iJunoon Archives 2016

hans ke bola karo bulaya karo
ap ka ghar hai aya jaya karo

muskurahaT hai husn kaa zevar
rup baDhata hai muskuraya karo

had se badh kar hasin lagte ho
jhuThi qasmen zarur khaya karo

hukm karna bhi ek saKhaavat hai
ham ko Khidmat koi bataya karo

baat karna bhi badshahat hai
bat karna na bhool jaya karo

duniya ki dilkashi na ghatay
nit naye pairahan men aya karo

kitne saada mizaaj ho tum 'Adam'
us gali main bohut na jaya karo

hans ke bola karo bulaya karo
ap ka ghar hai aya jaya karo

muskurahaT hai husn kaa zevar
rup baDhata hai muskuraya karo

had se badh kar hasin lagte ho
jhuThi qasmen zarur khaya karo

hukm karna bhi ek saKhaavat hai
ham ko Khidmat koi bataya karo

baat karna bhi badshahat hai
bat karna na bhool jaya karo

duniya ki dilkashi na ghatay
nit naye pairahan men aya karo

kitne saada mizaaj ho tum 'Adam'
us gali main bohut na jaya karo

aap agar ham ko mil gaye hote
bagh men phol khil gaye hote

aap ne yuN hi ghuur kar dekhaa
honTh to yuN bhii siil gaye hote

kaash ham aap is tarah milte
jaise do vaqt mil gaye hote

ham ko ahal-e-Khirad mile hi nahin
varna kuchh munafe mil gaye hote

us kii aaNkhen hi kaj nazar thin "Adam"
dil ke parde to hil gaye hote

apne Khowabon men tujhe jis ne bhi dekha hoga
aNkh khultay hi tujhe DhuNDhane nikla hoga

zindagi sirf tere naam se mansub rahe
jane kitne hi dimaGhon ne ye socha hoga

dost ham us ko hi paiGam-e-karam samjhen ge
terii furqat kaa jo jaltaa hua lamha hoga

daman-e-ziist men ab kuch bhi nahi hai baqi
maut aai to yaqinan usay dhoka hoga

raushani jis se utar aai lahuu men mere
ay masiha vo mera zaKhm-e-tamana hogaa