iJunoon Archives |2015 | July

Ab Tak Us Ki Muhabbat Kaa Nashaa Taarii Hai
Phool Baaqii Nahiin Khushbu Ka Safar Jaari Hai

Sehar Lagtaa Hai Pasiine Mein Nahaayaa Huaa Jism
Ye Ajab Khuaab Mein Dobi Hui Bedaari Hai

Aaj Kaa Phool Teri Kokh Se Zaahir Hoga
Shaakh-E-Dil Khushk Na Ho Ab Ke Teri Baari Hai

Dhyaan Bhi Us Ka Hai Milte Bhii Nahin Hain Us Se
Jism Se Bair Hai Saaye Se Vafadaari Hai

Dil Ko Tanhaai Kaa Ahasaas Bhi Baaqi Na Rahaa
Vo Bhi Dhundhalaa Gayi Jo Shakl Bahut Pyaari Hai

Is Tag-O-Taaz Mein Tote Hain Sitaare Kitane
Aasmaan Jeet Sakaa Hai Na Zameen Haari Hai

Koi Aayaa Hai Zaraa Aankh To Kholo 'Shehzad'
Abhi Jaage The Abhi Sone Kii Taiyaari Hai

Muqaddar k sitaron par,

Zamano k asharoon par,

Udasi k kinaroon par,

Kabhi veraan shehron main,

Kabhi sunsaan rastoon par,

Kabhi heraan ankhoon main,

Kabhi bejaan lamhon par,

Tumari yaad chupke se,

Koi sargoshi karti hai,

Ye palkein bheeg jati hain

To ansoo toot girte hain,

Hum palkun ko jhukaty hain

Bazahir muskraty hain,

Fakat itna he kahty hain

Mujhy tm yaad aty ho…

Mujhy Tm yaad aty ho ….

Duur Kahin Rehtay ho kahin
Dil Mein meray Bastay kyon nahin
Dard mein Doobey Rehtay ho kahin
Khwabon mein meray Bastay Kyon Nahin
Duur Kahin rehtay ho Kahin

Char Diware Kehte hain yahi
Chal udd Jayein Dil kay Sath kahin
Faasley yeh kam hotey hi nahin
Faasley kyon kam hotey hi nahin
Duur kahin rehtay ho kahin
Dil mein meray Bastay kyon nahin

Chahat Dil ki bantetay hi nahin
Dard mein Doobey rehtay ho kahin
Dil mein meray bastay kyon nahin
Jaan na paye tujh ko hum kabhi
Jaan patey to rok latey tujh ko hum Yahin
Duur kahin………..

Waqt kay sath chaltey ho kahin
meray sath chaltey hi nahin
Jo chalogey hamare sath tum agar
Chodaingey na tera sath hum kabhi
Duur kahin rehtay ho kahin………
Dil mein meray bastay kyon nahin

Itna toota hoon k choonay say bikhar jaaoonga,
Ab agar aur dua dogay to mar jaaoonga !

Pooch kar mera pata, waqt raegaa na karo,
Main to banjara hoon, kya jaanay kidhar jaaoonga !

Har taraf dhund hai, jugnu hai na charag koi,
Kaun pehchanayga, basti mein agar jaaoonga !

Zindagi, main bhi musaafir hoon teri kashti ka,
Tu jahan mujh say kahegi main utar jaaoonga !

Phool rah jayeengay guldaan mein yaadon ki nazar,
Main to khushboo hoon fizaon mein bikhar jaaoonga !

Itna toota hoon k choonay say bikhar jaaoonga,
Ab agar aur dua dogay to mar jaaonga !