Poetry / Sad

Main Aadhay Tirchay Khayal Sochon

Main aadhay tirchay khayal sochon...
Kay be irada kitaab likhon...
Koi shanasa ghazal trashon...
Kay ajnabi intasab likhon...
Ganwa do ek umar kay zamanay...
Kay ek ek pal ka hisaab likhon...
Meri tabiyat par munhasir hai...!!
Kay jis tarha ka bhi nisaab likhon...
Yeh meray apnay mizaj par hai...
AZAAB sochon, sawaab likhon...

Taveel tar hai safar, tumhay kya...??
Main ji raha hon magar, tumhay kya...??
Tumhay kya kay tum tou kab say...
Meray iraday ganwa chukay ho...
Jala kay saaray huroof apnay...
Meri duaen bujha chukay ho...
Suna hai sab kuch bhula chukay ho...

Tu ab meray dil pay yeh jabr kaisa...??
Yeh dil tou hadd say guzar chuka hai...
Guzar chuka hai magar tumhay kya...??
Khizaan ka mausam thehr chuka hai...
Thehr chuka hai magar tumhay kya...??
Tumhay kya kay es khizaan main...
Main Jis tarhe kay bhi khowab likhon...!!

· 1 Like · 1 Hours Ago
Category: sad
 
Poetry / Sad

Suno Jana

Suno jana..!
humeiN jab sey mila hey ye sandesa..
Ab Judaai hey
humaari aankh k aansoo
taRaptay dil ki noha gari karti ye dhaRkan
Bikharti saans ka resham
merey haathoN ki ye larzish
Meri baatoN ka toota pan
merey hontoN ki neeli chup
ragoN meiN barf banta ye lahu mera
meri bikhri huwi neendoN ki kul poonji
adhooray khawaab sab merey
(tumhaarey lams ki khaahish)
tamanaoN k tootey Aainey saarey
merey kamrey meiN bikhrey heiN
mujhey har pal adhoori mout detey heiN…..
magar………
meiN kitni be-bass hooN
k kuch bhi kar nahi sakti
bicharney sey zara pehley
mukamal mar nahi sakti...!

· 1 Like · 7 Hours Ago
Category: sad
 
Poetry / Sad

Wo Kehta Hai

Wo Kehta Hai!

Usay Phoolon Ki Chahat Hai
...
Magar Jab Phool Khilte Hain

Wo Un Ko Torr Deta Hai,

Wo Kehta Hai!

Usay Barish Ka Mosam Acha Lagta Hai

Magar Jab Barish Hoti Hai

Wo Kamre Mein Afsurda
Ho Kar Baith Jata Hai,

Wo Kehta Hai

Hawaayen Ishq Hain Us Ka
Hawaa Lekin Chalay Jab To?

Wo Khirki Band Rakhta Hai,
Mujhe Ab Darr Sa Lagta Hai

Wo Jab Bhi Mujhse Kehta Hai!
Usay Mujh Se Mohabat hai...!

· 1 Like · 20 Hours Ago
Category: sad
 
Poetry / Sad

Us Ne Door Rehnay Ka Mashwara Bhi Likha Hai

us ne door rehnay ka mashwara bhi likha hai
sath hi muhabbat ka wasta bhi likha hai
us ne ye bhi likha hai mere ghar nahin ana
saaf saaf lafzon main rasta bhi likha hai
kuch haroof likhay hain zabt ki naseehat main
kuch haroof main us ne hosla bhi likha hai
shukria bhi likha hai dil se yad karnay ka
dil se dil ka hai kitna faasla bhi likha hai
kya usay likhain Mohsin kya usay kahain Mohsin
jis ne kar ke be jan phir jaan bhi likha hai...!

· 1 Like · 1 Days Ago
Category: sad
 
Poetry / Sad

Bohat Masroof Rehte Ho

Bohat masroof rehte ho

Sehar se shaam hone tak

Koi lamha nahin milta

Koi be naam si fursat

Kabhi bethe hue tanha

Kahin jo shaam ho jaye

To meri iltija hai yeh

Koi lamha chura lena

Jo mere Naam Ho Jaye.....!!!

· 1 Like · 1 Days Ago
Category: sad
 
Poetry / Sad

Bohat Masroof Rehte Ho

Bohat masroof rehte ho

Sehar se shaam hone tak

Koi lamha nahin milta

Koi be naam si fursat

Kabhi bethe hue tanha

Kahin jo shaam ho jaye

To meri iltija hai yeh

Koi lamha chura lena

Jo mere Naam Ho Jaye.....!!!

· 1 Like · 1 Days Ago
Category: sad
 
Poetry / Sad

Mujhe Ab Darr Nahi Lagta

Mujhe ab darr nahi lagta
kisi k door jane se
Taluq Tot jane se
kisi k maan jane se
kisi k roth jane se
Mujhe ab darr nahi lagta
Kisi ko azmane se
kisi k azmane se
kisi ko yad rakhne se
kisi ko bhol jane se
Mujhe ab darr nahi lagta
Kisi ko choar dene se
kisi k choar jane se
Na shama ko jalane se
Na shama ko bujhane se
Mujhe ab darr nahi lagta
Akele muskrane se
kabhi ansoo bhane se
Na es sare zmane se
Haqeeqat se fasane se
Mujhe ab darr nahi lagta
Kisi ki na rasai se
Kisi ki paarsai se
Kisi ki bewafai se
Kisi dukh intehai se
Mujhe ab darr nahi lagta
Na to es paar rehne se
Na to us paar rehne se
Na apni zindgani se
Na ik din mout aane se
Mujhe Ab Darr Nahi Lagta...!

· 1 Like · 2 Days Ago
Category: sad
 
Poetry / Sad

Hawa Thami Thi Zaroor Lekin

Hawa Thami Thi Zaroor Lekin
Wo Shaam Jesy Sisak Rahi Thi
K Zard Patton Ko Aandhiyun Ne Ajeeb Qissa Suna Dia Tha
K Jis Ko Sun Kar Tamam Pattay
Sisak Rahe The
Bilak Rahe The
Jane Kis Sanihay K Ghum Main
Shajar Jaron Se Ukhar Chuke The……
Bohat talash kia tha Hum Ne Tumko
Har Aik Rasta, Har Aik Waadi
Har Aik Parbat, Har Aik Ghaati
Kahin Se Teri Khabar Na Ayi
To Ye Keh K Hum Ne Dil Ko Tala
Hawa Thamay Gi To Dekh Lain Ge
Hum Us K Raston Ko Dhoond Lain Ge
Magar Hamari Ye Khush Khayali
Jo Hum Ko Barbaad Kar Gae Thi…
Hawa Thami Thi Zaroor Lekin
Bari Hi Muddat Guzar Chuki Thi
Hamare Balon K Jungalon Main
Safaid Chaandi Utar Chuki Thi
Falak Pe Taray Nahi Rahe The
Gulaab Pyare Nahi Rahe The
Wo Jin Se Basti Thi Dil Ki Basti
Wo Loog Saare Nahi Rahe The
Ye Almiya Sab Se Baalatar Tha
K Hum Tumhare Nahi Rahe The
K Tum Hamare Nahi Rahy the
Hawa Thami Thi Zaroor Lekin
Bari Hi Muddat Guzar Chuki Thi...!

· 1 Like · 3 Days Ago
Category: sad
 
Poetry / Sad

Pathar Say Wafa Mout Se Sada Mang Rahi Hon

Pathar Say Wafa Mout Se Sada mang Rahi Hon
kyu Aj Mai Sehra Se Ghata Mang Rahi Hon
Muddat Se Koi DIL Ko Dukhane Nahi Aya
Ajao Koi Zakham Naya Mang Rahi Hon
Jo Jurm Muhabbat Mein Tujhe Mera Bana De
Aisi Hi Koi Pyari Saza Mang Rahi Hon
Maalom Hy
Tum Ghair K Ho Jao Gay Shakir
Phr Bhi Tumain Panay Ki Dua Mang Rahi Hon...!

· 1 Like · 3 Days Ago
Category: sad
 
Poetry / Sad

Hum Nay Soch Rakha Hai

Hum Nay Soch Rakha Hai
Chahay Dil Ki Har Khowish
Zindagi Ke Aankhoon Say
Ashk Ban Kay Beeh Jaye
Ghar Ke Sari Dewarain
Chatt Samait Gir Jaye
Or Be Muqaddar Ham
Khud He Kyun Na Dab Jaye
Tum Say Kuch Nahi Kehna

Kese Neend Thi Apni
Kesay Khowab Thay Apnay
Or Ab Gulaboon Per
Neend Wali Aankhoon Per
Naram Khoo Say Khowaboo Per
Kyun Azaab Tootay Hain
Tum Say Kuch Nahi Kehna

Ghir Gaye Hain Ratoon Main
Be Libas Batoon Main
es Tarah Ki Ratoon main
Kab Charag Jaltay Hain
Kab Azaab Taltay Hain
Ab Tu In Azaboon Say
Bach K Bhi Nikalnay Ka
Rasta Nahi Jana !
Jis Tarah Tum Ko Bhi
La Zawaal Lamhoo Say
Wasta Nahi Jana !
Ham Nay Soch Rakha Hai
Tum Say Kuch Nahi Kehna...!

· 1 Like · 3 Days Ago
Category: sad
 
Subha bakhair.
Posted by Nasim Rana
Posted on : Aug 04, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS