Poetry / Friendship

Bhut Qareeb Aa Kar Door Ja Raha Hai Koi

Bhut Qareeb Aa Kar Door Ja Raha Hai Koi
Dosti Ka Hath Mila Kar Door Ja Rha Hai Koi
Chaar Din Ki Zindagi Hai Phir Wapis Jana Hai
Phir kyu Mujh Ko Behad Sata Raha Hai Koi
Mere Hisse Ki Zindagi Bhi Us K Naam Kar De
Baargah E Elahi Mai Hath Utha Rha Hai Koi
Zindagi Bhar Kabi Bhi Hum Juda Na Hon Ge
Wo Waade,Wo Qasmein Bhula Raha Hai Koi
Wo Hath Jin Se Hameesha Duaein Mangein Thein
Aj Unhein Hathon K Sath Mayyat Saja Rha Hai Koi
Bhut Jee Chuke Ho Ab Araam Kar Lo Sanwal
Mout Ka Paighaam Le Kar Bula Rha Hai Koi...!

· 1 Like · Oct 14, 2017 at 16:10
Category: friendship
 
Poetry / Friendship

Muhabbaton Me Dikhavay Ki Dostii Na Milaa

muhabbaton me dikhavay ki dostii na milaa
agar gale nahi milta to haath bhi na milaa

gharon pe naam the naamon ke saath ohade the
bahut talaash kiyaa koii aadamii na milaa

tamaam rishton ko main ghar pe chhor aayaa thaa
phir isake baad mujhe koii ajanabii na milaa

bahut ajiib hai ye qurbaton kii doori bhi
vo mere saath rahaa aur mujhe kabhii na milaa

Khudaa kii itni barri qayanat me main ne
bas ek ShaKhs ko manga mujhe vo hi na milaa...!

· 1 Like · Aug 16, 2017 at 05:08
Category: friendship
 
Poetry / Friendship

Dosti Saaz Bhi Sangeet Bhi Hai

kia khabar tum ko dosti kia hai
Ye roshni bhi hai andhera bhi hai
Khwahishon say bhara jazeera bhi hai
Bohat anmol ik heera bhi hai
Dosti ik haseen khwab bhi hai
Pass say dekho tou sarab bhi hai
Dukh milnay pe ye azab bhi hai
Aur ye piyar ka jawaz bhi hai
Dosti yoon tou maaya jaal bhi hai
Ik haqeeqat bhi hai khayal bhi hai
Kabhi furqat kabhi vissal bhi hai
Kabhi zameen kabhi falak bhi hai
Dosti jhoot bhi hai such bhi hai
Dil main reh jay to kassak bhi hai
Kabhi ye haar kabhi jeet bhi hai
Dosti saaz bhi sangeet bhi hai
Sheir bhi nazam bhi geet bhi hai
Wafa kia hai wafa bhi dosti hai
Dil say nikli dua bhi dosti hai
Bus itna samajh lay tou
Piyar ki inteha bhi dosti hai...!

· 1 Like · Aug 15, 2017 at 23:08
Category: friendship
 
Poetry / Friendship

Kabhi Yun Jo Ho Kisi Din Agar

Kabhi yun jo ho kisi din agar
Kabhi tu mujhey sar raah miley

Mein hazaar lamhon ko khainch kar
Yeh jo chalta waqt hai baandh doon

Yeh jo gardishain hein zameen ki
Usi ik lamhey pe ruki rahain

Mein taka karoon tujhey jazb se
Yunhi pyar se yunhi ishq se
Teri her adaa ko samait loon

Mein hisaar-e-jaan mein sajaa rakhon
Na tu keh sakey , na mein keh sakon

Tu jo paas ho to mein jee sakon
Tu jo door ho na jiya karoon

Kabhi yun jo ho kisi din agar
Merey humsafar tu jo na miley
Mein hazaar dharkanon ko khainch kar
Ye jo chalta dil hai baandh doon

Ye jo silsiley hein meri saans ke
Teri doori mein hi haar doon

Tu jo paas ho to mein jee sakoon
Tu jo door ho , na jiya karoon

Kabhi yun jo ho kisi din agar

· 1 Like · Jul 11, 2017 at 03:07
Category: friendship
 
Poetry / Friendship

Chilman Sey Lagey Baithay Hain Shoq E Deedar Liye

Chilman Sey Lagey Baithay Hain Shoq E Deedar Liye
Kab Uthey Ga Perda Sarbasta Razon Sey

Dhoop Ki Tamazet Ney Badal Diya Rung Apna
Zooq-e-Haya Ney Bitha Rakha Hey Khamoshi Sey

Mehfil-E-Shab o rooz Kaisay Guzer Jati Hey Chup Chap
Dildari-E-Dildar Ki Hum nawahi Ki Umeed Sey

Aarzooain orr Umangain Shikesta Dili Per Hain Khatam
Chaak-e-Gireban Chaak Hey Khoni Aarzoon Sey

Shub-E-Hijran Main Sung-E-Raah Honay Ka Hey Yaqeen
Wafa Ka Daman Chota Nahi Arzaan Zindagi Sey

· 1 Like · Jul 09, 2017 at 01:07
Category: friendship
 
Poetry / Friendship

Muzammil Shahzad

Be Qarar Mausam Main

Be qarar mausam main

Yaad k jharokon say

Phir Tum hi se milnay ki

Dil mein kitni khawahish hai

Jo udaas rakhti hai

Aaj kal decemeber ki

Phir udaas shaamein hain

In ujaarr aankhon mein

Zard zard raatein hain

Barishon k mausam mein

Toot phoot jata hoon

Jab bhi yaad aatay ho

Khud ko bhool jata hoon

· 1 Like · Jan 04, 2017 at 14:01
Category: friendship
 
Poetry / Friendship

Muzammil Shahzad

Usay Kehna

Woh Shakha Mjhe Pyara Hai
Usay Kehna

Whe Jeeny Ka Sahaara Hai
Usay Kehna

Log Pyare Hain Bhut Say Mujhy
Who Sub Say Pyara Hai
Usay Kehna

Muhabatein, Aadawatain, Shikayaten Uski
Mujhe Sub Gawara Hain
Usay Kehna

Chahny Waly Or Bhi Hain Lekin
Yeh Dil ‘Sirf Or Sirf’ Tumhara Hai
Usay Kehna ,

· 1 Like · Jul 08, 2016 at 15:07
Category: friendship
 
Poetry / Friendship

Muzammil Shahzad

Kabi Unka Name Lena

Kabi Unka Name Lena
Kabi Unki Bat Karna
Mera Zoq Unki Chaahat
Mera Shoq Un Pe Marna
Kabi Chalte Chalte Thamna
Or Tham K Beth Jana
Kabi Larkhara K Girna
Or Gir K Phir Sambhalna
Kabi Raat Raat Rona
Kabi Din Charhe Sisakna
Kai Darya Darya Rehna
Kabi Boond Ko Tarsna
Raha Ishq Se Hamesha
Koi Wasta He Apne
Yahi Zindagi He Apni
Yahi Rasta He Apna,

· 1 Like · Jul 08, 2016 at 09:07
Category: friendship
 
Poetry / Friendship

Muzammil Shahzad

K Hum Dost Hein

Roz Na Sahi Kisi Din
Yaad Kr Lena

K Hum Dost Hein

Kabhi Neend Na Aaye
Tou Hamein Bhi Jaga Lena

K Hum Dost Hein

Kabhi Bhi Kuch Bhi Kehna Ho
Tou Bila Jhijhak Kehna,

K Hum Dost Hein

Agar Kabhi Kuch Dena Chaho
Tou Humein Apnay Gham Dena,

K Hum Dost Hein

Agar Jo Na Kehna Chaho
Tou Kabhi 'Alvidah' Na Kehna

K Hum Dost Hein,

· 2 Like · Jul 08, 2016 at 02:07
Category: friendship
 
Poetry / Friendship

Muzammil Shahzad

K Hum Dost Hein

Roz Na Sahi Kisi Din
Yaad Kr Lena

K Hum Dost Hein

Kabhi Neend Na Aaye
Tou Hamein Bhi Jaga Lena

K Hum Dost Hein

Kabhi Bhi Kuch Bhi Kehna Ho
Tou Bila Jhijhak Kehna,

K Hum Dost Hein

Agar Kabhi Kuch Dena Chaho
Tou Humein Apnay Gham Dena,

K Hum Dost Hein

Agar Jo Na Kehna Chaho
Tou Kabhi 'Alvidah' Na Kehna

K Hum Dost Hein,

· 2 Like · Jul 07, 2016 at 20:07
Category: friendship
 
ALLAH-o-Akbar
Posted by iqra raheem
Posted on : May 20, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS