Search

Mohabbat ki Wakalat Nahi Ki Ja Sakti
Shehr Bhar se to Adawat Nahi Ki Ja Sakti
Mera Chehra Meri Aankhain hain Salamat Ab Bhi
Kon Kehta Hai Wazahat Nahi Ki Ja Sakti
Baat ye Hai k koi Toot k Chahay to Sahi
Her kisi se to Mohabbat Nahi Ki Ja Sakti
Ankh Kehti Hai Kahin Aur Chalay Jayen Hum
Dil ye Kehta Hai k Hijrat Nahi Ki Ja Sakti
Loh-e-Dil par Yehi Tahreer Likhi hay Mohsin
Ishq Walon ko Naseehat Nahi Ki Ja Sakti...!

koii zaNjeer ho,
aahan kii, chaandi ki, rivaayat kii,
muhabbat toRR sakti hai!


yeh aisii Dhaal hai jis par
zamanay ki kisi talwaar kaa loha nahi chalta!
yeh aisaa shehar hai jis meN
kisi ameer, kisi sultan ka sika nahi chalta!
agar chashm-e-tamasha me zara si bhi milavat ho
yeh aaina nahi chaltaa!


yeh aise aag hai jis me
badan sholoN me jaltey hain, to roohain muskurati hain
yeh voh sailaab hai jis ko
diloN kii bastiyaN awaz dey kar Khud bulati hain


yeh jab chaahey kisi bhi Khowab ko tabir mil jay
jo manzar bhuj chukey haiN, un ko bhii tasveer mil jaaye
dua, jo beThikana thi, usay taseer mil jay
kisii rastey meN rastaa pochti taqdeer mil jaaye


muhabbat rok sakti hai samay k tez dhaaray ko!
kisii jaltey shararay ko, fanaa k istaaray ko!
muhabbat rok sakti hai kisi girtey sitarey ko!
ye chakna choor aainey k raizay joRR sakti hai
jidhar chahay yeh lagam mousam ki morr sakti hai!

koii zanjeer ho, us ko muhabbat toRR sakti hai...!

Jo Kuch Din Baat Ho Jaati


Manany … Rooth Janay Ka
Agar Ye Silsila Rehta !!!!


To Phir Jana !!
Muhabbat Ho Bhi Sakti Thi ….!!!

Mohabbat mar nahi sakti
sitare toot bhi jayein
sumander sookh bhi jayin
zameen ki kookh ke sab Astaray
rooth bhi jayein saba,
gul aur baharoon se kinara kar nahi sakti
mohabbat mar nahi sakti

zamana beet jaye ga
zamanay beet jate hain
Fana ki wadion main ,rooz mere geet jate hain
diloon ki kheetioon ko zeher de kar barha daite hay
zalimoon k lashkar jeet jate hain magar
nafrat ki tund o taiz zalim andhiyoon main bhi
fiza main ik nanhi preet koel
dar nahin sakti
MOHABBAT MAR NAHI SAKTI

Labon Pay Rukti, Dilon Main Sama Nahi Sakti
Wo Ak Baat Jo Lafzon Main Aa Nahi Sakti

Jo DIL Main Ho Nazar -e- Ghum Tu Ashq Paani Hay
Keh Aag Khaak Ko Kundan Bana Nahi Sakti

Yaqeen, Gumaan Say Bahar Tu Ho Nahi Sakta
Nazar Khayal Say Aagay Tu Jaa Nahi Sakti

Dilon Ki Ramz Faqat Ehal -e- Dil Jantay Hain
Teri Samajh Mai Meri Baat Aa Nahi Sakti

Yeh Souz -e- Ishq Tu Goongey Ka Khowab Hay Jesey
Meri Zubaan Meri Haalat Bata Nahi Sakti

Simat Rahi Hay Meray Baazo'on Kay Halqay Main
Haya Kay Boojh Say Palkein Utha Nahi Sakti

Jo Keh Raha Hay Sulagta Howa Badan Us Ka
Bata Bhi Paati Nahi, Or Chupa Nahi Sakti

Ak Aisay Hijar Ki Aatish Hai Meray Dil Main Jesey
Kesi Wisaal Ki Baarish Bujhaa Nahi Sakti

Tu Jo Bhi Hona Hai, Amjad Yahin Pay Hona Hai
Zameen Madaar Se Bahar Tu Jaa Nahi Sakti