iJunoon Archives

na wo sin hay fursat-e-ishq ka , na wo din hay kshf e jamal kay
magar ab bhi dill ko jawaaN rakhein wohi shobday khad o khal kay

yeh jo gard baad-e-hayat hay , koi iss ki zad say bacha nahi
magar aaj tak teri yaad ko men rakhon sanbhaal sanbhaal kay

mein ameen o qadr shanas thaa , mujhay sans sans ka pass tha
yeh jabeeN pay hein jo likhay hoey , yeh hisaab hein mah o sal kay

wo kabhi shafaq ka fasooN kahein , kabhi gull kahin kabhi khooN kahein
kay hein meri subh-e-urooj mein abhi rang sham-e-zawaal kay

meri hasratooN ko hara rakhay , meri kash-e-jaaN ko bhara rkhay
yeh yaqeeN , kuch pay khulein gay darr kisi roz bash-e-shumaal kay

shab-e-tar say na dara mujhay , ay khuda jamal dikha mujhay
kay teray saboot hein beshtar , teri shaan jah o jalal kay

koi kohkan ho k qais ho , Meer ho kay Nadeem ho
sabhi naam ek he shakhs kay , sabhi phool ek he daal kay

Hama Waqt Ranj o Malaal Kia , Jo Guzar Gaya So Guzar Gia
Usay Yaad Kar Kay Na Dil Dukha , Jo Guzar Gia So Guzar Gia

Na Gila Kia Na Khafa Howay, Yon Hi Raastey Main Juda Howay
Na Tu Be Wafa Na Main Be Wafa, Jo Guzar Gia So Guzar Gia

Woh Ghazal Ki Ak Kitaab Tha, Woh Gulon Main Ak Gulaab Tha
Zara Dair Ka Koii Khwaab Tha, Jo Guzar Gia So Guzar Gia

Mujhay Pth Jharon Ki Kahaniyan, Na Suna Suna Kar Udaas Kar
Tu Khizan Ka Phool Hay Muskura Jo Guzar Gia So Guzar Gia

Woh Udaas Dhoop Samait Kar, Kahin Wadiyon Main Utar Chuka
Usay Ub Na Dey Meray Dil Sada, Jo Guzar Gia So Guzar Gia

Yeh Safar Bhi Kitna Taweel Hay, Yahan Waqt Kitna Qaleel Hay
Kaha Lout Kar Koii Aaye Ga, Jo Guzar Gia So Guzar Gia

Wo Wafaein Theen Keh Jafaien Theen, Yeh Na Soch Kis Ki Khataien Theen
Wo Tera Hay Us Ko Galay Laga, Jo Guzar Gia So Guzar Gia

Tujhey Aitbar o Yaqeen Nahi, Nahin Dunya Itni Buri Nahi
Na Malaal Kar Meray Saath Aa, Jo Guzar Gia So Guzar Gia

un bewaqoofon ko azad karana mushkil hai jo apni zanjeeron ki izzat karte hain

Ek basti thi dil walon ki,

Jahan "Chand" or "Suraj" baste thay

Sara din wo angan men hansa khela karte thay

Ek dosre per dil-o-jan se marte thay

Phir ek din yun hua wo dono apis mein ruth gaye

Jo sapne thay wo toot gaye

Ab chand wahan tab ata hay, jb suraj chala jata he,

Jab suraj ata hy tb chand so jata he,

Badaal ye kehte hen,ye suraj uljha uljha rehta he,

Chand k paas to taare hen ye suraj tanha rehta hai

Ek basti thi dil walon ki

un bewaqoofon ko azad karana mushkil hai jo apni zanjeeron ki izzat karte hain

Mein
Aksar Raat ko
Tanha Akeley Main
Tum hi Ko Yaad Karta ho
Tumhari Jheel Si Sharmati Ankhon Ko
Jo Mujh Ko Dekh Kar
Ek PaL
Haya Ke Lal Pardoon Main
Simat Si Jati Theen
Tumhare Haath Ke Thande Paseene
Jo Tanha Dekh Kar Mujh Ko
Bari Chahat Se Aatey Thay
Mein
Joon Hi Haath Main Apne,, Tumhara Haath Leta Tha
Mere Haathon Ki Garmi Se
Paseeney Bhaap Ban Ke
Iss Fiza Mein Kho Se Jate Thay
Unhi Ko Yaad Karta hon
Woh Jab Thak Kar
Tumhari Gaud Mein Sar Rakh Ke Soota Tha
Tum Apni Zulf Ki Thandi Hawaoon Ke
Hazaron Qaafley Le Kar Mere Chehre Pe Jhukti Theen
Baday Hi Pyar Se
Jab Mujh Ko Takti Theen
Aur Kehti Theen
Apni Aankhon Ko Band Rakhna
Mujhay Bus Dekhne Dena
Aur
Dheere Se
Mere Maathay Ko
Apne Hoonton Se Choo Kar
Tum
Apne Pyarey Haathon Se
Chupaney Ke LiYe Khud Ko
Meri Aankhon Ko Dekhti Theen
Woh Lamhey Yaad Karta Hon
Mein Ab Tanha hon
Boht Masroof Rehta hon
Subha Se Shaam Tak!!
Is Dhoop Main Khud Ko Rakhta hon
Thakan Se Choor Ho key
Laut Ke Jab Ghar Ko Ata hon
Udaasi Ke Ghanay Badal
Mere Dil Pe Baraste Hain
Unhi BaadLon Se Bachney Ko
Laga Ke Shola Hoonton Se
Mein Chhatt Pe Bhaag Jata hn
Tehelta hon
Bohut Bechain Hota hon
Tumhi Ko Yaad Karta hon
Ke
Tum Hotii To Yeh Hota
ke
Tum Hotii To Woh Hota