Poetry / Love

Rafiq

Phool Khilte Rahein Zindgi Ki Raah Mein

Phool khilte rahein zindgi ki raah mein
hansi chamakti rahe aapki nigaah mein
kadam kadam par miley khushi ki bhaar aapko
dil deta hai yehi dua baar baar aapko

· 1 Like · 1 Days Ago
Category: love
 
Poetry / Love

Rafiq

Tanha

Aik Rah Per Sari Umer Chaley
Ek Dojey Ko Na Samjh Sakey
Jeevan Ka Safer Anjaan Safer
Bay Khahish Bay Araam Safer

Jevan K Kissi Bhi Dukh Sukh Main
Woh Meray Saath Shareek Nahin
Hum Dono Main Ek Rishta Hai
Per Jazboon Ki Tehreek Nahin

Jari Hai, Mager Anjaan Safer
Main Sochta Hoon Aik Din Yunhi
Woh Mujh Sey Juda Ho Jayegi
Ya Pehlay Main Mar Jaon Ga
Ya Shaid Woh Mar Jayegi

Phir Loug Kahin Gay Inka
Yeh Rishta Kitna Sacha Tha
Per Kiss Ko Khaber, Sara Jeevan
Woh Tanha Thi...
Main Tanha Tha...

· 1 Like · 1 Days Ago
Category: love
 
Poetry / Love

Rafiq

Aisa Lagta Hai Zindagi Tum Ho Ajnabee

Aisa lagta hai zindagi tum ho Ajnabee

kaise ajnabee tum ho?

Main zameen par ghana andhera hoon

Aasmaanon ki chaandini tum ho

Ab koi aarzoo nahin baakee ...!!

Justaju meree aakhree tum ho...

Doston-se wafa ki ummeeden!

Kis zamaane ke aadmee tum ho?

· 1 Like · 2 Days Ago
Category: love
 
Poetry / Love

Rafiq

Aaj Dil Ko Kuj Kehan Nu Jee Karda

Aaj dil noo kuj kehan nu jee karda
tere dil wich rehan nu jee karda

khushiya day k tenu
tere dard sehan nu jee karda

rab jaane tera mera ki rishta ae
bas tenu apna kehan nu jee karda

Aaj dil ko kuj kehan nu jee karda
tere dil wich rehan nu jee karda

· 1 Like · 2 Days Ago
Category: love
 
Poetry / Love

Rafiq

Najane Kyoun Vo Mera Imtehan Leti Hai

najane kyoun vo mera imtehan leti hai
chahta hoon uss ko buhat ye baat bhi vo janti hai

her dam us ka khayal rehta hai meray pass
najane kon si baat apnay dil main vo chupaati hai

meri her sans se hain wabasta uss ki yaadein
per apni yaadon main vo najane kis ko dhoondti hai

ye duniya main uss ke liye chord joun
shayd ye baat vo azmana chahti hai.

· 2 Like · 2 Days Ago
Category: love
 
Poetry / Love

Abdul Rehman Rehman

Dil Ki Baat Zaban Tak Lana Kitna Mushkil Hai

Dil Ki Baat Zaban Tak Lana Kitna Mushkil Hai
Haal e Dil Auroon Ko Sunana Kitna Mushkil Hai


Aik Humain Hai Teri Chahat,Aik Dunya Ki Majbori
Beech Samandar Diya Jalana Kitna Mushkil Hai


Tum Dunya Ki Shedai Ho,Main Sapnoon Ka Bashinda
Sath Humain Yuhn Tera Nibhana Kitna Mushkil Hai


Aik Naye Dunya Ki Chahat Lay Ai Hai Kitni Dour
Wapis Laut K Ghar Ko Jana Kitna Mushkil Hai


Wehshat K Saaz Pah Raksaan Matam K Kuch Alfaaz
In Hontoon Pay Geet Sajana Kitna Mushkil Hai


Apnay Hontoon Say Ana K Taalay Hum Say Na Khol Payen Gain
Dour Hotay Sathi Ko Bholna kitna Mushkil Hai


Ab Tu Har Aik Hi Hum Ko Dard Ka Mara Lagta Hai
Apnay Zakham Logon Ko Dekhana Kitna Mushkil Hai


Roz Mujh Say Aik Nai Tamana Karta Hai Yeh Mera Dil
Is Nadaan Bachay Ko Samjhana Kitna Mushkil Hai


Hum Ankhoon Say Kehnay Walay Tum Hontoon Ko Sunanay Walay
Apni Chahat Yuhn Tumhain Batana Kitna Mushkil Hai

· 3 Like · 3 Days Ago
Category: love
 
Poetry / Love

Abdul Rehman Rehman

Chahe Jaane Ki Kisey Hasrat Nahi Hoti

Chahe jaane ki kisey hasrat nahi hoti

Magar her kisi ki aisi Qismat nahi hoti

Koi ek hota hai jo sama jaata hai Dil main

Her kisi se to yun hi Mohabbat nahi hoti

Pyaar khareedna hai to khareedo Pyaar se

Yeh jazba hai anmol is ki qeemat nahi hoti

Tum bhool gaye ho to yeh aur baat hai warna

Bhool jaana her kisi ki aadat nahi hoti

Un ko dekhne se jo milta tha Dil ko saroor

Ab kisi ko bhi dekhne se woh raahat nahi hoti

· 3 Like · 3 Days Ago
Category: love
 
Poetry / Love

Abdul Rehman Rehman

Faqiraana Aaye Sadaa Kar Chale

Faqiraana aaye sadaa kar chale
miyaan khush raho ham duaa kar chale
jo tujh bin na jiine ko kahte the ham
so is ahd ko ab wafaa kar chale
koii naa-ummiidaana karte nigaah
so tum ham se muunh bhii chhipaa kar chale
bahot aarzuu thii galii kii terii
so yaan se lahu mein nahaa kar chale
dikhaaii diye yuun ki bekhud kiyaa
hamein aap se bhii judaa kar chale
jabiin sajdaa karte hii karte gaii
haq-e-bandagii ham adaa kar chale
parastish kii yaan taiin ki ayei but tujhe
nazar mein sabon kii khudaa kar chale
gaii umr dar band-e-fikr-e-ghazal
so is fan ko aisas badaa kar chale
kahein kyaa jo puuchhe koii ham se "Meer"
jahaan mein tum aaye the, kyaa kar chale

· 1 Like · 3 Days Ago
Category: love
 
Poetry / Love

Abdul Rehman Rehman

Kaha Tha Na

Kaha tha na
is tarha Sotey main mat chor k jana
Mujhe Beshak jaga dena
bata dena...
Mohabbat k safar mai sath chal nahi Saktey
Judai k Safar mai sath chal nahi saktey
Tumhein Raasta badalna hai
Meri Hadd se nikalna hai
Tumhein kis baat ka Dar hai...?
Tumhein Jaane hi nahi deta...
Kahin peh Qaid kar leta???
Aray Pagli Mohabbat mai Zabardasti nahi hoti
Jisey Raasta badalna ho usey Rasta badalney se
Jisey Hadd se nikalna ho usey had se nikalney se
Na koi Rok paya hai
Na koi Rok paye ga
Tumhein kis baat ka Dar tha...?
Mujhe Beshak jaga dete
Mai Tum ko Dekh hi leta
Tumhein koi Duaa deta
Kam az kam yun to na hota Mere saathi!!
Haqeeqat hai....
Tumhare baad khone k liye kuch bhi nahi baqi
Magar khoney se Darta hoon
Mai ab soney se darta hoon.......!!!!!!

· 1 Like · 4 Days Ago
Category: love
 
Poetry / Love

Abdul Rehman Rehman

Mere Dil Mein Basi Hararat Ho Tum

Mere dil mein basi hararat ho tum,
Meri aankhon ko mili shararat ho tum,

Dekhun tumhein to paalun mein duniya,
Na milo to milne ki baghavat ho tum,

Tumhari khamoshi keh jaati hai kai baatein,
Jise yaad karta hai dil kai raatein,

Tumhare nanhe nanhe se haath aur badi badi baatein,
Yaad reh jaati hein tumse hui sab mulakatein,

Ummeed ho hamari aanewala kal ho tum,
Hamare dilon mein basi mohabbat ho tum

· 1 Like · 4 Days Ago
Category: love
 
Transparent mobile phone.
Posted by Naila Ahmed
Posted on : Jul 23, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS