma
Manzaron Pay Bhaari Hai
Saath Jab Tumhara Ho
Dil Ko Ek Sahara Ho
Aisa Lagta Hai Jaisay
Ek Nasha Sa Taari Hai
Lakin Uss Ki Qurbat Main
Kuch Nahi Kaha Main Nay
Takti Reh Gayee Mujh Ko
Chandni December Ki !

· 1 Like · Nov 01, 2015 at 22:11
Category: occassional-events
 
Poetry / Occassional Events

Muzammil Shahzad

December Jab Bhi Aata Hai

December Loat Aaya Hai
Aur Sung Apney Dard-O-Gham Samait Laya Hai
Jab Hawa Mein Khunki Barh Jati Hai
Jane Kyun?
Merey Dil Ki Halat Abter Ho Jati Hai
Bay Baat Barasti Hein Aankhain
Aur Dil Mein Khalish Aa Jati Hai
Jab Dard Ki Teesain Uthti Hein
Merey Dil Ko Laho Ker Jati Hein
Jane Kyun?
Tub Bichray Yaad Aane Lagtey Hein
Aur Dard Sataney Lagtey Hein
Jane Kyun Aisa Hota Hai?
Jab Bhi December Aata Hai
Mujh Ko Tanha Ker Jata Hai

· 1 Like · Nov 01, 2015 at 15:11
Category: occassional-events
 
Poetry / Occassional Events

Muzammil Shahzad

Suno! December

Naee Hikayat Muhabbaton Ki
Shikayatoon Ki
Bhujhe Bhujhe Se Haroof Le Kar
Kohar Mein Doobi Seyyahion Ki
Warq Warq Per Utaarna Hai
Udaas Shamoo Ke Phool Chun Kar

Suno December
Ussay Pukaaro
Ussay Bulaaoo
Suno December ... Ussay Mila Do
Ab Is Se Pehlay Ke Saans Niklay
Ab Is Se Pehlay Ke Saal Guzray
Wohi Lakeerain Wohi Sitaara
Meri Lakeeroon Mein Qaid Kar Do
Ya Aakhri Shab Ke Aakhri Pal
Koi Bara Ikhtitaam Kar Do
Yeh Zindagi Bhi Tamaam Kar Do
Suno December ... Ussay Mila Do...

· 1 Like · Nov 01, 2015 at 08:11
Category: occassional-events
 
Poetry / Occassional Events

Muzammil Shahzad

Sakoot E Sham E Khizan

sakuut-e-shaam-e-Khizaan hai qariib aa jaao
bara udaas samaa hai qariib aa jaao

na tum ko Khud pe bharosaa na ham ko zam-e-vafaa
na aitabaar-e-jahaan hai qariib aa jaao

raah-e-talab mein kisii ko dhyaan nahiin
hujuum-e-ham_safraa hai qariib aa jaao

jo dasht-e-ishq mein bichharay vo umr bhar na mile
yahaan yahaan dhuaan hii dhuaan hai qariib aa jaao

ye aandhiyaan hain to shahar-e-vafaa kii Khair nahiin
zamaanaa Khaak fashaan hai qariib aa jaao

faaqih-e-shahar kii majalis nahiin ke duur raho
ye bazm-e-piir-e-magan hai qariib aa jaao

'Faraz' duur ke suuraj Garuub samajhey gaye
ye daur-e-kam_nazaaraa hai qarib aa jaao

· 1 Like · Oct 31, 2015 at 08:10
Category: occassional-events
 
Poetry / Occassional Events

Muzammil Shahzad

Raat Hui

Raat hui kia jal thul barish
Dho gai sara kajal barish

Mein hoon dharti banjar payasi
Tum ho eik mukammal barish

Aao in aankhoon mein utro
Dekho meray sanwal barish

Sab per tumhara nam likha hay
Khushbu chand hawa jul barish

Do deewanay naach rahay thay
Eik mein aur eik pagal barish

· 1 Like · Oct 26, 2015 at 14:10
Category: occassional-events
 
Poetry / Occassional Events

Muzammil Shahzad

Yeh Baarish

yeh BAARISH khoobsoorat hai
ek arsay baad
meri rooh main
sairaab honay ki tamanna jaag uthi hai
magar baadal kay rustay main
bohat say pair aatay hain
main pal bhar kay liye shadaab hoon
aur apni baki umar
phir sehra main kaatoon?
main apni pyaas par raazi rahoon gi
meray aansoo meray dil ki kafalat kay liye kaafi rahain gay.

· 2 Like · Oct 25, 2015 at 11:10
Category: occassional-events
 
Poetry / Occassional Events

Muzammil Shahzad

Baarish

BaRish!

To Na AAya Ker

Kay Tere Aanay Say

Aur Janay Kay BaaD Bhi

Koi

Buhat Dair Tak UdaSs RahTaa Hay!!!!

· 2 Like · Oct 25, 2015 at 00:10
Category: occassional-events
 
Poetry / Occassional Events

Muzammil Shahzad

Es Ajeeb Mausam Main

Aaj sarmaa kee pahlee barish hay
Har soo andhera chaya hay
Mairee amawas zindgee kee tarah
Rastey sunsaan aur soonay hain
Mairey khali ghar kee tarah
Badil bhee khul kay barsaa hay
Mairee bheegee aankhon kee tarah
Hawaa kitnee yakh basta hay
Honton pay aaney walee
Sard aahon kee tarah
Dil main rah janey walee
Kuch duaaon kee tarah
Es ajeeb mosam main
Ajab hay dil kaa haal mairey
Yaad tumharee aatee hay
Jaisey sarmaa kee pahlee barish
Saath main sardee laatee hay
Kuch waisey hee tere yaad kay juloo main
Ek gahraa sanataa aayaa hay
Ab dil kay barf zaron main
Har aahat madoom howee hay
Har umeed mohoom howee hay
Ab tairee yaad kee shidat main
Ab tairey hijar kee hidat main
Hum chup chaap phighaltey hain !!!

· 1 Like · Oct 24, 2015 at 16:10
Category: occassional-events
 
Poetry / Occassional Events

Muzammil Shahzad

Aaj Buhat Din Baad

aaj bohat din baad suni hai BARISH ki awaz
aaj bohat din baad kissi manzar nay rusta roka hai
rim jhim ka malboos pahan kar yaad kissi ki aayi hai
aaj bohat din baaad achanak aankh younhi bhar aayi hai
Ankh aur manzir ki wusat mein charon janib barish hai
Aur barish mein, duur kahin ik ghar hai jis ki
Ek ek eent pe terey merey khwab likhey hain
Aur us ghar ko janey wali kuch galiyan hain
Jin mein hum dono ke saye tanha tanha bheeg rahey hain
Darwazey per qufl para hai aur dareechey sooney hain
Deewaron per jami hui kai mein chhup kar
Mausam humko dekh rahe hain
Kitney badil, hum dono ki ankh se ojhal
Baras baras kar guzar chukey hain...

Ek kami si,
Ek nami si,
Chaaron janib phail rahi hai,
Kai zamaney ek hi pal mein
Baham mil kar bheeg rahey hain
Andar yaaden sookh rahi hain
Bahir manzir bheeg rahey hain!!!

· 1 Like · Oct 24, 2015 at 04:10
Category: occassional-events
 
Bed in a Hammock
Posted by Abdul Rahman
Posted on : Mar 17, 2019

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS