Poetry / Sad

Muzammil Shahzad

Bholi Hoi Sada Hun Mujhe Yaad Kijiye

bholi hoi sada hun mujhe yaad kijiye
tum se kahi mila hum mujhe yaad kijiye

merii nigaah-e-shauq se har gul hai taza
main ishq ka Khuda hun mujhe yaad kijiye

naGmon ki ibtida thi kabhi mere naam se
ashkon ki intaha hun mujhe yaad kijiye

"Sagar" kise ke husn-e-taGaaful shaar ki
bahki hui adaa hun mujhe yaad kijiye

· 1 Like · May 25, 2017 at 08:05
Category: sad
 
Poetry / Sad

Muzammil Shahzad

Ek Vada Hai Kisi Ka Jo Vafaa Hota Nahi

ek vada hai kisi ka jo vafaa hota nahi
marmari taron bhari raaton men kya hota nahi

ji men ata hai ulaT den un ke chehare se naqab
hausala karte hain lekin hausala hota nahi

shama jis ki aabaroo par jaan de de jhuum kar
vo patanga jal to jata hai fana hota nahi

· 1 Like · May 25, 2017 at 01:05
Category: sad
 
Poetry / Sad

Muzammil Shahzad

Zard Patton Ki Terah Khwab Bikhar Jate Hain

Zard patton ki terah khwab bikhar jate hain
dard lamhe tu meri jaan main utar jate hain

main wafaoon ki hatheli pe likhi tahrerain
parhna chahon tu sabi harf mukar jate hain

dil ko hairat ha k chup chap guzarte lamhe
kis tarah Ankh ki putli main thehar jate hain

umar sehra main kate ya gham-e-tanhai main
akhri waqat tu sare hi guzar jate hain

ab tu ye ha k teri yaad main bheege manzar
chalte chalte mere hathon se bikhar jate hain

· 1 Like · May 24, 2017 at 11:05
Category: sad
 
Poetry / Sad

Muzammil Shahzad

Muje Rona Nahi Ata

" SUNU "

Muje Rona nahi Ata
Muje khona nahi Ata

K tum bin Jeena mushkil ha

Jo Dard Tum Dena chahte ho muje Sehna nahi Ata

Tum tu Reh Lo ge Sath kisi Our k magar

Main kya karon muje Rasta Badalna nahi Ata

Tum tu Waqif ho Andaz-e-Guftgu Se

Muje tu baat karne ka salika bi nahi Ata

Tum tu Jeet jate ho Lar jhagar kar bi

Dekho muje tu Larna bi nahi Ata

Tum Tu Khush Reh Lo ge mere Bina

Dekho Tumare Bina Tu muje Jeena Bi nahi Ata

· 1 Like · May 24, 2017 at 05:05
Category: sad
 
Poetry / Sad

Muzammil Shahzad

Aankhain Bhi Wahi Hain Dareecha Bhi Wahi Hay

Aankhain Bhi Wahi Hain Dareecha Bhi Wahi Hay
Or Soch Kay Aangan Main Utarta Bhi Wahi Hay

Jis Nay Meray Jazbon Ki Sadaqat Ko Na Jaana
Ab Meri Rafaqat Ko Tarasta Bhi Wahi Hay

es Dil Kay Kharabay Say Guzar Kis Ka Howa Hay
Aankhain Bhi Wahi Hain Hont Bhi Wahi Hay Lehja Bhi Wahi Hay

Jo Kuch Bhi Kaha Tha Meri Tanhaii Nay Tujh Say
es Shaher Ki Deewar Pay Likha Bhi Wahi Hay

Woh Jis Nay Dia Mujh Ko Mohabbat Kay Khazanay
Badal Ki Tarah Aankh Say Barsa Bhi Wahi Hay

· 1 Like · May 23, 2017 at 23:05
Category: sad
 
Poetry / Sad

Muzammil Shahzad

Saare Badan Ka Khuun Pasiine Men Jal Gaya

saare badan ka Khuun pasiine men jal gaya
itanaa chale ke jism hamaaraa pighal gayaa

chalte chalte gin rahe the musiibat ke raat din
dam lene ham jo baiTh gaye dam nikl gayaa

achchhaa huaa jo raah men Thokar lagi hamen
ham gir pare to sara zamaana sambhal gaya

vahashat men koi sath hamaara na de saka
daman ki fikr ki to garebaaN jal gaya

· 1 Like · May 23, 2017 at 02:05
Category: sad
 
Poetry / Sad

Muzammil Shahzad

Samne Hai Jo Usay Log Bura Kehate Hain

samne hai jo usay log bura kehate hain
jisko dekha hi nahi usko Khuda kehate hain

zindagi ko bhi sila kehate hain kahnay wale
jeenay wale to gunahon ki saza kehate hain

fasale umar ke kuch or barha deti hai
jane kyu log usay phir bhi dava kehate hain


chaand masoom se patton ka lahuu hai "Fakir"
jis ko mahabuub ke haathon kii hinaa kahate hain

· 1 Like · May 22, 2017 at 11:05
Category: sad
 
Poetry / Sad

Muzammil Shahzad

Jo Meri Aankhon Se Khuwab Dekho

Jo meri aankhon se khuwab dekho
To ek shab bhi na so sako ge
Ke laakh chaho na hans sako ge
Hazar chaho na ro sako ge
Ke khuwab kiya hain azaab hain yeh
Mere dukhon ki kitaab hain yeh
Rafaqatain in mai chotti hain
Mohabbaten in mai roothti hain
Azayetain in mai phootti hain
Inhi ke darr se khizaan hain jazbe
Inhi se shaakhen si tootti hain
Ghamon ki bandish hain khuwab mere
Dukhon ki barish hain khuwab mere
Ubal raha hai dukhon ka laawa
Raheen-e-aatish hain khuwab mere
Khayal saare jhulas gaye hain
Sulagti khuwahish hain khuwab mere
Ukharti saansen hain zindagi ki
Lahoo ki saazish hain khuwab mere
Jo meri aankhon se khuwab dekho
To ek shab bhi na so sako ge

· 2 Like · May 22, 2017 at 05:05
Category: sad
 
Poetry / Sad

Muzammil Shahzad

Yahaan Apni Apni Baari Par

Yahaan apni apni baari par…

Sab hanstay hain…

Sab rotay hain…

Dil to sab k hee hotay hain…

Dukh bhi sab ko hotay hain…

Kuch ashk dilon par girtay hain…

Kuch mitti main mil jaatay hain…

Kuch lafz adaa ho jaatay hain…

Kuch honton main sil jaatay hain…

Maana k adhooray rehtay hain…

Par khuwaab to sab k hotay hain…

Kuch kho kar bhi paa laitay hain…

Kuch paa kar bhi kho daytay hain…

Yahaan apni apni baari par…

Sab hanstay hain…

Sab rotay hain…!

· 1 Like · May 21, 2017 at 14:05
Category: sad
 
Ameen
Posted by sana dimple
Posted on : Aug 05, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS