iJunoon Archives 2017

Aaj Aisa kertay hain

Guftago ke lamhon main
dekh hi nahi patay
hum tumhare chehray ko
tum hamari ankhon ko
aaj aisa kartay hain
chashm-o-lub ko parhte hain
baat choar dete hain…
janay kia lamha ho ga
jab yeah hath hathoon se
agar kabhi juda ho ga
aaj aisa karte hain
zabt-e-jaan parkhte hain
hath choar detay hain…
kash koi samjha dey
log kis tarha dil ki
manzilein alag kar ke
saath choar dete hain
aaj aisa karte hain
be-sabab bikharte hain
zaat toor dete hain…

Udas dil ki udas batain
samjhnay wala koi to hota
K jis ki baton se dil sambhalta
k jis ki sangat me dil behalta
Jis ki hlki si ik jhalak bhi
hmare dukh ko smait leti
Falak se khushiyan undail deti
YA
uski nazuk si muskurahat
Hmare dil ki sabhi thakawat ko door krti
Ya phir chamkti wo aankhain uski
Hmari hasti ka raaz hotin
Hmare dukh ki ktab hoti
Jo humko chahta, hum ko parhta
Guzarte lamhon ki sakhtiyon me
Koi to nazuk mizaj hota

KOI TO HOTA

Tu bata dil-e- betaab, kahan aate hain,
Humko khush rehne ke aadaab kahan aate hain

Main to yakmusht usse saunp doon sab-kuch lekin
Ek muthi mein mere khwaab kahan aate hain

Muddaton baad tujhe dekh ke dil bhar aaya
Warna sehraon mein selaab kahan aate hain

Meri bedaar nigahon mein agar bhuule se
Neend aaye bhi to ab khwaab kahan aate hain

Shiddat-e-dard hai ya kasrat-e-mee noshi hai
Hosh mein ab tere betaab kahan aate hain

Hum kisi tarah tere dar pe thikana kar lein
Hum faqeeron ko ye aadaab kahan aate hain

Sar-basar jin mein faqat teri jhalak milti thi
Ab muyassar hamein woh khwaab kahan aate hain

Hay Ye Ghalati Keh Mohabbat Ko Sapna Samjha Tum Nay
Mohabbat Kartay Hi Mohabbat Ko Apna Samjha Tum Nay

Kar Kay Mohabbat Tum es qadar Kho Gaye
Us Kay Inkaar Ko Be Wafai Samjha Tum Nay

es Kdar Mehsoos Kia Tum Nay Zakhmo Ko Apnay
Phoolon Main Bhi Zakham Ka Ahsaas Kia Tum Nay

Thay Mohabbat Main Apni Tum Aisay Gum Sum
Sab Kay Dukh Ko Bhi Tum Nay Hansi Samjha Tum Nay

Dewanay es qadar Ho Gaye Tum Chahat Main Apni
Mohabbat Ko Bhi Khud Se Begana Samjha Tum Nay

Chahat Dil Per Kuch Aisa Naqsh Kar Gaii "Fariha"
Un Ko Bholnay Ki Chah Main Sab Ko Bhula Dia Tum Nay

Mohabbat Karna Un Say Jo Kartay Hain Mohabbat Tum Say
Yeh Samajh Lena Keh Us Din Sab Kuch Paa Lia Tum Nay

Karay Koii Mohabbat Tum Se Or Ho Jao Tum Hasil
Sikander Phir Mohabbat Ko Hasil Kar Lia Tum Nay