Haye, Woh Shakhs

Silsala Aur Bhi Kuch Gham K Barhaya Jaye,
Is Biyaaban Ko Samander Se Milaya Jaye,

Jis Mein Hum Log Charaghon Ki Tarah Jaltay Hain,
Aao Woh Shehr Zamanay Ko Dikhaya Jaye,

Apnay Qabzay Mein Toh Zakhmon Ki Barhi Doulat Hai,
Kyun Na Phir Waqt Ka Sab Qarz Chukaya Jaye,

Dil Mein Is Qadar Tere Dard Ko Rakh Leta Hon,
Jaise Ghar Mein Kissi Mujrim Ko Chupaya Jaye,

Mujhse Khud Apna Pata Puch Raha Tha Ik Din,
Haye, Woh Shakhs Bhulaaye Na Bhulaaya Jaye,

Main Koi Raaz Ki Tahir Nahi Hoon "JAAMI",
Band Kamre Mein Jissay Laa Kay Jalaya Jaye......!!!!