Poetry / Sad

Muzammil Shahzad

Purasaish-E-Gham Ka Shukriya, Kya Tujhe Aagahi Nahin
Tere Baghair Zindagi Dard Hai, Zindagii Nahin

Daur Thaa K Guzar Gaya, Nasha Tha Ek Utar Gaya
Ab Vo Muqaam Hai Jahaan Shikva-E-Berukhi Nahin

Tere Sivaa Karon Pasand Kya Teri Kaainaat Mein
Donon Jahaan Ki Neamaten, Qeemat-E-Bandagi Nahin

Laakh Zamana Zulm Dhaaye, Vaqt Na Vo Khudaa Dikhaaye
Jab Mujhe Ho Yaqin K Tu Haasil-E-Zindagi Nahin

Dil Ki Shaguftagi Ke Saath Raahat-E-Mayakada Gai
Fursat-E-Mayakashi To Hai, Hasarat-E-Mayakashi Gai

Zakhm Pe Zakhm Khaake Ji, Apne Lahuu Ke Ghoont Pi
Aah Na Kar, Labon Ko Sii, Ishq Hai Dil lagii Nahin

Dekh Ke Khushk-O-Zard Phool, Dil Hai Kuch Is Tarah Malool
Jaise Teri Khizaan Ke Baad, Daur-E-Bahaar Hi Nahin

Advertisement
· 1 Like · Oct 13, 2015 at 04:10
Category: sad
 

Latest Posts in poetry

Timatar Khao
Posted by sadaf zeeshan
Posted on : Apr 23, 2016

Random Post

Sponored Video

New Pages at Social Wall

New Profiles at Social Wall

Connect with us


Facebook

Twitter

Google +

RSS