Search

yeh kaisa khauf tha keh rakht-e-safar bhi bhool gaye

woh kaun log thay keh apnay ghar bhi bhool gaye

yeh kaisi qouvat-e-parvaaz dar ne paida ki

parinday urtay huay apnay par bhi bhool gaye

dukhon nay chheen li aankhon ki saari benaye

hum uska sheher tu kya reh guzar bhi bhool gaye

khayal tha keh sunayein ge haal-e-dil laiken

hum uskay saamnay arz-e-hunar bhi bhool gaye

juda huye tu khula hai tumhari basti main

hum ik dil hi nahiin chashm-e-tar bhi bhool gaye

SUNA HAI YEH MEIN NAY AURON SAY IN DINON WO MUJHAY,
BULA RAHA HAI MGAR DAIR HO GAEE SHAYAD,
WO MUJH KO JAGTI RAATON K UN KAHAY QISSAY,
SUNA RAHA HAI MGAR DAIR HO GAEE SHAYAD,
WO MUJH KO APNAY BICHARNAY KI NAGUZEER WAJAH,
BATA RAHA HAI MGAR DAIR HO GAEE SHAYAD,
WO MUJH KO YAAD KAR K CHEHRAY PAR JHURIYON K NISHAAN,
DIKHA RAHA HAI MGAR DAIR HO GAEE SHAYAD,
WO AIK SHAMA GHAM E ZINDAGI MITANAY KO,
JALA RAHA HAI MGAR DAIR HO GAEE SHAYAD,
WO GHAM JO HASIL E UMR E RAWAAN HAI AB WO USAY,
BHULA RAHA HAI MAGAR DAIR HO GAEE SHAYAD

Akelay Jo Dukh Uthatey Ho
Yeh Tum Acha Nahi Kartay
Humara Dil Jalatay Ho
Yeh Tum Acha Nahi Kartay

Kaha Bhi Tha Mohabat Hai
Mohabbat Hi Issey Rakho
Tamasha Jo Banatay Ho
Yeh Tum Acha Nahi Kartay

Uthatay Ho Falak Tak Tum
Humain Sar e Mehfil Main
Uthaa Kar Jo Giratay Ho
Yeh Tum Acha Nahi Kartay

Jo Koi Pooch Lay Tumse ke
Rishta Kya Hai Abhi Un Sey
To Nazron Ko Jo Jhukatay Ho
Yeh Tum Acha Nahi Kartay

Bikhar Jayen Andheron Main
Saharaa Tum To Detay Ho
Magar Phir Chorr Jatay Ho
Yeh Tum Acha Nahi Kartay

Mukammal do he danoo per yeh Tasbeeh-e-Mohabbat hai
Jo aaye teesra dana yeh Dori toot jaati hai


Muqarrar waqt hota Mohabbat ki Namazon ka
Adaa jin ki nikl jaye, Qazaa bhe choat jati hai


Mohabbat ki Namazon mei imamat aik ko soanpo
Issay taknay, Usay taknay se Niyyat toot jati hai


Mohabbat dil ka Sajda hai jo hai Tauheed per qayem
Nazar k Shirk kerne se Mohabbat rooth jati hai

Hua hai haal yeh barish ki meherbaani se
Zameen k zakham haray ho gaye hain paani se

Dhale hain ashak shab e ghum bari rawani se
charagh ham ne jalaye hain iskey paani se

Na kaam aayi meri jurrat e lab-e-izhaar
Woh badgumaan hi hua aur khushbayani se

Main chahta hun tumhara bharam rahe qayam
Nikaal do mere kirdaar ko kahani se

Mujhe bhi chehra shinasi ka agaya hai hunar
Mila kamaal ye dushman ki meherbani se

Kisi se kuch na kaha aur keh diya sab kuch
Zuban ka kaam liya maine be zubaani se

Abhi zameen se nahi rabta mera AIJAAZ
Guzar raha hoon abhi daur-e-asmaani se

kaha yeh dard ney ik baar phir ubhartay hoye
ke thora waqt to lagta hai zakhm bhartey hoye

phir is kinaarey pe lotounga kab KHUDA janey
mein sochta raha darya ko paar kartey hoye

hameiN yeh teri udaasi bhali nahiN lagti
sukoot e shab sey kaha jugnuoN ney dartey hoye

meiN bujh sa jata hooN manzar yeh jab bhi dekhta hooN
kisi nasheb mein ik saaye ko utartay hoye

meri ragoN meiN bhi utrey haiN kuchh khizaN mausam
mujhey bahaar ney dekha nahiN bikhertay hoye

meiN be niyaz hi guzra tha 'shaad' raahoN sey
uboor ho gayin kuch manzileiN guzartey hoye

udasion ka sabab ju likhna tu yeh bhi likhna
k chand jaisa chehra,shahabi ankhain badal gayi hain

woh lamhe ju teri raahoon main,tere anay k muntazir thay
woh thak k sayuon main dhal gaye hain

woh teri yaadain khayal tairay,woh teri batain,sawal tairay,
woh tujh se mere tammam rishtey ujar gaye hain bikher gaye hain

kapkapatay hontoon per larkharati dua k suraj,pighal gaye hain
tammam sapne jall gaye hain,pal pal tarapti shaamain badal gayi hain,

tanhaiyoun main machalti hoi raatain jal gayi hain
payar k jalte hoye chiraagh bujh gaye hain

yeh jo raig-e-dasht-e-firaq hai yeh ruke agar
yeh ruke agar to nishaaN mile,
yeh nishaaN mile
k jo faslooN kii saleeb hai
yeh gaarii hui hai kahaaN kahaaN
mere asmaN se kidhar gayii tere iltefaat ki kehkashaaN

mire be_Khabar, mire be nishaaN
yeh ruke agar to pata chale
maiN thaa kis nagar tuu rahaa kahaaN
k zamaan o makaaN ki yeh wusataiN
tujhe dekhne ko taras gayein
voh mere nasiib ki baarisheN
kisi aur Chhat pe baras gayein

mere chaar suu hai ghubaar-e-jaaN,
voh fishaar-e-jaaN,
k Khabar nahiiN mere haath ko mire haath kii
mere Khwaab se tere baam tak
tare rehguzar ka to zikr kya
nahiiN zaufishaN tere naam tak
haiN dhuaaN dhuaaN mire ustKhwaaN
mere aansuuoN meN bhuje hue mire ustKhwaaN
mire naqsh gar mire naqsh-e-jaaN

isii raig-e-dasht-e-firaaq meN rahe muntazir
tere muntazir!!!
mere Khawab jin ke fishaar meN
rahi mere haal se beKhabar teri rehguzar
tare rehguzar ke jo naqsh haiN mire haath par
magar is balaa ki hai tiirgi
k Khabar nahiiN mere haath ko mere haath ki
voh jo chashm-e-shobadaa saaz thii, woh uThe agar
mere ustKhwaaN meN ho roushni
ussi ek lamha-e-diid meN teri rehguzar!!
meri teera jaaN meN chamak uThe
mere Khawab se tairay baam tak,
sabhii manazroN meN damak uThhe
usii ek pal meN ho jaavidaaN
meri arzoo k hai bekaraaN
meri zindagi k hai muKhtasar

yeh jo raig-e-dasht-e-firaq hai, yeh ruke agar
yeh ruke agar

Yeh Sheshay, Yeh Sapnay
Yeh RIshty, Yeh Dhagay

Kisy Khabar hai Kahan TOot Jain

Mohabbat K Dariya Main Tinkay Wafa K

Na jane yeh Kis Morh Pr DOob jain

Ajab Dil ki Basti
Ajab Dil ki Waadi

Har Ik Morh Nayi Khowahishon Ka

LaGaye Hain HUM nay bhi Sapno K "Pouday"

MaGar

Kia Bharosa Yahan "BarIshon" Ka guzar ho na ho