Poetry / Sad

Kashif Yaqoob

Mere Hathon Main Apne Naam Ki Lakeer Dekhna

Mere Hathon Main Apne Naam Ki Lakeer Dekhna
Meri Ankhon Main Apne Husn Ki Tasveer Dekhna
Kya They Or Kya Bna Dia Teri Ulfat Ne

Kese Ban Gaye Hain TereMere Hathon Main
Apne Naam Ki Lakeer Dekhna

Meri Ankhon Main Apne Husn Ki Tasveer Dekhna
Kya They Or Kya Bna Dia Teri Ulfat Ne

Kese Ban Gaye Hain Tere Pyar Mein Faqeer Dekhna
Boht Naaz Hy Na Tujy Apni Husn ki Dolat Per Dost
Mere Paas B Hy Zakhmon Ki Jageer Dekhna

Mere Ho Or Mere Hi Raho Ge Hamesha
Rang Laaye Gi Sachey Pyar Ki Taseer Dekhna

Bohat Zulm Sahey Hain Teri Judai K Ham Ne ""
Sada Ek Jesi Nhi Rehti Taqdeer Dekhna

· 3 Like · Mar 09, 2018 at 21:03
Category: sad
 
Poetry / Sad

Muhabbaton Mein Har Ek Lamha Wisal Hoga Ye Tay Howa Tha

muhabbaton mein har ek lamha wisal hoga ye tay howa tha
bichar ke bhi ek dosrey ka khayal hoga ye tay howa tha

wohi howa na badaltey muosam mein tum ne ham ko bhula dia hey
koi bhi rut ho na chahaton ko zawal hoga ye tay howa tha

ye kia ke sansain ukhar gai hain safar ke aghaz se hi yaro
koi bhi thak kar na rastey mein nidhal hoga ye tay howa tha

juda hoe hain tu kia huwa phir yehi to dastoor-e-zindagi hey
judaiyon mein na qurbaton ka malal hoga ye tay howa tha

chalo ke Faizan kashtiyon ko jala dain gumnam sahilon per
ke ab yahan se na wapsi ka sawal hoga ye tay howa tha...!

· 14 Like · Sep 08, 2017 at 17:09
Category: sad
 
Poetry / Love

Muzammil Shahzad

Waqt Mila To Sochenge

KYU TU ACHA LAGTA HAI, WAQT MILA TO SOCHENGE
TUJH MEI KIA KIA DEKHA HAI WAQT MILA TO SOCHENGE

SARA SHEHER SHANASAI KA DAWEDAR TO HAI LEKIN
KON HAMARA APNA HAI, WAQT MILA TO SOCHENGE

HUM NE USKO LIKHA THA, KUCH MILNE KI TADBEER KARO
US NE LIKH KER BHEJA HAI, WAQT MILA TO SOCHENGE

MOSAM KHUSHBU BAAD-E-SABA CHAND SHAFAQ AUR TARON MEI
KON TUMHARE JAISA HAI ,WAQT MILA TO SOCHENGE

YA TO APNE DIL KI MANO, YA PHIR DUNIA WALON KI
MASHWARA USKA ACHA HAI WAQT,WAQT MILA TO SOCHENGE

· -1 Like · May 23, 2017 at 17:05
Category: love
 
Poetry / General

Mout Ki Aagosh Mein Jb Tak So Jati Hy Maa

Mout ki aagosh mein jb tak so jati hy MAA,
tu kahin ja k thora sa sakun paati hy MAA,

Rooh k rishton ki ye gehrai tu dekhye,
chot lagti hai hume or chilati hy MAA,

Mangti hy kuch nahe apny liye Allah sy,
Apnay bacho k liye daman ko phelati hai MAA,

Pyar kehtay hen kise or Mamta kya cheez hai,
koi un bachon se puche jin ke guzar jati hai MAA,

Chahe hm khushion me MAA ko bhool jaen dosto,
Jb musibat sar pe aati hai tu yaad aati hai MAA...!

· 4 Like · Nov 14, 2017 at 03:11
Category: general
 
Poetry / Sad

Muzammil Shahzad

Hum Na Samjhe Teri Nazron Ka Taqaza Kia Hai

Hum Na Samjhe Teri Nazron Ka Taqaza Kia Hai
Kabhi Jalwa Kabhi Parda Ye Tamasha Kia Hai

Mujh Ko Madhosh Sa Kr Rakha Hai Teri Aankhon Ne
Werna Saaqi Tere Maikhaane Main Rakha Kia Hai

Dekh Le Laila Tere Majnu Ka Kaleja Kia Hai
Khaak Main Mil K B Kehta Hai Bigra Kia Hai

Ye Suraahi Sa Badan Le Ker Maire Saamne Na Aa
Main Sharabi Hoon Sharabi Ka Bharosa Kia Hai

Apne Honton Ko Maire Honton Se Chonay Na De
Ek Do Ghoont Se Botal Ka Bigarta Kia Hai ,

· 4 Like · Mar 30, 2016 at 14:03
Category: sad
 
Poetry / Sad

Koi Waqt Purana Yaad Aya

Koi Waqt Purana Yaad Aya !!
Phir Dour Suhana Yaad Aaya !!
Or Chupkay Se In dewaron Pe !!
Kuch Likh Kar Jana Yaad Aaya !!
Tera Milna Neend Ki Chaaon Mein !!
Or Sir Rakh Dena Kandhay Per !!
Mera Ye Kehna Koi Dekh Na Le !!
Tera Wo Ghabrana Yaad Aaya !!
Aisa Bhi Tu Aksar Hota Tha !!
Mein Tuj Ko Chorne Jata Tha !!
Barish ki Bheegi Raaton Mein !!
Tera Hath hilana Yaad Aaya !!
Wo Waqt Gaya Beetay Lamhe !!
Ab Her Janib Tanhai Hai !!
Bas Ek hi Manzar Ankhon Mein !!
Tera Chor Ke Jana Yaad aaya !!

· 2 Like · Dec 19, 2017 at 03:12
Category: sad
 
Poetry / Love

Main Logon Sey Mulaqaton K Lamhey Yaad Rakhta Hoon

MaiN logoN sey mulaqatoN k lamhey yaad rakhta hooN
MaiN baateN bhool bhi jaooN to lehjay yaad rakhta hooN

Sar-e-mehfil nigaheN mujh pey jin logoN ki paRti haiN
NigahoN k hawaley sey woh chehrey yaad rakhta hooN

Zara sa huT k chalta hooN zamaney ki riwayat sey
K jin pey bojh maiN Dalo woh kandhay yaad rakhta hooN...!

· 1 Like · Dec 18, 2017 at 15:12
Category: love
 
Poetry / General

Shikwa E Ashq Nahi Jurat E Guftar Nahin

Shikwa-e-ashq nahi Jurat-e-guftar nahin

mairay hathon main jabar ki talwar nahin

Ibn-e-Adam hun insan se Mohabat ki hai

Aag ka chand ka Pathar ka paristar nahin

ae khuda mujh ko meri Ibadat k badlay Mohabat de de

Main teri kisi bhi jannat ka kharidar nahin

jis ne insan se mohabat hi na ki ho

wo dar haqiqat khuda ka b talabgaar nahin...!

· 1 Like · Oct 29, 2017 at 01:10
Category: general
 
Poetry / General

Muzammil Shahzad

Us Dais Main Lagta Hai Adalat Nahin Hoti

Us Dais Main Lagta Hai Adalat Nahin Hoti,
Jis Dais Main Insaan Ki Hifazat Nahin Hoti..

Makhlooq-e-Khuda Jab Kisi Mushkil Main Phansi Ho,
Sajday Main Parray Rehna Ibadat Nahin Hoti..

Hum Khak Nasheenon Se Hi Kyun Kartay Hain Nafrat,
Kya Parda Nasheenon Main Ghalazat Nahin Hoti..

Ye Baat Nayi Nasal Ko Samjhani Parray Gi,
Uryani Kabhi Bhi Saqafat Nahin Hoti..

Sir Ankhon Par Hum Us Ko Bitha Laitay Hain Aksar,
Jis K Kisi Waday Main Sadaqat Nahin Hoti..

Pohncha Hai Agarchay Barra Nuqsan Hamaisha,
Phir Bhi Kisi Banday Ki Ataat Nahin Hoti..

Har Shakhs Sir Pe Kafan Bandh K Niklay,
Haq K Liye Larrna To Baghawat Nahin Hoti..

· 2 Like · Mar 02, 2018 at 09:03
Category: general
 
Poetry / Love

Abdul Rehman Rehman

Koi Deewana Kehta Hai, Koi Pagal Samajhta Hai

Koi deewana kehta hai, koi pagal samajhta hai
Magar dharti ki bechaini ko bas baadal samajhta hai
Main tujhse dour kaisa hoon, tu mujhse dour kaisi hai
Ye tera dil samajhta hai ya mera dil samajhta hai

Mohbbat ek ehsaason ki pawan si kahani hai
Kabhi Kabira deewana tha, kabhi meera deewani hai
Yahan sab log kehte hain meri aankhon main aasoon hain
Jo tu samjhe to moti hain, jo na samjhe to paani hai

Bahut bikhra bahut toota thapede seh nahin paaya
Hawaaon ke isharon par magar main beh nahin paaya
Adhoora ansuna hi reh gaya yun pyar ka kissa
Kabhi tum sun nahin paaye, kabhi main keh nahin paaya

· 3 Like · Mar 24, 2019 at 23:03
Category: love
 
Purple Designs
Posted by Wajeeha Ali
Posted on : May 15, 2019

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS