Poetry / Sad

Muzammil Shahzad

Tera Daaman To Bhara Hay Sitaron Say

Mujhy jeenay ki umeed dobara day do
Meri doobti kashti ko kinara dy do

Main dard k sahil pay tanha khara hun
Phir aa k apni baahon ka sahara day do

Tera daaman to bhara hay sitaron say
Mujhy sadqay mein ik sitara day do

Mery aangan mein aj andhera ha bohat
Meri dehleez ko phir apna nazara dy do

Chund lamhy tujhy dekhnay ki hasrat hay bas
Maine kab kaha waqt apna mujhy sara day do

· 1 Like · May 28, 2017 at 16:05
Category: sad
 
Poetry / Sad

Muzammil Shahzad

Mein Raat Toot Kar Roya To Chain Se Soya

ajab junoon-e-musafat main ghar se nikla tha
khabar nahi ke sooraj kidhar se nikla tha

ye kon phir se mujhy raston main choar gaya
abhi abhi to azaab-e-safar se nikla tha

ye teer dil main magar be sabab nahi utra
koi to hurf lub-e-charagar se nikla tha

mein raat toot kar roya to chain se soya
ke dil ka zahar meri chasm-e-tar se nikla tha

wo qais ab jisay majnoo pukarty hen log
meri terha koi deewana ghar se nikla tha

· 1 Like · May 28, 2017 at 10:05
Category: sad
 
Poetry / Sad

Muzammil Shahzad

Yeh Kaisa Khauf Tha Keh Rakht E Safar Bhi Bhool Gaye

yeh kaisa khauf tha keh rakht-e-safar bhi bhool gaye

woh kaun log thay keh apnay ghar bhi bhool gaye

yeh kaisi qouvat-e-parvaaz dar ne paida ki

parinday urtay huay apnay par bhi bhool gaye

dukhon nay chheen li aankhon ki saari benaye

hum uska sheher tu kya reh guzar bhi bhool gaye

khayal tha keh sunayein ge haal-e-dil laiken

hum uskay saamnay arz-e-hunar bhi bhool gaye

juda huye tu khula hai tumhari basti main

hum ik dil hi nahiin chashm-e-tar bhi bhool gaye

· 1 Like · May 28, 2017 at 04:05
Category: sad
 
Poetry / Sad

Mujh Ko Lota Do Meri Umar Guzashta Ki Kitaab

Mujh ko shikwah hai mairay bhai kay tum jatay huay
lay gaye saaath meri Umar guzashta ki kitaab
es mein tou meri bohat qeemti tasveren theen
es mein bachpan tha mera, aur mera ehad shabab

is kay badlay mujhay tum day gaye jatay jatay
apnay gham ka yeh damakta howa khoon rang gulaab
kya karoon bhai, yeh aizaz mein kiyon kar pehnoon
mujh say lay lau meri sab chaak qamizoon ka hisaab

aakhri baar hai, lau maan lau ik yeh bhi sawal
aaj taq tum say mein lota nahi mayoos jawaab
aa kay lay jao tum apna yeh damakta howa phool
mujh ko lota do meri Umar guzashta ki kitaab

· 1 Like · May 27, 2017 at 04:05
Category: sad
 
Poetry / Sad

Muzammil Shahzad

Rooh Mei Teri Muhabbat Ka Asar Hai Ab Tak

ROOH MEI TERI MUHABBAT KA ASAR HAI AB TAK

JISM TO KHAAK HUA AANKH TO TAR HAI AB TAK

RANG JO CHHOR GAEE HAATH PAY MERAY TITLI

MERAY NAGHMON MEI WOHI RANG E HUNAR HAI AB TAK

CHAND KA TUKRA KAHA THA TUJHAY MAIN NAY IK SHAB

JUSTAJU MEI TERI SARKARDAAN QAMAR HAI AB TAK

BUN GAEY FARISHTAY SUB HE JO THAY INSAAN YAHAN

DAR PAR TERAY JO KHARRA HAI WO BASHAR HAI AB TAK

CHHOR K JA BHI CHUKA MUJHKO WO TANHA LEKIN

DEKHTA HOON TO TA HAD E NAZAR HAI AB TAK

· 1 Like · May 26, 2017 at 21:05
Category: sad
 
Poetry / Sad

Muzammil Shahzad

Tamam Umr Wohi Qisa E Safar Kehna

TAMAM UMR WOHI QISA E SAFAR KEHNA

KE AA SAKA NA HAMEN APNAY GHAR KO GHAR KEHNA

JO DIN CHARHAY TO TERAY VASL KI DUA KARNA

JO RAAT HO TO DUA HE KO BAY ASAR KEHNA

YEH KEH K DOOB GAYA AAJ AAKHRI SURAJ

KE HO SAKAY TO ISI SHAB KO AB SEHAR KEHNA

WO SHAKHS MUJH SAY BOHAT BUDGUMAAN SA REHTA HAI

YEH BAAT US SAY KAHO BHI TO SOCH KAR KEHNA

KABHI WO CHAND JO POOCHAY KE SHEHAR KESA HAI

BUJHAY BUJHAY HUAY LAGTAY HAIN BAAM O DAR KEHNA

WO AIK MEIN KE MERA SHEHAR BAHR KO APNAY SIWA

TERI WAFA K TAQAZOON SAY BAY KHABAR KEHNA

WAFA KI TARZ HAI MOHSIN KE MASLEHAT KYA HAI

YEH TERA DUSHMAN E JAN KO BHI CHARAGAR KEHNA

· 1 Like · May 26, 2017 at 15:05
Category: sad
 
Poetry / Sad

Muzammil Shahzad

Azmat E Zindagi Ko Bech Diya

azmat-e-zindagi ko bech diya
ham ne apni khushi ko bech diya

chashm-e-saqi k ik ishare pe
umr ki tishnagi ko bech diya

rind jam o subu pe hanste hain
shaikh ne bandagi ko bech diya

rehguzaron pe lut gai radha
sham ne bansuri ko bech diya

jagmagate hain wehshaton k dayar
aql ne adami ko bech diya

ishq behrupiya hai ai 'Sagar'
ap ne sadgi ko bech diya

· 1 Like · May 26, 2017 at 03:05
Category: sad
 
Poetry / Sad

Muzammil Shahzad

Ek Muddat Hoi Ek Zamana Hua

ek muddat hoi ek zamana hua
Khaak-e-gulashan men jab aashiyaana hua

zulf-e-barham ki jab se shanasai hoi
zindagii kaa chalan mujremana hoa

phuul jalate rahe chand hansta raha
aarazuu ka muqamal fasana hoa

daaG dil ke shehanshah ke sikke bane
dil kaa muflis kada jab Khazana hoa

rahbar ne palaT kar na dekha kabhi
rah o raaste ka nishana hoa

ham jaha bhi gaye zauq-e-sajdaa liye
har jagah aap kaa aastana hoa

pahale hoti thi koi vafaa par vari
ab to "SaaGar" ye qisa purana hoa

· 1 Like · May 25, 2017 at 20:05
Category: sad
 
Poetry / Sad

Muzammil Shahzad

Chupaye Dil Men Ghamon Ka Jahan Baithe Hain

chupaye dil men Ghamon ka jahan baiThe hain
tumhari bazm men ham bezabaan baiThe hain

ye aur baat ki manzil pe ham poanch na sake
magar ye kam hai ki raahon ko chhaan baiThe hain

ab aur gardish-e-taqadiir kyaa sataye gi
luTaa ke ishq men naam-o-nishan baiThe hain

vo ek lafz-e-mohabbat hii dil kaa dushman hai
jise shariat-e-ehasaas maan baiThe hain

hai maikadon ki bahaaron se dosti Sagar
barhaye had-e-yakeen-o-guman baiThe hain

· 1 Like · May 25, 2017 at 14:05
Category: sad
 
Dosron par Rehm
Posted by Muzammil Shahzad
Posted on : Nov 11, 2015

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS