Poetry / Sad

Kya Bohat Zaroori Tha

Khuwab posh aankhon mein,
Aansuon ka bhar jana,
Hasraton k sahil pr,
Titlion ka mar jana,
Habs ki hawaon men,
Khushbuon ka darr jana,
Dil k garm sehra men,
Hashar he barpa hona,
Dard la dwa hona,
Kya bohat zaroori tha,
Ab tera judaa hona...?

· 1 Like · Oct 27, 2017 at 01:10
Category: sad
 
Poetry / Sad

Jab Kisi Jaam Ko Honton Se Lagaya Mein Ne

Jab Kisi Jaam Ko Honton Se Lagaya Mein Ne
Raqs Karta Howa Dekha Tera Saaya Mein Ne

Mujh se Mut Pooch Mere Mohtasib-e-sheher Se Pooch
Kiyoon Teri Aankh Po Paimaana Banaaya Mein Ne ?

Loog Kehte Hein Qasida Woh Tere Husn Ka Tha
Aam Sa Geet Jo Mehfil Mein Sunaya Mein Ne

Maikada Band Tha Laikin Joon Hee Garja Baadal
Apni Tauba Ko Chatakhta Howa Paya Mein Ne

Shair o Naghmaat Ka Rishta Kabhi Toota Na Qateel
Jab Ghazal Bun Ke Woh Aaya Usay Gaaya Mein Ne...!

· 1 Like · Oct 25, 2017 at 05:10
Category: sad
 
Poetry / Sad

Nanhi Larki

Nanhi larki,
Sahil ke itne nazdeek,
Rait se apna ghar na bana,
Koi sarkash mauj idhar ayi, to
Tere ghar ki bunyadain tak beh jayen gi,
Aur phir un ki yaad mein tu,
Saari umar udaas rahe gi...!

· 1 Like · Oct 18, 2017 at 20:10
Category: sad
 
Poetry / Sad

Woh Muj Se Meri Khamoshi Ke Wajah Poochta Hai

woh muj se meri khamoshi ke wajah poochta hai
kitna pagal hai raat ke sanattay ki wajah poochta hai

woh muj se mere ansoo ke wajah poochta hai
kitna pagal hai barish ki barasne ke wajah poochta hai

woh muj se mere mohabbat ke baaray me poochta hai
kitna pagal hai khod apne baaray me poochta hai

woh muj se mere wafa ki inteha poochta hai
kitna pagal hai sahil pe khada hai samunder ke gehrai poochta hai...!

· 1 Like · Oct 18, 2017 at 14:10
Category: sad
 
Poetry / Sad

Tum Say Bichar Kar Kya Huun Main

Tum say bichar kar kya huun main

Ek adhoori nazam ka misra !!

Ya koi beemar parinda !!

kita men ek zinda titli !!

Ya ek murda peela patta !!

Aankh hoon koi khowab zada si !!

Ya aankhon mai toota sapna !

Palkon ki deewar k peechay !

Pagal qaidi....ya ek aansu !

Dhoop men lipta lamba sehraa !

Tooti hui chorri ka tukra !

Ya koi bhoola hoa waada !

Tum hi batao

Tum say bichar kar aya huun main

Ek purani qabar ka katba

ya

Ek matrook dua...!

· 1 Like · Oct 18, 2017 at 01:10
Category: sad
 
Poetry / Sad

Ratjagon Ke Sehra Main Khwaab Jab Ujar Jaain

ratjagon ke sehra main khwaab jab ujaR jaain tum udaas mat hona
zindagii ke maile main hum agar bichaR jaain tum udaas mat hona

jin pe naam likhe hoon un ujaR shakhon per kab bahar aati hai
aarzuu ki tehni se jab gulaab jhaR jaain tum udaas mat hona

jaan kya zaroori hai dasht-e-narasai main ik dua bhi poori ho?
hum agar riwaajon ki souliyoun pe gaR jaain tum udaas mat hona

waqt ik darinda hai aur hum sabhi es dehshat ki zad main hain
jab ye besukoon lamhe apni zid pe arR jaain tum udaas mat hona

jabr ki fizaaon main muskura ke ji laina ye bhi ik ibaadat hai
chahe karb ke saye mere qad se baRh jaain tum udaas mat hona

kuch bhi ho mager apne dilnasheen tabassum se zabt ka bharam rakhna
chaahe hum bichaR jaain kyun na hum ujaR jaain tum udaas mat hona

· 1 Like · Oct 15, 2017 at 10:10
Category: sad
 
Poetry / Sad

Jis Ko Lene Taajiron Ka Dasta Nikla

Jis ko lene taajiron ka dasta nikla
Bikne aaya to tawaqo se bhi sasta nikla

Apne seene mein chupaye huye teri yadein
Ham pe har shakhs aawazein kasta nikla

Ham ne har baat bohat soch samajh kar ki hai
Bas ik lafz-e-mohabbat tha jo barjasta nikla

Wo jis ne paaon tale kitne dil masal daale
Kal wohi shakhs mohabbat ko tarasta nikla

Teri muskaan se mansoob rahi rahat meri
Mera har gham tere gham se paiwasta nikla...!

· 1 Like · Oct 15, 2017 at 04:10
Category: sad
 
Poetry / Sad

Aawaaz De Rahi Hai Ye Kis Ki Nazar Mujhe

Aawaaz de rahi hai ye kis ki nazar mujhe?
Shayed mile kinara wahin doob kar mujhe

Chaha Tujhe to khud se Mohabbat si ho gaii
Khone ke bad mil gaii apni khabar mujhe

Har har qadam pe saath hoon saya hoon main tera
Ay bewafa dikha to zara bhool kar mujhe

Dunya ko bhool kar teri dunya main aa gaya
Le jaa raha hai kaun idhar se udhar mujhe?

Dunya ka har nazara nigahon se cheen le
Kuch dekhna nahi hai tujhe dekh kar mujhe...!

· 1 Like · Oct 14, 2017 at 22:10
Category: sad
 
Poetry / Sad

Bas Ek Khyaal Hai Taskeen E Jaan Hamare Liye

Bas ek khyaal hai taskeen E jaaN hamare liye
Zamane bhar se koi bad gumaaN hamare liye

Hum us pe khaab ki soorat utarne waale hain
Sajaye aaNkh mein wo kehkashaaN hamare liye

Udaas ho chuke lamhoN mein rang bharti hui
Hawaye shaam hai na maherbaN hamare liye

Nateejatan hamaiN mahroom e khaab hona paRa
HaqeeqatoN ne kaRe imtehaaN hamare liye...!

· 1 Like · Oct 13, 2017 at 20:10
Category: sad
 

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS