iJunoon Archives 2017

Tumne aakar meri kabar pe,
Zara sa muskura Diya...
Bijli kadak ke gir padi,
Sara kafan jala Diya...

Dard kuch dair he rehta hy bht dair nahi
Jis tarhaa shakh sy toray hoe ek patty ka rang
Maand parr jata hy kuch roz alg shaakh sy reh kr
Shaakh sy toot kr ye dard jiye ga kb tk?
Khatm ho jaye gi jb es ki rasad
Timtemay ga zra dair ko bujhty bujhty
Or phir lambi si ek saans dhunway ki ly kr
Khatm ho jaye ga ye dard bhi bujh jaye ga
Dard kuch dair he rehta hy bht dair nahi...!!

Lal diwar par, Chone se likha tha Ghalib ne,

Lal diwar par, Chone se likha tha Ghalib ne,

Yahan likhna manna hai...

Mera tamam fann, meri kawish, mera riyaaz
Ek natamam geet k misry hyn jin k beech
Maani ka rabt hy na kisi qafiye ka mail
Anjaam jis ka tay na hoa ho ek aesa khayal
Meri mtaa bs yehi jadu hy ishq ka
Seekha hy jis ko maine barri mushkiloon k sath
Lekin ye seher e ishq ka tohfa ajeeb hy
Khulta nahi hy kuch k haqiqat me kya hy ye
Taqdeer ki ataa hy ya koi sazaa hy ye
Kis sy kahen ay jaan k ye qissa ajeeb hy
Kehny ko yun to ishq ka jadu hy mery paas
Pr mery dil k wasty itna hy es ka bojh
Seeny sy ek pahar sa hatta nahi hy ye
Lekin asar k baab me halka hy es qadr
Tujh py agr chlaon to chalta nahi hy ye...!

Agar tum kaho tou tumhare liye

aasman se chaand taare tod laaun,

Agar tum kaho tou tumhare liye

aasman se chaand taare tod laaun,

Lekin tum unka karogi kya??? ....
(Kya logical sher hai!!)

jis tarah shabnam
raat k ghup andheray main
anjaani raahon par chal kar
kissi phool ki saij pe sajti hai
bilkul ussi tarah
main bhi deis, deis ka pardesi
teray naam ki surkhi ban-na chaahon
yeh jantay hoe bhi
k subah hotay hi
yeh shaffaaf mootiyun ka shehar
baad e naseem main gum ho jayega
aur suraj ki pehli kiran se
mom ka shehar pighal jayega,...!

EK MUNAFIQ SE PYAAR KAR BAITHE.
SARHAD-E-AQAL PAAR KAR BAITHE.
APNE ASLAF EK MUNAFIQ PAR
KIS QADAR AITBAAR KAR BAITHE.
UNCHE MAHALON KO DEKHKAR MUFLIS
KHUD KO KYON ASHQBAAR KAR BAITHE.
ROSHNI KE NAQEEB SE KEH DO
ZULMATON SE NAA HAAR KAR BAITHE.
DAAMAN-E-SABR CHHUT GAYA HUMSE
KHUD KO BEIKHTIYAAR KAR BAITHE.
GHAIR KO PURBAHAAR DEKH KE HUM
AARZOO-E-BAHAAR KAR BAITHE....!