Poetry / Sad

Uss Pal Bhi Dil Pay Teri Tamanna Jarri Rahi

uss pal bhi dil pay teri tamanna jarri rahi
jab shehar mei har aik ko apni parri rahi

guzray hazaron qafilay raah-e-qubool se
ik aarzoo kaheen pe akeli khari rahi

warna to bhool bhaal chukay hotay ab talak
woh to teray khayal ki taqat barri rahi

jany woh mojza tha mohabbat thi ya junoon
sadiyon nazar sukoot-e-nazar se larti rahi...!

· 1 Like · 51 Minutes Ago
Category: sad
 
Poetry / Sad

Roz Pathar Ki Himayat Mein Ghazal Likhtay Hein

Roz taaron ki numaaish men khalal parta hay
Chand pagal hay andheray men nikal parta hay

Ek deewana musafir hay meri aankhon men
Waqt bay waqt thehar jata hay, chal parta hay

Apni tabeer k chakar men mera jaagta khawab
Roz suraj ki tarah ghar say nikal parta hay

Roz pathar ki himayat mein ghazal likhtay hein
Roz sheeshon say koi kaam nikal parta hay

Uski yaad aai hay saanso zara aahista chalo
Dharkanon say bhi ibadat me khalal parta hay....!

· 1 Like · 7 Hours Ago
Category: sad
 
Poetry / Sad

Kehta Hi Raha Tujhse Ke Piyary Nahi Achay

kehta hi raha tujhse ke piyary nahi achay
her waqt yeh palkon pe sitare nahi achay

us roz se mosam bhi bohat talkh huwa hai
jis roz se taiwar yeh tumaray nahi achay

un hi se to abaad hai yeh shehar-e-muhabbat
kehte ho jinhain dard k maaray nahi achay

es shehar mein tera bhi koi jurm to hoga
ilzaam meri zaat pe saaray nahi achay

aise to parindon ki yeh hijrat nahi hai
lagta hai keh mosam k ishaaray nahi achay

· 1 Like · 13 Hours Ago
Category: sad
 
Poetry / Sad

Ab Thak Say Gaye Hain Hum Wafa Kartay Kartay

Ab Thak Say Gaye Hain Hum Wafa Kartay Kartay
Woh Haaray Nahi Hain Jafa Kartay Kartay

Hum Tang Aa Gaye Hain Unhain Manaa Manaa Kar
Woh Thakay Nahi Hain Khafa Kartay Kartay

Uthaye Jo Hath Dua Kay Liye Tu Ruk Giya
Ek Arsa Ho Giya Hai Khataa Kartay Kartay...!

· 1 Like · 19 Hours Ago
Category: sad
 
Poetry / Sad

Suno! Yeh Aankhon Main Udaasi Kesi

Suno! Yeh Aankhon Main Udaasi Kesi
Yeh Honton Pay Muskaan Kesi

Tanha Akeli Kaha Ghum Ho Tum
Kin Udasiyon Ko Dil Mai Basai Hoi Ho Tum

Lagta Hay Yon Kuch Kho Gaya Hain
Jisey Yoon Dhoond Rahi Ho Tum

Is Ghum Ko Bhula Do Tum
In Tanhiyoun Ko Rafa Ker Do Tum

Yaad Kero Apnay KHUDA Ko Tum
Yaqeen Aur Aitamaad Rekho Usi Per Tum

Muradain Pori Karnay Wala Hay Bas Ak Wohi
Khushyan Or Muskurahatain Mang Lo Usi Say Tum

Aao Mera Haath Thaam Lo Tum
Tanhaii Ko Chorr Ker Zindagi Ko Apna Lo Tum

· 1 Like · 1 Days Ago
Category: sad
 
Poetry / Sad

Ishq Mein Behta Hai Jo Darya Ba Darya, Kon Hai

ishq mein behta hai jo darya ba darya, kon hai
ham bhi dekhein, dard k sehara mein aisa kon hai

aik lamha hi guzar jaaye kaheen tairay baghair
dil ko samjhaya to hai, lekin samjhta kon hai

meri be aawaaz tanhaai bataye kiya mujhe
shehar mein hai jis ki khaatir shor barpaa, kon hai

sar pe yeh jaltay huwe suraj ko andaazaa nahi
bay talab es dasht mein ghar se nikalta kon hai

kho gayee hai waqt ki lehron mein sachai to kiya
waqt hi khud faisla kerta hai, sacha kon hai

aik se es shehar mein hain aashna na aashna
kiya bataain tujh ko meri jaan ke kaisa kon hai

din ka suraj kiya uthaye ga meri raaton ka gham
aur phir khalid kisi ka bojh uthaata kon hai

· 1 Like · 1 Days Ago
Category: sad
 
Poetry / Sad

Khatam Apni Chahatoon Ka Silsila Kesay Hua

khatam apni chahatoon ka silsila kesay hua
tuu to mujh men jazb tha mujh say juda kesay hua

woh jo teray aur meray darmayan aik baat thi
aao sochen shehar us say aashna kesay hua
chubh gaeen seenay men tooti khowishon ki kirchiyan
kya likhoon dil tootnay ka haadsa kesay hua

woh jo rag jaan tha kabhi,milta hai rukh phair kar
sochta hoon es qadr woh bewafa kesay hua...!

· 1 Like · 1 Days Ago
Category: sad
 
Poetry / Sad

Ye Saaneha Bhi Mhbt K Sanehaat Mein Tha

ye saaneha bhi mhbt k sanehaat mein tha,
jo dastras mein nahi tha wo mumkinat mein tha,

tumhary baad chaman mein na koi phool khila,
khizan ka aks chaman k baat baat mein tha..,

mera junon hi wahan gham ka tarjuman thera,
shanasa kon mera koey iltefaat mein thaa.....,

hamary qatl ka saaman thy wo lab o aariz,
shareek aankh ka kajal bhi waardaat mein tha,

mein aaino'n ko sajanay ki baat kia karta,
k pathro'n ko sajana lawazmaat mein tha,

talash jiski rhi NAAZ umer bhr mujhko,
chupa howa wo kahin meri apni zaat mein tha

· 1 Like · 1 Days Ago
Category: sad
 
Poetry / Sad

Main Apni Raton Ki Fursaton Me

Main Apni Raton Ki Fursaton Me Tujhy Manaon To Maan Jana,
Agar Kisi Din Main Apny Ansu Jo Le K Aaon To Maan Jana,

Ye Ek diL Hi Tumhy Dia Tha So es Ko Tum Ne Hi Toor DaLa,
Shikasta DiL Ki Jo Kirchiyon Ko Sameat Laon To Maan Jana,

Tu Khush Nhi Hai Meri BaQa Per To Sirf Itna Bata,
Teri Khushi K Liye Jo SooLi Pe Muskuraon To Maan Jana,

Tu Badguman Hai Meri Wafa Pr To Sirf Aik Baar Azma Le,
Jo Haar Jaon To LouT Jana,Jo Jeet Jaon To Maan Jana

· 1 Like · 2 Days Ago
Category: sad
 
Poetry / Sad

Bahaaron Ka Haseen Mosam Kahin Say Sath Lana Tum

khizaoon ki udasi hai,jo ab tak dil pay chhai hai
bahaaron ka haseen mosam kahin say sath lana tum

yeh maana aur bhi tum ko jahaan men hain bohat say gham
magar duniya kay mailon men hamen na bhool jana tum

meray ashaar hain jitnay hain tumharay naam karta hoon
ghazal meri suno jab bhi ghazal men doob jana tum

agar tum say kabhi koi,meray baaray men poochay to
faqt itni si khawahish hai,mujhay apna batana tum

koi jab alvidai mosamon ka zikar cheray to
nami aankhon men mat rakhna hamesha muskarana tum...!

· 1 Like · 2 Days Ago
Category: sad
 
Jannat me khujoor ka darakht lagayen
Posted by iJunoon
Posted on : Nov 14, 2014

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS