Poetry / Love

Tou Kareeb Aaa

Main khayal hoon kisi aur ka
Mujhe sochta koy aur hay
Sar_e_ainah mera aks hay
Pas_e_ainah koy aur hay
Main kisi k dast_e_talb main houn
To kisi k harf_e_dua main hoon
Main naseeb hoon kisi aur ka
Mujhe mangeta koy aur hay
Ajab ahtbar bay ahtbari k
Darmian hay zindagi
Main kareeb hoon kisi aur k
Mujhe janta koy aur hay
Wohi munsibon ki rawaitain
Wohi faslon ki ibartain
Mera jurm to koy aur tha
Par meri saza koy aur hay
Teri roshni mere khud_o_khayal se
Mukhtalif to naheen magar
Tu kareeb aa tujhe dekh loon
Tu wohi hay ya koy aur hay
Jo meri riaazt_e_ nemshab ko
Saleem subha na mil saki
To phir iss k maani to yeh huwe k
Yahan KHUDA koy aur hay!!!

· 1 Like · 9 Hours Ago
Category: love
 
Poetry / Love

Muzammil Shahzad

Mussavir

Ae Mussavir mery Mehboob ki tasveer bna,
Tuj sy ban jay to bigrri hui Taqdeer bna,
Zulf aisi ho k Barsaat b Paani mangy,
Surkh Honton sy hr ek Phool Jwani mangy,
Nargisi Aankho main kaajal k wohi teer bna,
Ae mussavir mery Mehboob ke tasver bna.

Main Tujy husn k andaz sikhaon kesy,
Apni Aankhain Tery chehry peh lgao kesy,
Tera dur chor k jaon to main jaon kesy,
Jis main uljha rahon din raat wo zanjeer bna,
Ae mussavir mery Mehboob ki tasveer bna.

· 1 Like · 1 Days Ago
Category: love
 
Poetry / Love

Muzammil Shahzad

Apni Mohabbat

Tere Shehar Se Paaya Bhi Tu Kiya Paya Main Ne,

Bhanwar Main Doob Gaya Sahara Nahi Paaya Main Ne,

Ro Ro k Apni Aankhain Andhi Kar Li Main Ne,

Tere Janay Ka Ye Soog Manaaya Main Ne,

Bohat Roya Mere Aanay Par Wo Peepal Ka Drakht,

Naam Jis Peh Tera Likh k Mitaaya Main Ne,

Saari Umar Tere Pyar ko DUA Di Main Ne,

Ye Ehad Tha Tere Saath Jo Nibhaya Main Ne

Apni Muhabbat Peh Naaz Kyun Nah Karon

Ke Aaj Tak Us Ka Pyar Nah Bhulaaya Main Ne...

· 2 Like · 2 Days Ago
Category: love
 
Poetry / Love

Muzammil Shahzad

Tumhara Naam Likh Dun Ga

Samandar ki hawaOn par tumhara naam likh dunga
MaiN saahil per, maiN lehrOn par, tumhara naam likh dunga

Mehak utthay ga aangan phir mera, aangan kay phoolOn se
Main jab aangan K phoolOn par tumhara naam likh dunga

Aisa hoga na mere haath main jab paar kernay ko
MaiN darya k kinaarOn par tumhara naam likh dunga

Khala main jaaOnga main aik shab Or apnay haathOn se
Falak k sab sitaarOn par tumhara naam likh dunga

Khushi se ro parengi dekh lena bailay ki kalyaan
Main jab bailay ki kalyOn par tumhara naam likh dunga

Tumhara naam haatOn main jo qudrat ne nahi likha
To main khud apnay haathOn par tumhara naam likh dunga

Dhanak ubhre gi jab hanza ek gehray se baadal par
Dhanak k saaray rangOn par tumhara naam likh dunga

· 2 Like · Apr 25, 2019 at 05:04
Category: love
 
Poetry / Love

Muzammil Shahzad

Ajeeb Shakhs Tha

Ajeeb shakhs tha aisey wo pyar mangta tha.
Jahaan naa dard ho aisaa diyaar mangta tha.

jo maangta tha wo dena meri bisaat naa thii.
woh meri rooh ka mujh se qaraar mangta tha.

oosey gharaz thi guloon se na bulbuloo se zara.
wo fasl-e-ranj main Fasl-e-bahar mangta tha.

oosey talab thi kooyi toott kar osey chaahey.
woh haath joor kar ulffat hazaar mangta tha.

mere khuloos peh shayad tha shakk oosey Shahzad.
wafaa ki raah main woh Aitibbaar mangta tha.

· 2 Like · Apr 17, 2019 at 22:04
Category: love
 
Poetry / Love

Muzammil Shahzad

Mohabbat Hai

Duaon Me Kisi Ka Har Ghari Hona MOHABBAT HY

Kisi ki Yaad Ki Chadar Tale Sona MOHABBAT HY

Kabi Rangen Raton Me Ashk Barsana MOHABBAT HY

Kabi Bhulae Hoe Ka Loat Kar Aana MOHABBAT HY

Kisi Ka Khoon Ban K Jism Me Behna MOHABBAT HY

Or Iss Jevan Ka Sab Se Qeemti Gehna ...

MOHABBAT HY

· 1 Like · Apr 16, 2019 at 13:04
Category: love
 
Poetry / Love

Muzammil Shahzad

Mohabbat Ourh Lete Hain

Chalo Khuwabon Mein Milte Hain,

K Neendain Baant Laite Hain,

Zamane Ki Nazar Se Dour Ja Kar Ghoom Aate Hian,

Nayi Dunya Basate Hain,

JAHAN

Na Koi Rokne Wala Na Koi Tokne Wala Ho,

Na Koi Khoof Dunya Ka,

Na Koi Dar Zamane Ka,

JAHAN

Barish Muhabbat Ki Hamain Madhosh Kar Jaye

Tumhare Samne Main Hun,

Hamare Samne Tum Ho,

Chalo Iss Zindagani Mein,

Amar Kar Lain Kahani Ko,

To Phir Khuwabon Mein Milte Hain

Muhabbat Ourh Lete Hain.

· 1 Like · Apr 16, 2019 at 01:04
Category: love
 
Poetry / Love

Muzammil Shahzad

Ae Umer E Ravaan

Ae umer-e-ravaan
Aa paas mere
Ik raaz ki baat batani hai
Ik khowab sunana hai tujh ko
Ik dard ki tees si dil main hai
Ik rang dikhana hai tujh ko
Ae umer-e-ravaan
Aa pass mere
Yah neem shabi ki khamoshi
Yah neend ki palkain bojhal si
Ik khuff sa zahan-o-dil par hai
tanhai meri chupke se kahe
Ae umer-e-ravaan
Aa pass mere
Tujh se faqat kahna hai mujhe
Raftaar ko apni dheema rakh
Ik shaks se milna hai mujh ko
Milne ki ghari jo thahri hai
Do char saddi ya ab k baras
Ae umer-e-ravaan
Aa pass mere

· 2 Like · Apr 15, 2019 at 05:04
Category: love
 
Poetry / Love

Muzammil Shahzad

Ae Umr Rawan Aahista Chal

Kuch Khawab Hain Jinn Ko Likhna Hai
Tabeer Ki Soorat Deni Hai
Kuch Log Hain Ujrey Dil Waley
Jinhain Apni Mohabbat Deni Hai
Kuch Phool Hain Jinn Ko Chunna Hai
Aur Haar Ki Soorat Deni Hai
Kuch Apni Neendain Baqi Hain
Jinhain Baantana Hai Kuch Logon Mein
Unn Ko Bhi To Raahat Deni Hai



Ae Umr-E-Rawan Aahista Chal
Abhi Khasa Karz Chukana Hai

· 1 Like · Apr 14, 2019 at 23:04
Category: love
 
Poetry / Love

Muzammil Shahzad

Tum Meri Mohabbat Ho

Mohabbat zindagi hai aur tum meri mohabbat ho
Tumhi ho bandagi meri tumhi meri ibadat ho

Tumhare pyar ne dil main umango ko jagaya hai
Tumhari muskurahat ne mujhe jeena sikhaya hai

Tumhi ho jeene ki wajah tumhi meri zaroorat ho
Tumhi ho bandagi meri tumhi meri ibadat ho

Nahin ab koi bhi armaan mere dil main tumhe paa kar
Main yeh ikraar karta hoon mohabbat ki kasam khakar

Mujhe jo waqt ne baksha woh lamha e khubsurat ho
Tumhi ho bandagi meri tumhi meri ibadat ho

Mohabbat zindagi hai aur tum meri mohabbat ho
Tumhi ho bandagi meri tumhi meri ibadat ho

· 1 Like · Apr 12, 2019 at 21:04
Category: love
 
Jumma ka Din Ghusl
Posted by Muzammil Shahzad
Posted on : Apr 09, 2019

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS