Poetry / Sad

Bas Yehi Mera Asaasa Hy

kuch waaday qasmain yadain theen
kuch qehqahay they faryadain theen


kuch aansu thay jo behay thay
kuch dhokay thy jo khaye thay


ab paas hamaray kuch bhe nhi

bas yadoon ki zanjerain hain
kuch rang urri taswerain hain
kuch lafz miti tehrirain hain


ek dil jo deed ka pyaasa hy
bas yehi mera asaasa hy....

· 1 Like · Jun 04, 2017 at 23:06
Category: sad
 
Poetry / Sad

Muzammil Shahzad

Bikhar Rahi Hai Meri Zaat Usay Kehna

Bikhar rahi hai meri zaat usay kehna
Kabhi milay to yehi baat usay kehna

Wo sath thi to zamana tha hamsafar mera
Magar ab koi nahi mere sath usay kehna

Usay kehna k bin us k din nahi guzarti
Sisak sisak k katti hai raat usay kehna

Ussay pukaroon ya khud hi pohanch jaoon us k pass
Nahi rahe ab wo halaat usay kehna

Agar wo phir b na lotay to aye meharbaan
Hamari zeest k halaat usay kehna

Her jeet us k naam kar raha hoon main
Main manta hoon apni haar usay kehna...

· 1 Like · Jun 04, 2017 at 16:06
Category: sad
 
Poetry / Sad

Muzammil Shahzad

Chalo Ishq Nahi, Chaahne Ki Adat Hai

Chalo Ishq nahi, Chaahne ki Adat hai
Kya karein k Hamein Dusrey ki Adat hai

Tuu apne Sheesha-Gari ka na ker Hunar Zaya
Mai Aaina hoon, Mujhe Tootne ki Adat hai

Wisaal mai b wohi Faasley Sarab k hain
Ke Usko Neend, Mujh ko Rat-Jage ki Adat hai

Tera Naseeb hai Ae Dil Sada ki Mehroomi!!
Na Wo Sakhi hai, na Tujhe Maangne ki Adat hai

Ye Khood-Aziyati kab tak FARAZ
Tu b usay na ker Yaad, Jise Bhoolne ki Adat hai

· 1 Like · Jun 04, 2017 at 10:06
Category: sad
 
Poetry / Sad

Muzammil Shahzad

Muhabbat Ka Rog

TUJH KO DEKHOON TO NIGAAHEN NA HATAANA CHAHOON

IK LAMHAY PAY THEHAR JAAEY ZAMANA CHAHOON

TUJH SAY IK RABT E KHAYAL HE SAHI RABT TO HAI

MEIN TO IK SEHAL SA JEENAY KA BAHANA CHAHOON

DARD UTHAY TO ISAY WEHAM SAY TABEER KAROON

MEIN BEHAR TAUR TERA NAAM CHHUPANA CHAHOON

DIN GUZAROON TERI YAADON KI HASEEN WADI MEI

RAAT AAEY TO YEHI KHAAB SUHANA CHAHOON

BADLI BADLI SI HAIN IKHLAS KI QADREN MANZAR

MEIN MUHABBAT KA WOHI ROG PURANA CHAHOON.

· 1 Like · Jun 03, 2017 at 20:06
Category: sad
 
Poetry / Sad

Muzammil Shahzad

Aaj Udaasi Nay Phir Chera Hai Saaz

Aaj udaasi nay phir cheRa hai saaz
Aaj dard phir kuch sunaye ga
Tanhai nay baNdhay haiN ghuNgro
Aaj waqt bhi thahar jaayega


ChaNd ! apni chaNdni idhar rakh jana
Aanay haiN aaj kuch bhoolay huay say chehray
Ashko ! aaj tum bhi ji bhar kay beh lena
Behal jaayeN aisay hi shaayad ehsasoN kay safinay
Naghmo !Aaj qadam saMbhal saMbhal kay rakhna
Aaj ki raat khwaaboN kay naam hai
In lamhoN ka hai chalan aisaa
Ki aaj tarpay gi takhleeq lafz dar lafz
Khaamoshi ka zehr sab ko pilaya jay ga


Aaj ki raat zindagi pay bhaari hai
Aaj jalaiN gay khwaahishoN kay alaoo
HaNstay haNstay hoga aaj umeedoN ka qatl
Meri zindagi aaj phir mayzbaan bani hai
Woh baras jab jazbaat nay li thi pehli angRayi
Us baras ki yaad aaj mehmaan bani hai


Woh door ufaq pay uthtay haiN ghubaar
MehmaanoN kay qafilay pounchanay waalay haiN
Dard-e-dil ko saMbhaloon ab main
Ai fazao tum hawaaoN pay likh lena
BehoshioN main nazm jo banaa loon ab main

· 1 Like · Jun 03, 2017 at 08:06
Category: sad
 
Poetry / Sad

Muzammil Shahzad

Rooh K Zakhm Bohat Gehry Hain

rooh k zakhm bohat gehry haiN
pyaas behti hay lahoo ban k inhi zakhmoN se
dard k taar banaty haiN ajab naqsh rafu kaari key
aag hi aag rag-o-pay meiN utar jaati hay
aadmi apny hi sholoN se sulag uThta hay
zindgi moat k maino se ulajh jati hy
aur phir youNhi achanak
koi chupky se nazar Daalta hay zakhmoN pr
aankh bhar deti sab naqsh rafoo kaari key
honT barsatay haiN kuch harf-e-tasalli in pr
haath ban jaty haiN marham
dard miT jata hay lehjay k asar sey yakdam
pyaas bujhti hay to bhar jaty haiN sab rooh k zakhm....

· 1 Like · Jun 03, 2017 at 02:06
Category: sad
 
Poetry / Sad

Muzammil Shahzad

Ye Ajab Khail Hay

ye ajab khail hay
Es meiN hota hay youN
ham jisy chahtay haiN dil-o-jaN se wo
chahta hay dil-o-jan hi se
kisi aur ko
khail k zabtoN k mutabiq hmaiN
donoN janib k jazboN ka
ik sath hi rakhna hota hay pas
laikin aksar ye dekha gaya hay
k es khail meiN
her khilaRi
apny jazbat ki ro mei behtay hoe
aik janib hi rakhta hay apni nazar
dosri samt ka us ko ehsas kya
koi us ki tawajo ka talib rahy
us k wapas palaTnay ki hasrat liay
ik charag-e-sar-e-rehguzar ki tarha
khoon-e-dil ko jalaye, rahy muntazar
laikin us ki shab tar ki
ho na paaye sahar
ye ajab khail hay

ye ajab khail hay
es meiN youN bhi hua
jeet k shoq meiN
kitny hi zorawar khilaRi jo thy
munh k bal wo giray
beshtar in meiN aisy thy jo
na idher k rahy na udher k rahy
sirf chaand ik thy wo
surkhuru jo huay

ye ajab khail hay..

· 1 Like · Jun 02, 2017 at 20:06
Category: sad
 
Poetry / Sad

Muzammil Shahzad

Kuch Kehna Tha Usay Bhi Aur Mujhay Bhi

KUCH KEHNA THA USAY BHI AUR MUJHAY BHI

US NAY YEH CHAHA MAIN KUCH KAHOON

MERI YEH ZID BAAT WOH KARAY

YEHI SOCHTAY SOCHTAY ZAMANAY BEET GAYE

NA USKI ANA TUTI NA MERI ZID

USKI ANA FASEEL THI

TO MERI ZID CHATAAN

ANA AUR ZID KAY ISI TZAD MEIN

SAFAR-E-ZINDAGI YUNHI RAWAN RAHA

WAQT KATTA RAHA DARD BARHTA RAHA

AUR SAFR IKHTATAM KO POHUNCHA

IKHTATAM-E-SAFAR YEH RAHA

MERI AANKHON MEIN HALKI SI NAMI

AUR SHAYAD

USKI ZINDAGI MEIN THORI SI KAMI

USKI ANA SHIKAST KHURDA

OR ,
MERI ZID REZA REZA......

· 1 Like · Jun 02, 2017 at 14:06
Category: sad
 
Poetry / Sad

Muzammil Shahzad

Ab Na Vo Shor Na Vo Shor Machane Vale

ab na vo shor na vo shor machane vale
Khaak se baiTh gaye Khaak urane vale

ye alag baat mayasar lab-e-goya na hoa
dil me vo dhoom ki sunate hain zamaane vale

dil hTa vahashi kabhi qaaboo me na aya yaaron
haar kar baiTh gaye jaal bichhaane vaale

terii qurbat me guzaare huye kuchh lamhe hain
dil ko tanhai ka ehsas dilane vale

· 1 Like · Jun 02, 2017 at 08:06
Category: sad
 
Wuzoo k Mustahbaat
Posted by Ashraf Shahid
Posted on : Jun 08, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS