iJunoon Archives |2012 | January

Waqt Hy Jhonka Hawa Ka,
Aur Hum Peele Pat'tey Faqt

Kon Jane Agle December,
Tum Kahan Aur Hum Kahan ???

Dilon Ko Ranj O Malal De Kar, Ye Saal Kese Guzar Gaya Hai
Kisi Ka Aks E Khayal De Kar, Ye Saal Kese Guzar Gaya Hai

Ma Us Se Bichra Hoon Is Tarah Se, Na Hans Saka Hoon Na Ro Saka Hoon
Mujhe Bohat Se Zawal De Kar, Ye Saal Kese Guzar Gaya Hai

Ma Chandani Raat Ka Musafir, Bhatak Gaya Hoon Udasiyon Ma
Mujhe Ghamon Ke Kamal De Kar, Ye Saal Kese Guzar Gaya Hai

Ma Heraton Ma Khara Hua Hoon, Nahi Saleeqa Sanbhal Sakoon Ga
Mujhe Anokhe Sawal De Kar, Ye Saal Kese Guzar Gaya Hai

Ma Us Ki Khwaahish Ma Ab Bhi Rashid, Bikhar Raha Hoon Jhulas Raha Hoon
Mujhe Farebon Ke Jaal De Kar, Ye Saal Kese Guzar Gaya Hai

Suno !!

Tum Jahan Bhi Ho

Chahe Zameen Ki Kisi

Aakhri Koney Ki Janib Nikal Jao

Beshak Humai'n Tum Bhuul Jao

Magar

Itna Yaad Rakhna

Hum Tumhari Baato'n Ko
Hawalo'n Ko

Mehfooz Rakhei'n Ge

Tumhari Yaad Ko Dil k Paas
Rakhei'n Ge

Suno !!!

Hum Tumhei'n Yaad Rakhei'n Ge ... !!!

Raaz -e- Ulfat Chupa Kay Dekh Liya
Dil Bohat Kuch Jala Kay Dekh Liya
Or Kia Dekhnay Ko Baaki Hay
Aap Say DIL Laga Kay Dekh Liya
Wo Mera Ho Kay Bhi Mera Na Howa
Un Ko Apna Bana Kay Dekh Liya
Aaj Un Ki Nazar Main Kuch Ham Nay
Sab Ki Nazray Bacha Kay Dekh Liya
Faiz Taqmeel -e- Ghum Bhi Ho Na Saki
Ishq Ko Aazma Kay Dekh Liya
Aas Us Dar Say Tootti Hi Nahi
Jaa Kay Dekha Na Jaa Kay Dekh Liya

jis tarah ki hain yeh devarain yeh dar jaisa bhi hai
sar chupanay ko muyassar toh hai ghar jaisa bhi hai
usko mujhse mujhko uss se nisbatain hain beshumaar
meri chaahat ka hai mehavar yeh nagar jaisa bhi hai
chal para hun shauq-e-beparvaah ko murshad maan kar
raastaa pur_pech hai yan pur_Khatar jaisa bhi hai

Yeh Fakhar Toh Haasil hay , Buray hayn k Bhalay hayn
Do Chaar Qadam Hum bhi Teray Saath chalay hayn
Jalna toh Chiraghon ka Muqaddar hay Azal se
Yeh Dil k Kanwal hayn k Bujhay hayn na Jalay hayn
Thay kitnay Sitaray k Sirr e Shaam hi Doobay
Hungaam e Sehar Kitnay hi Khursheed Dhalay hayn
Jo Jhayl Gaye Hans k karri Dhoop k Tewar
Taaron ki Khunak Chaon mayn Woh Log Jalay hayn
Ek Shama Bujhayee Toh Kayee Aur Jala Leen
Hum Gardish e doraan se bari Chaal Chalay hayn

Main tumharay aks ki aarzoo mein bass aayina hi bani rahi
Kabhi tum na samnay aa sakay, kabhi mujh pay gard pari rahi
Woh ajeeb shaam thi,aaj tak meray dil mein uss ka malal hai
Meri tarah jo teri muntazir, teray rastay mein khari rahi
Kabhi waqf-e-hijr main ho gaei,kabhi khwab-e-wasl mein kho gaei
Main faqeer-e-ishq bani rahi, main aseer-e-yaad huwi rahi
Bari khamshi say sarak kay phir meray dil kay gird lipat gaei
Woh rida-e-abr-e-sfed jo sar-e-kohsar tani rahi
Huwi uss say jabb meri baat bhi,thi shareek-e-dard woh zaat bhi
To na janay kon si cheez ki meri zindgi mein kami rahi

Masoom Mohabbat ka bas itna Fasana hay,
Kaghaz ki Hawaili hay aur Baarish ka Zamana hay...
Kya shart-e-mohabbat hay, kya shart-e-zamana hay,
Awaz bhi Zakhmi hay aur Geet bhi gaana hay...
Us paar utarnay ki Umeed bohat kam hay,
Kashti bhi Puraani hay aur Toofan ko bhi aana hay...
Samjhay ya na samjhay wo Andaaz Mohabbat kay,
Aik shakhs ko Aankhon say Shair sunana hay...
Bholi si Adaa koi phir 'Ishq' ki, zidd par hay,
Phir 'Aag ka Darya' hay or dooob' kay jana hay...!!!

Tum Mohabbat bhi Maosam Ki Tarha Nibhate Ho,
Kabhi baraste Ho Kabhi ek boond Ko Tarsate Ho,
Pal Mein Kehte Ho Zamane Mein Faqat Tere Hain,
Pal Mein Izhaar-e-Muhabat Se Muker Jate Ho,
Bhari Mehfil Mein Dushmano ki Tarah Milte Ho,
Aur Duaaon Mein Mera Naam Liye Jate Ho,
Dayar-E-Ghair Mein Mujh ko Talash karte Ho,
Miloon To Paas Se ChupChaap Guzer Jate Ho,
Lakh mosam ki tarah rung badalte raho,
Aaj bhi toot k shiddat se humein chahte ho.