Poetry / Sad

Usaman Khan

Hamaray Bas Mein Agar Apne Faislay Hotay

Hamaray Bas Mein Agar Apne Faislay Hotay
Tou Hum Kubhi Ke Gharon Ko Palat Gaye Hotay
Qareeb Reh Ke Sulaghnay Se Kitna Behtar Tha
Kisi Muqaam Per Hum Tum Bicharr Gaye Hotay
Kubhi Toryat Ko Ham Muthion Mein Bhar Letay
Kubhi Hawaaon Se Apne Mukaalmay Hotay
Hamaray Naam Pe Koi Charaagh Tou Jalta
Kisi Zabaan Pe Hamaray Bhi Tazkaray Hotay
Ham Apna Koi Alag Raasta Bana Letay
Hamaray Dil Ne Agar Hoslay Kye Hotay.

· 16 Like · Apr 06, 2014 at 20:04
Category: sad
 
Poetry / Sad

Muhabbaton Mein Har Ek Lamha Wisal Hoga Ye Tay Howa Tha

muhabbaton mein har ek lamha wisal hoga ye tay howa tha
bichar ke bhi ek dosrey ka khayal hoga ye tay howa tha

wohi howa na badaltey muosam mein tum ne ham ko bhula dia hey
koi bhi rut ho na chahaton ko zawal hoga ye tay howa tha

ye kia ke sansain ukhar gai hain safar ke aghaz se hi yaro
koi bhi thak kar na rastey mein nidhal hoga ye tay howa tha

juda hoe hain tu kia huwa phir yehi to dastoor-e-zindagi hey
judaiyon mein na qurbaton ka malal hoga ye tay howa tha

chalo ke Faizan kashtiyon ko jala dain gumnam sahilon per
ke ab yahan se na wapsi ka sawal hoga ye tay howa tha...!

· 12 Like · Sep 08, 2017 at 17:09
Category: sad
 
Poetry / Sad

Mohammad Afzal

Tars Jao Ge Hamara Labon Se Sun Ne Ko Ik Ik Lafz

tars jao ge hamara labon se sun ne ko ik ik lafz
pyaar ki baat to kya ham shikhayat bhi na karenge

· 4 Like · Aug 22, 2014 at 12:08
Category: sad
 
Poetry / Sad

Muzammil Shahzad

Ik Burg Sabz Shaakh Se Karr K Juda Bhi Daikh

ik burg sabz shaakh se karr k juda bhi daikh
mai phir bhi jee raha hoon mera hausla bhi daikh

maana k tera mujh sey koi waasta naheen
milney k baad mujh se zara aaina bhi daikh

auron k paas ja k meri dastaan na pooch
jo kuch hai merey chehrey pe likha huwa bhi daikh

tu ney jo musht e khaak samajh kar urha diya
abb mujh ko apni raah mai bikhra huwa bhi daikh

chehrey ki chandni pe na itna bhi maan kar
waqt e sehar tu rung kabhi chand ka bhi daikh

· 3 Like · Mar 20, 2017 at 20:03
Category: sad
 
Poetry / Sad

Muzammil Shahzad

Es Karri Dhoop Mein Jalty Hue Paaon Ki Tarha

Es karri dhoop mein jalty hue paaon ki tarha
Tu kisi or k aangan mein hai chaon ki tarha

Tu to waqif hai mere jazbon ki sachaai se
Phir kion khaamosh hai pather k khudaon ki tarha

Main to khusbu ki tarha saath raha hun tere
Tu bhatakta raha be chain hawaon ki tarha

Wo jo barbad hue thay wohi badnam hue hein
Tu to masoom raha apni adaaon ki tarha

Gham to ye hai k humein koi khushi raas nahi
Zindagi kaat rahy hein hum sazaon ki tarha




· 3 Like · Feb 20, 2017 at 01:02
Category: sad
 
Poetry / Sad

Muzammil Shahzad

Jeene Ke Liye Bhi Waqt Nahi

Har Khushi Hai Logon Ke Daman Main…
Par Ik Hansi Ke Liye Waqt Nahi…
Din Raat Daurti Duniya Main…
Zindagi K Liye Hi Waqt Nahi…



Maa Ki Loree Ka Ehsaas To Hai…
Par Maa Ko Maa Kehne Ka Waqt Nahi…
Saare Rishton Ko To Hum Maar Chuke…
Ab Unhe Dafnane Ka Bhi Waqt Nahi…



Sare Naam Mobile Mein Hain…
Par Dosti Ke Liye Waqt Nahi…
Gairon Ki Kya Baat Kahain…
Jab Apno Ke Liye Hi Waqt Nahi…



Aankhon Main Hai Neend Bharee..
Par Sone K Liye Waqt Nahi…
Dil Hai Gamon Se Bhara Howa…
Par Rone Ko Bhi Waqt Nahi…



Paison Ki Daurr Mein Aise Daure…
K Thakne Ko Bhi Waqt Nahi…
Paraye Ehsason Ki Kya Kadar Karain…
Jab Apne Sapno Ke Liye Hi Waqt Nahi…



Tu Hi Bata Ae Zindagi…
Is Zindagi Ka Kya Hoga…
K Har Pal Marne Walon Ko…
Jeene Ke Liye Bhi Waqt Nahi……!!!

· 3 Like · Sep 25, 2016 at 12:09
Category: sad
 
Poetry / Sad

Muzammil Shahzad

Jab Bhi Chahain Ek Nayi Soorat Bana Lete Hain Log

Jab Bhi Chahain Ek Nayi Soorat Bana Lete Hain Log,
Ek Chehre Peh Kayi Chehre Saja Lete Hain Log,

Mil Bhi Lete Hain Woh Gale Apne Matlab K Liye,
Aa Pade Mushkil To Nazren Bhi Chura Lete Hain Log,

Khud-farebi Ki Unhe Aadat Si Shayad Pad Gayi,
Har Naye Rahzan Ko Seene Se Laga Lete Hain Log,

Hai Baja Unki Shikayat Par Iska Kya Ilaaj,
Bijliyaan Khud Apne Gulshan Peh Gira Lete Hain Log,

Ho Khushi Unko Bhi Haasil Ye Zaroori To Nahi,
Ghum Chupane K Liye Bhi Muskura Lete Hain Log....

· 3 Like · Sep 20, 2016 at 10:09
Category: sad
 
Poetry / Sad

Waqt To Waqt Hay

Waqt ko tum ne naheen hay samjha

Waqt ko tum ne bhala kab jana

Waqt jaisa ho behertoor guzar jata hay

Waqt kuch aisa bhi hota hay k jo

Lakh kato,to woh katta hi naheen

Waqt kuch yun bhi guzar jata hay

Jaise ho nind ki agosh main ek khawab haseen

Aur woh khawab haseen

Haath se apne aksar

Aik hi pal main phisal jata hay

Lakh bhageen bhi magar

Haath kahan ata hay

Aur hum khawab ki bekal yadeen

Apne pahlo main chupa kar chup chaap

Ingint rang_o_musaeb se guzar jate hain

Waqt k sankeroon zalim lamhe

Waqt k sang guzar jate hain

Waqt to waqt hay

Jaisa ho guzar jata hay

· 3 Like · Oct 21, 2014 at 19:10
Category: sad
 
Poetry / Sad

Muzammil Shahzad

Bichar Jaon Ga

Itna toota hon k chonay se bikher jaon ga.,


Ab agar aur azmao gay to mar jaon ga.,


Phool reh jain gay faqat guldanoon ki nazar.,


Main to khushbo hoon hawaoon main bikher jaon ga.,


Eik aarzi musafar hon main teri kashti main.,


Tu jahan mujh se kahe ga main uter jaon ga.,


Hath pakro gay to saya ban k sath rahon ga.,


Hath choro gy to hamesha k liye bicher jaon ga..,

· 3 Like · Jan 16, 2015 at 11:01
Category: sad
 
Poetry / Sad

Raaz E Ulfat Chhupaa Ke Dekh Liyaa

raaz-e-ulfat chhupaa ke dekh liyaa
dil bahot kuchh jalaa ke dekh liyaa

aur kyaa dekhane ko baaqii hai
aap se dil laga ke dekh liyaa

wo mere hoke bhii mere na hue
unako apanaa banaa ke dekh liyaa

aaj unaki nazar mein kuchh hamane
sabaki nazaren bachaa ke dekh liyaa

'Faiz', taqmiil-e-Gam bhii ho na sakii
ishq ko aazamaa ke dekh liyaa

· 3 Like · Dec 31, 2014 at 10:12
Category: sad
 
Aik shareef banday ko kia chahiye
Posted by farah gulzar
Posted on : Aug 11, 2015

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS