Poetry / Sad

Usne Kaha Kon Ho Tum?

Usne kaha kon ho Tum?
Mai ne kaha Hasrat teri

Usne kaha Taktey ho kya?
Mai ne kaha Surat teri

Us ne kaha kartey ho kya?
Mai ne kaha Pooja teri

Usne kaha Kaafir ho kya?
Mai ne kaha aisa sahi

Usne kaha chaHte ho kya?
Mai ne kaha Mohabbat teri

Usne kaha Pachtaoge,
Mai ne kaha Kismat meri...!

· 1 Like · 5 Hours Ago
Category: sad
 
Poetry / Sad

Wo Pyaar Ka Saboot Dikhaya Karta Tha

Wo pyaar ka saboot dikhaya karta tha
AAnsoo baha kar humein manaya karta tha

Ye zindagi sirf tm se wabasta hai
Aksar ye baat humein bataya karta tha

Us ki baton mai kch aisa asar tha
Mai baarish k bina he bheeg jaya karta tha

Sone ki fursat kise thi
Wo humein saari raat jagaya karta tha

Becheni jab hadh se barh jati thi
WO jee bhar k samjhaya karta tha

Wo itni muhabbat karne wala badal gya
Jo har bat par meri kasam khaya karta tha...!

· 1 Like · 18 Hours Ago
Category: sad
 
Poetry / Sad

Ruki Hue Hai Abhi Tak Bahaar Ankhon Main

Ruki hue hai abhi tak bahaar ankhon main
Shab-e-wisaal ka jese khumaar ankhon main

Mita sake gi isse gard-e-mah-o-saal kahan
Khinchi hue hai jo tasweer-e-yaar ankhon main

Bus ik shab ki musafat thi or ab tak hai
Mah-o-najoom ka saara ghubaar ankhon main

Hazaar sahib raksh saba mizaaj aaye
Basa hua hai wohi sehsawar ankhon main

Wo aik tha pe es ko jab tahe talwaar
To bat gaya wohi chehra hazaar ankhon main...!

· 1 Like · 1 Days Ago
Category: sad
 
Poetry / Sad

Mohabbat Mein Koi Farmaish Na Karna

Mohabbat mein koi farmaish na karna
Meri ghurbat ki phir numaish na karna

Jaan to muskura kar doon ga agarcha ho
Wafa ke naam par hijar Azmaish na karna

Khawbon ki tabeer badal jaati hai
Kabhi khowaboon ki khawish na karna

Ankhon mein paani dekh kar jal na jaye
Dekhna samundar ke kareeb rehaish na karna

Tu nahin paas magar dil mein mere shakir
In faslon ki kabhi pemaiesh mat karna...!

· 1 Like · 3 Days Ago
Category: sad
 
Poetry / Sad

Bas Mujh Say Youn He Bichar Gaya Tha

Woh Dil Ka Bura, Na Bewafa Tha
Bas Mujh Say Youn He Bichar Gaya Tha
Her Simt Usi Ka Tazkara Tha
Har Dil Main Woh Jaisey Bas Raha Tha
Main Us Ki Ana Ka Aasra Thi
Woh Mujh Say Kabhi Na Rootha Tha
Main Dhoop K Bina Bhe Jal Rahi Thi
Woh Saya-E-Abar Ban Gaya Tha
Ek Baar Bichar K Jab Mila Tha
Woh Mujh Say Bichar K Roo Para Tha
Kya Kuch Na Us Say Kaha Gaya Tha
Us Nay To Laboon Ko See Liya Tha
Woh Chand Ka Humsafar Tha Shayad
Raatoun Ko Tamam Jagta Tha
Hontoun Main Gulaab Ki Naram Khushboo
Baatoun Main To Shehad Gholta Tha
Kehnay Ko Juda Tha Mujh Say Laikin
Woh Meri Ragoon Main basta Tha
Us Nay Jo Kaha, Kiya Woh Dil Nay
Inkaar Ka Kis Main Hosla Tha
Youn Dil Main Thi Yaad Us Ki Jaisey
Masjid Main Chiraagh Jal Raha Tha
Mat Pooch Hijaab K Qareenay
Woh Mujh Say Bhi Kam Hi Khul Saka Tha
Es Din Mera Dil Bhi Tha Pareshan
Woh Bhi Merey Dil Say Kuch Khafa Tha
Main Bhi Thi Darri Hui Si Laikin
Rang Us Ka Bhi Kuch Ura Ura Tha
Ek Khoof Sa Hijar Ki Rutoon Ka
Dono Pay Moheet Ho Chala Tha
Ek Raah Say Main Bhi Thi Gurayzaan
Ek Morr Pay Woh Bhi Ruk Gaya Tha
Ek Pal Main jhapak Gain Jo Aankhain
Manzar Woh Manzar Doosra Tha
Soocha To Tehar Gay Zamanay
Dekha Toh Woh Door Ja Chuka Tha
Qadmoun Say Zameen Sirak Gai Thi
Suraj Ka Bhi Rang Sanwla Tha
Chaltay Huey Loog Bhi Ruk Gay Thay
Thehra Hua Shehar Ghoomta Tha
Sehmay Huey Pair Kanptay Thay
Pattoon Main Hiraas Rengta Tha
Rakhti Thi Main Jis Main Khuwab Apnay
Woh Kanch Ka Gar Chatakh Gaya Tha
Hum Dono Ka Dukh Tha Aik Jaisa
Ehsaas Magar Juda Juda Tha...!

· 1 Like · 5 Days Ago
Category: sad
 
Poetry / Sad

Dost Ban Kar Bhi Nahi Sath Nibhanay Wala

Dost ban kar bhi nahi sath nibhanay wala
Wohi andaz hay zalim ka zamanay wala

Ab usay logg samjhtay hay giraftar mera
Sakhat nadim hay mujhay damm may lanay wala

Subha e dam chore gaya nighat e gull ki sorat
Raat ko guncha-e-dill mey simat anay wala

Kia kahain kitnay marasam thay hamaray us say
Wo jo ik shaks hay moh phair kay janay wala

Teray hotay huway a jati thi sari dunia
Ajj tanha hoon to koi nahi anay wala

Muntazir kiss ki hoon tooti hoi dehliz par mein
Kon aye ga yahan , kon hay anay wala

Kia khabar thi jo meri jaan me ghulla hay itna
Hay wohi mujh ko sar-e-dar bhi lanay wala

Maine dekha hay baharoon mein chaman ko jaltay
Hay koi khuwab ki tabeer batanay wala

Tum takluf ko bhi ikhlas samjhte ho Faraz
Dost hota nahi har hath milanay wala...!

· 1 Like · 6 Days Ago
Category: sad
 
Poetry / Sad

Ek Hunar Hai Jo Kar Gayaa Huun Main

ek hunar hai jo kar gayaa huuN maiN
sab ke dil se utar gayaa huuN maiN

kaise apnii haNsii ko zabt karuuN
sun rahaa huuN ke ghar gayaa huuN maiN

kya batao ke mar nahi paata
jitay ji jab se mar gayaa huuN maiN

ab hai bus apna samna darpesh
har kisii se guzar gayaa huuN maiN

ajab ilzaam huuN zamaane kaa
ke yahaaN sab ke sar gayaa huuN maiN

kabhii Khud tak pahunch nahiiN paayaa
jab ke vahan umr bhar gayaa huuN maiN

tum se jaanaaN milaa huuN jis din say
Khud se darr gayaa huuN maiN

kuu e jaanaaN meN sog barpaa hai
ke achaanak, sudhar gayaa huuN maiN...!

· 1 Like · 6 Days Ago
Category: sad
 
Poetry / Sad

Aur Phir Tuut Ja

Aur phir tuut ja?
Khiloney
muskara
Kisi se dil laga
Aur phir tuut jaa

Khushi dhunde ga tu
Mileen ge lakh gham
Tujhay thukrayeen ge
Yeh pathar k sanam

Yeh dhokah tu bhi kha
Kisi ko aazmaa
Aur phir tuut jaa

Mile gi aik din
Mohabbat ki saza
Urye ga rang bhi
Jale ga dil tera

Yaqeen kar pyaar ka
Yeh sadma bhi utha
Aur phir tuut jaa...!

· 2 Like · Nov 15, 2017 at 15:11
Category: sad
 
Poetry / Sad

Shayad Main Zindagi Ki Sehar Leke Aa Gaya

Shayad main zindagi ki sehar leke aa gaya,
Kaatil ko aaj apne hi ghar le ke aa gaya,

Ta umar dhoondta raha manzil main ishq ki,
Anjaam ye k gard-e-safar le ke aa gaya,

Nashtar hai mere haath mein kaandhon pe maiqada,
Lo main ilaaj-e-dard-e-jigar le ke aa gaya,

Fakhir sanam kade mein na aata main lot kar,
Ek zakhm bhar gaya tha idhar le ke aa gaya...!

· 1 Like · Nov 15, 2017 at 09:11
Category: sad
 
Poetry / Sad

Sawan Aya Tum Naheen Aye

Sawan aya tum naheen aye
Reh gaye hum to aas lagaye

Pichali baharon main
tum se mile the
Jin pairron k niche
Hath rakhe khud bikhraye
Gum sum akhiyaan mitey

Un pairron par
jhuk aye hain
Phir patjhar k saaye
Sawan aya tum naheen aye

Theen yehi wadiyaan
The yehi parbat
Tha yehi pyaar ka mousam

Shakhon main the
phool suhane
Pholon par thi shabnam
In ko to hum bhool chuke hain
Tum ko bhool na paye

Sawan aya tum naheen aye
Reh gaye hum to aas lagaye...!

· 1 Like · Nov 15, 2017 at 03:11
Category: sad
 
Nails, Epic LOL
Posted by Hafiz Mehran
Posted on : Mar 15, 2015

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS