Poetry / Occassional Events

Muzammil Shahzad

December Ki Udass Rut

December Ki Udass Rut
Lout Ayi Hay Nami Ankhon Mein Liye
Aur Keh Rahi Hay Mujhe
K Tere Wastey Ab Ki Baar Bhi
Mere Daman Mein Sirf Tanhayi Hay!!!

· 1 Like · Nov 17, 2015 at 13:11
Category: occassional-events
 
Poetry / Occassional Events

Muzammil Shahzad

December Ki Sard Hawaoo

December Ki Sard Hawaoo
Us Se Milo To Kehna
K Aaj Bhe
Us Ki Yaad
Kisi K Dil Main
Mustaqil
Khaima Zan Hay
Koi Aaj Bhe Usay
Uthtay,Bethtay,Sotay ,Jagtay,
Hanstay,Rotay
Yaad Karta Hay


December Ki Sard Hawaoo
Us Se Milo To Kehna

K Aaj Bhe
Kisi Ki Palkain
Sir E Sham He
Us K Intizar Main
Beech Jati Hain,
Aaj Bhe Koi
Us Kay Liye
Udas Rehta Hay

December Ki Sard Hawaoon
Us Se Milo Tou Kehna
K Aaj Bhe
Kisi K Din Rat
Us Kay Bin
Sogawar Guzertay Hain,
Aaj Bhe
Kisi Ki Aankhain
Us Kay Liye
Num Rehti Hain

December Ki Sard Hawaoo
December Ki Sard Hawaoo

· 1 Like · Nov 17, 2015 at 07:11
Category: occassional-events
 
Poetry / Occassional Events

Muzammil Shahzad

Aaj Tumhari Saalgirah Hai

Jalti shamen, Roshan chehrey
Nazuk larian, Kamni sehrey
Nargis, Baila, Motia, lalah
Johi, Champa aur Banafsha
Dekho har koi shaad hai na
Aaj tumhari salgirah hai
Dekho hum ko yaad hai na

· 2 Like · Nov 16, 2015 at 11:11
Category: occassional-events
 
Poetry / Occassional Events

Muzammil Shahzad

Aakhri Chund Din December K

Aakhree Chand Din December K
Har Baras Hi Giraa Guzartay Hain
Khwahishoon Kay Nigaarkhanay Mein
Kaisay Kaisay Gumaan Guzartay Hain
Raftagaan Kay Bikhartay Saalon Ki
Aik Mehfil Si Dil May Sajti Hai
Phone Ki Diary K Safhoon Say
Kitnay Number Pukartay Hain Mujhe
Jin Say Murboot Benawa Ghantee
Ab Faqut Meray Dil May Bajti Hai
Kis Qadar Pyaray Pyaray Naamoon Per
Raingtee Budnuma Lakeerain C
Meri Aankhoon Main Phail Jaatee Hain
Doorian Daairay Banati Hain
Hur December Kay Aakhree Din Mein
Hur Baras Ki Tarha Say Ab Kay Bhi
Diary Ik Sawal Kerti Hay
Kiya Khaber Is Baras K Aakhir Main
Meray In Bechirag Safhoon Say
Kitnay Hi Naam Kut Gaiy Ho Gain
Hur December Mein Sochta Hoon Main
Aik Din Is Tarha Bhi Hona Hai
Rang Ko Roshni Mein Khona Hai

· 1 Like · Nov 16, 2015 at 05:11
Category: occassional-events
 
Poetry / Occassional Events

Muzammil Shahzad

Daikh December

Dekh December !
Ab Mat Ana
Dekh December !
Mere Andar Kitnay Sehra Phail Chukay Hain
Tanhai Ki Rait Ne Mere
Saaray Dariya Baant Diye Hain
Ab Main Hoon
Aur Mere Banjhar Pan Ki Bojhal Ta Hai
Dekh December !
Teri Baraf Shabon Main
Teri Bekhuwab Shabon Main
Khuwab Sweater Kon Bunay Ga
Rooh K Andar Girti Barfain Kon Chunay Ga
Dekh December !
Apnay Dukh Ki Baraf Pehen Kar
Dhoop Diyaron Tak Mat Jana
Mere Piyaron Tak Mat Jana
Dekh December
Ab Mat Ana
Ab Mat Ana ...!

· 1 Like · Nov 15, 2015 at 23:11
Category: occassional-events
 
Poetry / Occassional Events

Muzammil Shahzad

Tujhe Khoja Karta Hun

Tuj Say Judai Ka Dukh
Tere Hijr Ka Karb
Dekh! Phir Say Aa Gai Hain
December Ki Sard Ratain
Azab Ratein
Tere Karb Main Dobi
Khwab-Nak Ratain
Teri Wo Pur Noor Ratain

Tujhe Kia Khaber
December Ki Sard Ratoon Main
Tere Sung Beeti Sardion Ki
Khoshgawar Khobsurat Shaamoo Ko Yaad Kerta Hoon
Is Mohoom Si Tamana K Sahare
Teri Talash My
Sarkoon Per Awara Phirta Hoon

Aate Jate Chehroon Main Tujhe Khoja Kerta Hoon
Shayad K Wo Tum Ho

Aur Thak Haar Ker Jo Laut.Ta Hoon
To Khud Per Khob Hasta Hoon
Phir !
Phoot Phoot Ker Roota Hoon

· 1 Like · Nov 15, 2015 at 17:11
Category: occassional-events
 
Poetry / Occassional Events

Muzammil Shahzad

December Nahi Ruka

Lambay Safar Ki Oat Mein Pal Bhar Nahin Ruka
Mein Waqt K Fareeb Mein Aa Kar Nahin Ruka

Phir Aa Gaya Aik Naya Sal Dosto...
Is Bar Bi Kisi Say December Nahin Ruka

Lay Kar Kisi Nain Haath Mein Kashkol-E-Waqt
Aisa Safar Kia K Kahin Per Nahin Ruka

Manzar Kay Aks Mein Koi Chehra Chatakh Gaya
Sheshay Kay Paas Aa Kay Jo Pathar Nahin Ruka

Chalta Raha Adoo Ki Safhein Rondta Howa
Lakhon Ka Khoun-E-Jigar Kar K Bhi Lashkar Nahin Ruka

Bas Yeh Howa K Akhri Lamha Bi Aa Gaya
Dil Ka Tawaf Koocha-E-Dilbar Nahin Ruka

· 1 Like · Nov 15, 2015 at 11:11
Category: occassional-events
 
Poetry / Occassional Events

Muzammil Shahzad

Suna Hai Nayaa Saal Phir Aaraha Hai

Khushian Bhi Hongi , Baharain Bhi Hongi
Mager Hum Tou Guzray December Ki Sochoon Mein Gum Hain
K Jab Tu Meray Pass Thi
Hath Tiara Meray Hath Mein Tha
Aur Khushian Char Soo Hamaray Sath Theen
Mager Ab Akelay Tumhain Sochtay Hain
Yahi Khoof Daman Say Lepta Howa Hai
K Aisa Na Ho Es Baras Bhi December
Tumharay Bina He Kaheen Beet Jae
December To Her Saal Ata Rahay Ga
Mager Tum Na Hogay Tu Kuch Bhi Na Hoga
Suna Hai Nayaa Saal Phir Aaraha Hai

· 2 Like · Nov 15, 2015 at 05:11
Category: occassional-events
 
Poetry / Occassional Events

Muzammil Shahzad

Aaney Wale Naye Saal Ka Dukh

Neya Saal Aya...!!
Veeran Subhon Ki Neeli Tehon Se Obhrta..
Kheyyaban-O-Dasht-O-Jabal Ki Thatharti Khamoshi Mein
Barfeeli Seeti Bajata..
Dabey Paaon Aya..
Yukh Aalooda Shamon Ki Khamoshian..
Oss Ke Qadmon Ki Aahat Sametey...
Guzr-Gahon Per, Saybanon Mein, Noha Kinan Hain..
Der Ati Hy Sham Ko, Darichon Ki Dararon Se...
Pur-Shor Jhonkon Ki Be-Mohar Thandak..
Brodat Zada Panion Per, Prindey..
Kinaron Per Aistaadah Pairon Ki Gham-Nak...
Shakhon Ki Janib Orey Ja Rahey Hen...
Makeen Aanganon Mein, Chatton Per..
Dharktey Dilon Me Hazaron Kheyyalon Ki Shmaien Jalaye..
Dabey Paaon Atey Hoye Saal Ko Dekhtey Hain...!!

· 1 Like · Nov 14, 2015 at 23:11
Category: occassional-events
 
Berozgari ka Ehsas
Posted by Obaidullah Khan
Posted on : Aug 25, 2018

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS