Poetry / Love

Bisaat-e-jaan pe azab utarte hain kis tarah

Shab-o-roz dil pe ataab utarte hain kis tarah

Kabhi ishq ho to pata chaley

Ye jo log se chuppay huey hain pas-e-dostaan

To ye kon hain?

Ye jo rog se hain chuppay huey pas-e-jism-o-jan

To ye kis liye?

Ye jo kaan hain meri aahaton pe lagey huey

To ye ku bhala?

Ye jo hont hain saf-e-dostaan main siley huey

To ye kis liye?

Ye jo iztaraab racha hua hai wajood main

To ye kun bhala?

Ye jo sang sa koi aa gira hai jamood main

To ye kis liye?

Ye jo dard dil main chira hua hai lateef sa

To ye kab se hai?

Ye jo putliyoun main hai aks koi khafeef sa

So ye kab se hai?

Ye jo aankh main koi baraf si hai jami hui

To ye kis liye?

Ye jo doston main nayi nayi si kami hui

To ye kyun bhala?

Ye jo log peechey parey huey hain fazool main

Unhain kya pata unhain kya khabar?

Kisi raah k kisi mor per jo unhain zara

Kabhi ishq ho to pata chaley...?

Advertisement
· 1 Like · Nov 07, 2017 at 17:11
Category: love
 

Latest Posts in poetry

Aslam o Alikum Wa Rehmtullah
Posted by arsalan ahmed
Posted on : Aug 22, 2016

Random Post

Sponored Video

New Pages at Social Wall

New Profiles at Social Wall

Connect with us


Facebook

Twitter

Google +

RSS